UMATEWU 11:28 - IsiNdebele 2012 Translation

²⁸ “Yizani kimi noke nina enidiniweko nenidisibezekako, mina ngizaniphumuza.

UMATEWU 11:28 Iomraidhean Croise

UJOBHO 14:1

Umuntu obelethwe mfazi, imihlakhe mifitjhani begodu izele ngomtlhago.

UJOBHO 5:7

Umuntu unemvelo yokonakala asabelethwa njengombana kuyimvelo yedlanga ukuphaphela phezulu.

AMARHUBO 116:7

Nje-ke, buyela ekuphumuleni kwakho, mphefumulwami ngombana uSomnini ukondle kuhle.

AMARHUBO 32:4

ngombana ubusuku nemini isandla sakho besinzima phezu kwami, amandlami adamba njengalokha kunomtjhisokazi ehlobo.

AMARHUBO 38:4

Akusenapilo emzimbenami ngebanga lelaka lakho; akukho ukuthula emathanjenami ngenca yesono sami.

AMARHUBO 94:13

ukuze umnikele ukuphumula emalangeni amambi, ukufikela lapha isikhohlakali senjelwa khona umgodi.

UMTJHUMAYELI 1:14

Ngibone koke okwenziwa ngaphasi komthunzi welanga: Yoke into ililize! Kukugijimisa ummoya!

UMTJHUMAYELI 1:8

Zoke izinto ziyakhathaza, azihlathululeki emuntwini. Amehlo akadeli ukubona neendlebe azidinwa kulalela.

UMTJHUMAYELI 4:8

Kwakunendoda enguyedwana, gade inganamnakwabo nanyana indodana. nokho ukutjhabatjheka kwayo gade kunganasiphetho, beyinehliziyo ede inganeliswa mnonwayo. Yabuza yathi: “Ngizakuthi ngijulukela bani bengizidime ubumnandi na?” Nalokho kulilize nomthwalo obudisi!

U-ISAYA 1:4

Sizazizwa isizwe esonako, abantu abadisibezwa licala, inzalo yeenkhohlakali, abantwana bokonakala! Bamtjhiyile uSomnini; badelele oCwengileko ka-Israyeli, bamfulathela.

U-ISAYA 11:10

Mhlokho umrabhu kaJese uzakujama njengephawu ebantwini; izizwe ziwuhlulukele nekhaya lawo libe lidumo.

U-ISAYA 28:12

yena owathi kibo: “Lokhu kuphumula. Phumuzani abadiniweko ngombana lobu buledlhelo.” Kodwana bala ukulalela!

U-ISAYA 61:3

iye, ngibonelele abalilako eZiyoni ngokubapha isihlohlo esikhundleni somlotha, amafutha wokujabula esikhundleni sokulila nengubo yokudumisa esikhundleni sommoya odanileko. Bazakubizwa bona bama-owuku wokulunga nesitjalo sakaSomnini ukuze babonakalise idumo lakhe.

U-ISAYA 66:2

Koke lokhu kwenziwe sisandla sami, nje-ke zoke izintwezi zenzeka.” Watjho njalo-ke uSomnini. “Nokho ngiyelela onje: umuntu ogandelelweko, onommoya ozothileko nowesaba ilizwi lami.

UJOROMIYA 31:25

Ngizakuphumuza abadiniweko, ngithulise boke abaphodlhekileko.

UJOROMIYA 35:16

Abalandeli bakaJonadaba umsa kaRekabi babulunge umyalo abawunikelwa msunguli wesiqhema sabo, kodwana nakubabantwaba bona azange bangilalele.

UJOROMIYA 6:16

Nakhu okutjhiwo nguSomnini: “Ngathi, ‘Jamani epambanandlela niqale, buzani ngeendlela zekadeni ukufunyana bonyana ngiyiphi elungileko, nikhambe kiyo, nifumanele imiphefumulwenu ukuphumula.’ Kodwana abantwaba bathi, ‘Abe asizokhamba endleleni yakhona leyo.’

UMATEWU 11:29

Thwalani ijogi lami, nifunde kimi ngombana ngimnene begodu ngithobile ngehliziyo, imimoya yenu izakufumana ukuphumula

UMATEWU 23:4

Bathwesa abantu imithwalo ebudisi emahlombe, ibe bona abakazimiseli ukuyifukula ngitjho nangomunwabo.

UJWANISI 6:37

Koke uBaba anginikela khona kuzakuza kimi; ozako kimi angekhe ngamnina

UJWANISI 7:37

Ngelanga lamaphelelo neliqakathekileko lomnyanya, uJesu wasikima wathi ngelizwi elikhulu: “Loyo owomileko akeze kimi azokusela.

IZENZO ZABAPOSTOLI 15:10

Alo-ke kungani nifuna ukulinga uZimu ngokuthwesa abafundi umthwalo esingakghoni ukuwuthwala thina namkha abokhokho bethu na?

IZENZO ZABAPOSTOLI 20:35

Kikho koke lokhu, nginitjengise bona ngokusebenza kabudisi ngendlela le kufanele sibasize abadududu; sikhumbule amezwi weKosi uJesu eyawatjho yona ngokwayo yathi: ‘Kubusiseke khulu ukupha kunokwamukela!’ ”

KWEBEGALATIYA 5:1

UKrestu wasikhulula kobana sibe ngabakhululekileko. Ngalokho jamani niqine, ningazidisibezi godu ngejogi lobukhoboka.

2 KWEBETHESALONIKA 1:7

aphumuze abahlunguphaziweko kanye nathi. Lokho uyokwenza mhlana iKosi uJesu Krestu yembulwa, ivela ezulwini, ikanye neengilozi zayo ezinamandla,

AMAHEBHERU 4:1

Yeke, njengombana isithembiso sokungena ekuphumuleni kwakhe sisesenjalo, asiyeleleni bonyana kungabikhona noyedwa wenu ozakufunyanwa abhalelwa kufikelela ekuphumuleni

ISAMBULO 22:17

UMoya nomlobokazi bathi: “Yiza!” Nozwako akatjho athi: “Yiza!” Omunye nomunye owomileko akeze; nanyana ngubani othandako akathathe amanzi wokuphila ngesihle.