UMATEWU 10:32 - IsiNdebele 2012 Translation

³² “Ngiloyo naloyo ongivumako phambi kwabantu, nami ngizomvuma phambi koBaba osezulwini.

UMATEWU 10:32 Iomraidhean Croise

AMARHUBO 119:46

Ngizakukhuluma ngobufakazi bakho phambi kwamakhosi, angekhe ngaba neenhloni.

UMATEWU 25:34

Yeke iKosi izakuthi kilabo abangesidleni sayo, ‘Yizani nina enibusiswe nguBaba! Thathani ilifa lenu okumbuso olungiselelwe nina kusukela ekudalweni kwephasi.

ULUKASI 15:10

Ngokunjalo ngiyanitjela bona kunethabo elikhulu phambi kweengilozi zakaZimu ngesoni esisodwa esiphendukako.”

UJWANISI 9:22

Ababelethi bayo batjho lokhu ngombana gade besaba amaJuda, ngebanga lokobana amaJuda besele enze isiqunto bona nanyana ngubani ovuma bona uJesu unguKrestu uzakurijwa ngesinagogini.

2 UTHIMOTHI 1:8

Nje-ke ungabi neenhloni ngokufakaza ngeKosi nangami mina sibotjhwa sayo, kodwana hlanganyela nami ebuhlungwini ngebanga levangeli, uzeyame ngamandla kaZimu,

1 UJWANISI 4:15

Loyo ovumako bona uJesu uyiNdodana kaZimu, uZimu uphila kuye naye uphila kuZimu.

ISAMBULO 2:13

Ngiyakwazi lapho uhlala khona, iye, lapha uSathana ajamise khona isihlalo sakhe sobukhosi. Nokho ubambelele ebizweni lami begodu azange uphike ukukholwa kimi ngitjho nemihleni ka-Antiphasi, ufakazi wami othembekileko, owabulawelwa hlangana nani lapha uSathana aphila khona.

ISAMBULO 3:5

Ngokunjalo nohlulako uzokwembathiswa ezimhlophe, ibizo lakhe angekhe ngalesula encwadini yabaphilako; ngizolivuma phambi kwakaBaba naphambi kweengilozi zakhe.

1 USAMYELA 2:30

“Nje-ke mina Somnini, uZimu wakwa-Israyeli ngithi ngathembisa bonyana indlwakho nendlu kayihlo nizakusebenza e-aldarini lami ngeenkhathi zoke. Kodwana kwanjesi nginisuthi ngombana ngidumisa abangidumisako nginyaze abanginyazako.