UMATEWU 1:21 - IsiNdebele 2012 Translation

²¹ UMariya uzakubeletha indodana, uyithiye ibizo bona nguJesu ngombana izakusindisa abantu bayo ezonweni zabo.”

UMATEWU 1:21 Iomraidhean Croise

UGENESISI 17:19

Kodwana uZimu wathi: “Awa! Umkakho uSara uzakukubelethela indodana. Ithiye ibizo bona ngu-Isaka. Ngizakujamisa isivumelwano sami naye sibe ngesanini nanini, kanye neenzukulwaneni zakhe emva kwakhe.

UGENESISI 17:21

Kodwana ngizakuqinisa isivumelwano sami nendodanakho u-Isaka ozakubelethwa nguSara ngesikhathesi umnyaka ozako.”

UGENESISI 18:10

Enye yawo (okutjho uSomnini) yathi: “Ngiqinisile, umnyaka ozako ngesikhathesi ngizakubuya kuwe. USara umkakho uzabe sele anendodana.” USara walalela indaba leyo angetendeni ngemva komnyango.

UJOROMIYA 23:6

Emihlenakhe uJuda uzakusindiswa bese u-Israyeli aphile ngokuphepha. Nanti ibizo azakubizwa ngalo: USomnini ukulunga kithi.”

UJOROMIYA 33:16

Emihleni leyo uJuda uzakusindiswa, iJerusalema lizakuphila ngokuphepha. Nanti ibizo elizakubizwa ngalo: USomnini ukulunga kwethu.’

UDANYELA 9:24

“Iingcenye ezilikhomba zamatjhumi alikhomba weenkhathi zabekelwa abantu bekhenu nedorobho lakho elicwengileko, ukuqeda iimphambeko, okutjho ukuphelisa izono nokuthethelela icala, kobana ukulunga okungapheliko kuthome begodu kuzaliseke umbono namezwi womphorofidi kanye nokuzesa okucwenge khulu.

UZAKARIYA 9:9

Jekezela khulu wena ndodakazi yeZiyoni! Rhuwelela wena ndodakazi yeJerusalema! Qala, ikosakho iza kuwe, ilungile begodu iyahlula. Ithobekile begodu ikhwele udumbana, udumbana wamambala.

UMATEWU 1:25

Kodwana azange akhe alale naye ngaphambi kobana abelethe indodana. Wathiya indodana leyo bona nguJesu.

ULUKASI 1:13

Kodwana ingilozi yathi kuye: “Ungesabi Zakariya! Umthandazwakho uzwakele. Umkakho u-Elisabethi uzakubelethela indodana; uyithiye ibizo bona nguJwanisi.

ULUKASI 1:31

Uzakuba sidisi, ubelethe indodana, uzayithiya ibizo bona nguJesu.

ULUKASI 2:11

Khona namhlanjesi ngemzini kaDavida nibelethelwe uMsindisi onguMesiya, iKosi!

ULUKASI 2:21

Elangeni lobunane, sele kusikhathi bona umntwana asokwe, wathiywa ibizo bona nguJesu, ibizo aliphiwa yingilozi angakabiphi ngesiswini sakanina.

UJWANISI 1:29

Ngomuso uJwanisi wabona uJesu asiza kuye, wathi: “Qalani nasiya iMvana kaZimu, esusa isono sephasi!

UJWANISI 4:42

Bathi emfazini: “Siyakholwa gadesi, ingasingalokho okutjhwileko ngombana nathi ngokwethu simzwile, besiyazi bona nguye uMsindisi wephasi.”

IZENZO ZABAPOSTOLI 13:23

Esizukulwaneni sakhe uZimu wavusela u-Israyeli uMsindisi uJesu njengombana athembisa.

IZENZO ZABAPOSTOLI 3:26

Yeke lokha uZimu avusa incekwakhe, wayithumela kokuthoma kini kobana inibusise ngokunitjhugulula eendleleni zenu zobukhohlakali.”

IZENZO ZABAPOSTOLI 4:12

“Ayikho isindiso ngomunye ngombana alikho elinye ibizo ezulwini nephasini esinikelwe lona bona sisindiswe ngalo.”

IZENZO ZABAPOSTOLI 5:31

UZimu wamphakamisela ngesigomeni sakhe njengomrholi nomsindisi, khona azakunikela abantu bakwa-Israyeli ithuba lokutjhuguluka nokulitjalelwa kwezono.

UTITOSI 2:14

owazinikela ngebanga lethu ukuze asihlenge ekukhohlakaleni koke, azihlambululele abantu bakhe abatjhisekela imisebenzi emihle.

AMAHEBHERU 7:25

Ngalokho unamandla wokusindisa ngesikhathi soke labo abeza kuZimu ngaye ngombana uhlala njalo abancengela.

1 UJWANISI 1:7

Kodwana nangabe sikhamba ekukhanyeni njengombana naye asekukhanyeni, sinobudlelwano omunye nomunye neengazi zakaJesu iNdodanakhe zisihlanza ezonweni zoke.

1 UJWANISI 3:5

Niyazi bona wabonakaliswa kobana azokuhlangula izono begodu kuye akukho sono.

ISAMBULO 7:14

Ngathi kuye: “Kosami, nguwe owaziko.” Nje-ke wathi kimi: “Laba ngibo abavela ekuhluphekeni okukhulu. Bazihlanzile iingubo zabo bazenza zaba mhlophe eengazini zeMvana.

ABAKHOKHELI 13:3

Ingilozi kaSomnini yazibonakalisa emfazini loyo yathi kuye: “Qala, uyinyumba, awunabantwana, kodwana uzazithwala bese ubeletha indodana.

1 USAMYELA 1:20

waba sidisi uHana. Sesifikile isikhathi, wabeletha umsana. Wamthiya ibizo lakaSamyela ngombana wathi: “Ngimbawe kuSomnini.”