UMATEWU 12:31 - IsiNdebele 2012 Translation

³¹ Yeke ngithi kini: Abantu bazokulitjalelwa soke isono nokuhlambalaza, kodwana loyo ohlambalaza uMoya oCwengileko angeze alitjalelwa.

UMATEWU 12:31 Iomraidhean Croise

U-ISAYA 1:18

“Seningeza-ke, sikhulumisane”, kutjho uSomnini, “Nanyana izono zenu zitlerebede, zizaba mhlophe njengesithwathwa, nanyana zibomvu be, zizakuba mhlophe twa.

U-ISAYA 55:7

Isikhohlakali asilahle indlelaso embi nowenza okumbi alahle amaqhingakhe. Akaphendukele kuSomnini, uzakuba nomusa kuye, iye, kuZimethu ngombana yena uyathethelela nokuthethelela.

UHEZEKIYELI 33:11

Batjele bona uSomnini uSomandla uthe: “Ngiyafunga ngokuphila kwami bonyana angithabiswa kukufa kwesikhohlakali, kodwana ngithabiswa kulokha nasitjhiya indlelaso, siphile. Yeke phendukani! Phendukani eendleleni zenu ezimbi nina ndlu ka-Israyeli, nizakufelani na?”

ULEVITIKUSI 24:16

Akabulawe ohlambalaza ibizo lakaSomnini. Umkhambathi woke umkhande ngamatje. Woke umuntu ohlambalaza ibizo lakaSomnini, kungaba sikhonzi namkha umuntu wendabuko, akabulawe.’ ”

ULUKASI 12:10

“Woke umuntu okhuluma ngokujamelana neNdodana yoMuntu uzakucolelwa, kodwana nanyana ngubani ohlambalaza uMoya oCwengileko, angekhe acolelwa.

IZENZO ZABAPOSTOLI 7:51

“Nina bontanyana, abaneenhliziyo neendlebe ezingakasokwa, ninjengaboyihlo! Ngesikhathi soke nijamelana noMoya oCwengileko!

AMAHEBHERU 10:26

Nakube siyakhunyalala siraga ngokona emva kokobana sesamukele ukwazi kweqiniso, awusekho umhlabelo wokuhlawulela izono,

AMAHEBHERU 10:29

Alo, ucabanga bona uzakuhlunguphazwa kangangani loyo oqalela phasi iNdodana kaZimu, athi iingazi zesivumelwano ezimcwengisako zisilaphele abuye ahlambalaze noMoya womusa na?

AMAHEBHERU 6:4

Kulikhuni ukubuya baphenduke labo abakhe bakhanyiselwa, banandipha isiphiwo sezulwini, badlelana noMoya oCwengileko,

1 UJWANISI 1:9

Kodwana nangabe siyazivuma izono zethu, yena uthembekile begodu ulungile kobana asithethelele izono zethu, asihlambulule kikho koke ukungalungi.

1 UJWANISI 5:16

Nangabe omunye ubona umzalwana wakhe enza isono esingadoseli ekufeni, akamthandazele; uZimu uzamupha ukuphila loyo ongenzi isono esidosela ekufeni. Sikhona isono esidosela ekufeni, angitjho bona kuthandazelwe leso.