UMATEWU 11:18 - IsiNdebele 2012 Translation

¹⁸ “UJwanisi wafika angagomi begodu angaseli, nje-ke bathi, ‘Unedimoni’.

UMATEWU 11:18 Iomraidhean Croise

2 AMAKHOSI 9:11

Kuthe lokha uJehu nabuyela eenkhulwini zekosakhe, zambuza zathi: “Kusakhamba kuhle koke na? Alo, ihlanyeli belizokwenzani kuwapha?” UJehu waphendula wathi: “Indoda le nani niyayazi bonyana inemigilingwana.”

UJOROMIYA 15:17

Azange ngihlale hlangana nabarhubutjhekileko, azange ngizijabulise nabo. Bengizihlalela ngedwa ngebanga lesandla sakho ngombana bewungihlohle ngamezwi wokunikelela.

UJOROMIYA 29:26

‘NguSomnini ngokwakhe okwenze umphristi esikhundleni somphristi uJehoyada ukuze kube nabatjheji ethempelini lakaSomnini abazokulawula woke umuntu ohlanyako ozenza umphorofidi, bamfake amakhamandela nesirholwani sesimbi.

UHOSIYA 9:7

Amalanga wokuhlunguphazwa afikile; amalanga wokulungisa afikile! U-Israyeli uzazizwela. Nithi: “Umphorofidi udlhayele, umuntu kaZimu uyarhapha!” Vele unjalo, wenziwa zizonokazi zenu ezinengezi, nobutha benu obesabekako!

UMATEWU 10:25

Kumanele umfundi bona abe njengomfundisakhe, nekhoboka laneliswe kukuba njengekosalo. Nangabe ihloko yomuzi ibizwa bona nguBhelzabhulu, nje-ke amanye amalunga womndeni azakubizwa ngamabizo asabekako!”

UMATEWU 11:17

“ ‘Sanidlalela inghwani, kodwana azange nigide! Sarhahlawula, kodwana azange nilile!’

UMATEWU 3:4

Izambatho zakaJwanisi bezenziwe ngoboya bekamela; bekazibophe ngebhande lesikhumba edinini, ukugoma kwakhe kuziintethe neliju lemmangweni.

UMATEWU 9:34

Kodwana abaFarisi bathi: “Uqotjha amadimoni ngombusi wamadimoni.”

UMARKOSI 3:22

Abafundisi bomthetho ebebavela eJerusalema nabo bathi: “Ungenwe nguBhelzabhulu. Uqotjha amadimoni ngekosana yamadimoni.”

ULUKASI 1:15

ngombana izakuba yikulu emehlweni kaSomnini. Ingaseli iwayini namkha esinye nesinye isiselo esiwunyelweko. Izakuzaliswa ngoMoya oCwengileko kwekubelethweni kwayo.

UJWANISI 10:20

Abanengi bawo gade basithi: “Unedimoni! Uyahlanya! Nimlalelelani na?”

UJWANISI 7:20

Isiqubuthu saphendula sathi: “Unedimoni wena! Ngubani ofuna ukukubulala na?”

UJWANISI 8:48

AmaJuda amphendula athi: “Utjho bona besingakaqinisi lokha sithi wena umSamariya begodu unedimoni na?”

UJWANISI 8:52

Bathi kuye: “Kwanjesi khona sesineqiniso bona unedimoni. U-Abrahamu wafa nabaphorofidi bafa, nanyana kunjalo uthi loyo olonda ifundiswakho angeze ezwa ngitjho ukufa.

IZENZO ZABAPOSTOLI 26:24

Kuthe uPowula asazivikela njalo, uFestusi wamrhuwelela wathi: “Powula, uyahlanya na! Ukufunda khulu kuyakuhlanyisa!”

1 KWEBEKORINTE 9:27

Awa, ngiyawukhandla umzimbami ngiwenze ikhoboka ukuze kuthi ngemva kobana ngitjhumayeze abanye, mina ngokwami ngingakhuthi ekwamukeleni umvuzo.