UMATEWU 12:28 - IsiNdebele 2012 Translation

²⁸ Kodwana nakube ngiqotjha amadimoni ngoMoya kaZimu, khona-ke umbuso kaZimu sewufikile phezu kwenu.

UMATEWU 12:28 Iomraidhean Croise

UDANYELA 2:44

Khona emalangeni wamakhosi lawo, uZimu wezulwini uzakujamisa umbuso ongasoze wapheliswa namkha udluliselwe kabanye abantu. Uzakutshidlha bewuphelise yoke imibuso eminye, kodwana wona uzakujama nini nanini.

UDANYELA 7:14

Waphiwa ukubusa, iphazimulo nombuso, ukuze boke abantu, amalimi nezizwe zimlotjhe. Umbuswakhe ngewanini nanini begodu angeze wadlula nobukhosi bakhe bubukhosi obungeze babhujiswa.

UMATEWU 12:18

“Qala, incekwami engiyikhethileko, engiyithandako nengithokozako ngayo. Ngizakubeka uMoyami phezu kwayo nje-ke izakumemezela iingwebo ezizweni.

UMATEWU 12:29

“Godu umuntu angangena njani ngekumbeni yetsitsirimba abe athathe ipahlayo ngaphandle kobana athome ngokubopha itsitsirimba leyo ntange na? Ngemva kwalapho-ke adlelezele ikumba leyo.

UMATEWU 21:31

Ngiyiphi-ke phakathi kwamabili la eyenze ekufunwa nguyise na?” Bamphendula bathi: “Yokuthoma.” Yeke uJesu wathi kibo: “Ngiqinisile ngiyanitjela bona abathelisi neengwadla zingena embusweni kaZimu phambi kwenu.

UMATEWU 21:43

UJesu wathi kibo godu: “Ngalokho ngiyanitjela bonyana umbuso wezulu uzokususwa kini unikelwe abantu abazokuthela iinthelo.

UMATEWU 4:24

Iindaba ngaye zanda kiyo yoke iSiriya, abantu baletha kuye boke ebebagula; baphethwe malwelwe amanengi ahlukeneko nobuhlungu: abantu abanamadimoni, isithunthwana nabakhubazekileko. Boke uJesu wabapholisa.

UMATEWU 6:33

Kodwana funani qangi umbuswakhe nakho koke ukulunga kwakhe, nje-ke koke lokhu nakho nizakuphiwa khona.

UMARKOSI 1:15

wathi: “Isikhathi sesifikile! Umbuso kaZimu sewutjhidele! Tjhugulukani, nikholwe ivangeli!”

UMARKOSI 11:10

Ubusisiwe umbuso ozako kababethu uDavida! Hosana kweliphezulu!”

UMARKOSI 16:17

Iimbonakaliswezi zizakulandela labo abakholwako: Ebizweni lami bazakuqotjha amadimoni, bazakukhuluma ngeenlimi ezitjha;

ULUKASI 10:11

‘Sitjho nethuli lomuzi wenu elikghamathele eenyaweni zethu, silesulela phezu kwenu. Kodwana qinisekani ngalokhu: Umbuso kaZimu sewubandamele!’

ULUKASI 11:20

Kodwana nakube ngiqotjha amadimoni ngomuno kaZimu, khona-ke kutjho bona umbuso kaZimu sewufikile kini.

ULUKASI 16:16

“Umthetho nemitlolo yabaphorofidi kwamenyezelwa kufikela ngesikhathi sakaJwanisi. Soloko kwangesikhatheso, kutjhunyayelwa iindaba ezimnandi zombuso kaZimu, yeke, woke umuntu ufuhlezela ukungena endimeni leyo.

ULUKASI 9:2

Yeke wabathuma bona bayokutjhumayela ngombuso kaZimu bebapholise nabagulako.

IZENZO ZABAPOSTOLI 10:38

kobana uZimu wajamisa uJesu weNazaretha ngoMoya oCwengileko namandla, wakhamba yoke indawo enza okuhle, apholisa boke egade bangaphasi kwamandla kaSathana ngombana uZimu gade anaye.

KWEBEROMA 14:17

ngombana umbuso kaZimu awusi kugoma nokusela, kodwana kulunga, kuthula nokuthokoza kuMoya oCwengileko.

KWEBEKOLOSE 1:13

Wasikhupha emandleni wobumnyama, wasibeka embusweni weNdodanakhe ethandekako,

AMAHEBHERU 12:28

Yeke asithokozeni ngokwamukeliswa umbuso ongekhe wasikinywa, ngalokho asinikeleni kuZimu ukulotjha okwamukelekako ngehlonipho nangokwesaba

1 UJWANISI 3:8

Loyo owenza isono ngewakaSathana ngombana uSathana uyona kusukela ekuthomeni. Isizathu sokobana iNdodana kaZimu ibonakaliswe kugiriza imisebenzi kaSathana.