UMATEWU 12:14 - IsiNdebele 2012 Translation

¹⁴ AbaFarisi bakhamba, bayokwenza amano wokubulala uJesu.

UMATEWU 12:14 Iomraidhean Croise

UMATEWU 26:4

Balumba amano wokugola uJesu ngobuqili bese bayambulala.

UMATEWU 27:1

Kwathi ekuseni ngamasa boke abaphristi abakhulu nabaphathi babantu bathatha iqunto lokubulala uJesu.

UMARKOSI 14:1

Nje-ke besele kumalanga amabili kwaphela bona kube liPhasika kanye nomnyanya wesiKwa esinganaNgumelo. Abaphristi abakhulu nabafundisi bomthetho bebathiya amaqhinga wokubamba uJesu ngesidu, bambulale.

UMARKOSI 3:6

Khonokho abaFarisi baphumela ngaphandle, benza isicathana nabantu bakaHerode sokobana bangambulala njani uJesu.

ULUKASI 22:2

Abaphristi abakhulu nabafundisi bomthetho bebafuna indlela yokususa uJesu ngombana begade besaba abantu.

ULUKASI 6:11

Bathukuthela bebathoma ukubonisana bona bangenzani ngoJesu.

UJWANISI 10:31

Godu amaJuda adobha amatje kobana amkhande.

UJWANISI 10:39

Godu balinga ukumbamba, kodwana waphunyuka ezandleni zabo.

UJWANISI 11:53

Nje-ke kusukela khona mhlokho benza amaqhinga wokubulala uJesu.

UJWANISI 11:57

Abaphristi abakhulu nabaFarisi benza isimemezelo bona loyo owaziko bona uJesu ukuphi, kufanele abike, khona bazambamba.

UJWANISI 5:18

Ngokutjho lokho kwarhagalisa amaJuda bona afune ukumbulala ingasingombana wephule iSabatha kwaphela, kodwana ngombana ubize uZimu ngoyise, ngebangelo uzenze bona alingane noZimu.

UJWANISI 7:30

Yeke balinga ukumbamba, kodwana akakho noyedwa okhe wamphakamisela isandla ngombana isikhathi sakhe besingakafiki.

UJWANISI 7:32

AbaFarisi bezwa isiqubuthu sihlebeza izintwezi ngaye; yeke abaphristi abakhulu nabaFarisi bathumela abalindi bethempeli bona bayombamba.

UJWANISI 7:44

Abanye bafuna ukumbamba, kodwana akakho owambeka isandla.

UJWANISI 8:59

Yeke badobha amatje bona bamkhande, kodwana uJesu wazifihla waphuma ngethempelini wakhamba.