UMARKOSI 3:5 - IsiNdebele 2012 Translation

⁵ Waqala kibo ngapha nangapha ngokuthukuthela nangokukhathazeka okukhulu ngebanga leenhliziyo zabo ezilikhuni, yeke wathi endodeni: “Thabulula isandla sakho.” Yasithabulula, saphola pholi.

UMARKOSI 3:5 Iomraidhean Croise

UGENESISI 6:6

wazisola bewanyama bona umenzeleni umuntu ephasini.

1 AMAKHOSI 13:6

Ikosi uJerobhowamu yathi emuntwini kaZimu: “Yewungirabhelele kuSomnini uZimakho bese uyangithandazela bonyana isandla sami sibuyele esigeni.” Yeke umuntu kaZimu warabhela kuSomnini, ngambala isandla sekosi sabuyela esigeni.

UNERHEMIYA 13:8

Into leyo yangikghabhudlha khulu, yeke ngafuthela ngaphandle kwelawelo yoke ipahla kaThobiya yangendlini.

AMARHUBO 95:10

Iminyaka ematjhumi amane isizukulwaneso sangikghabhudlha. Nje-ke ngathi, ‘Sibabantu abaphambene ngehliziyo, neendlela zami asiziyeleli.’

UMATEWU 12:13

Nje-ke wathi emuntwini loyo: “Thabulula isandla sakho.” Yeke wasithabulula, sathabuluka, safana nesinye.

UMARKOSI 3:4

UJesu wathi kibo: “Ngikuphi okuvumelekileko ngeSabatha: ukwenza okuhle namkha ukwenza okumbi, ukusindisa ipilo namkha ukubulala na?” Kodwana bathula bathi du.

ULUKASI 13:15

IKosi yamphendula yathi: “Nina bazenzisi ndina! Akwenzeki bona omunye nomunye wenu atjhaphulule ikomakhe namkha udumbanakhe ngesibayeni amdose ayomseza amanzi na?

ULUKASI 17:14

UJesu wawabona wathi kiwo: “Khambani niyoziveza kubaphristi.” Kuthe asakhamba, ahlanjululwa.

ULUKASI 6:10

Wabaqala boke, wathi emuntwini loyo: “Thabulula isandla sakho.” Wasithabulula, isandla sakhe sabuyela esigeni ngokupheleleko.

UJWANISI 9:7

Wathi kuye: “Khamba uyokuhlamba ngesizibeni seSilowama.” (Ibizweli litjho ukuthi Thunyiwe). Yeke wakhamba wayokuhlamba, wabuya sele abona.

KWEBEROMA 11:25

Angithandi bazalwana bona ningabi nelwazi ngefihlakalo le ukuze ningakhohliseki: ukukhunyalala kwehlele ingcenye ka-Israyeli kufikela lapha isibalo esipheleleko sabatjhili singena khona soke.

2 KWEBEKORINTE 3:14

Kodwana imikhumbulwabo yathundubazwa ngombana bekube kunamhlanjesi isiyayeso sisese njengombana besinjalo lokha nakufundwa isivumelwano esidala. Azange sisuswe ngombana sisuka kwaphela lokha umuntu nakuKrestu.

KWEBE-EFESU 4:18

Imikhumbulwabo isebumnyameni, bahlukaniswe nendlela yokuphila evela kuZimu ngokungayeleli kwabo ngebanga lobukhuni beenhliziyo zabo.

KWEBE-EFESU 4:26

Thukuthelani, kodwana ningoni. Akungatjhingi ilanga nisathukuthele,

KWEBE-EFESU 4:30

Ningamdabukisi uMoya oCwengileko kaZimu enabekwa ngaye itshwayo mayelana nelanga lokuhlengwa.

AMAHEBHERU 3:10

Iminyaka ematjhumi amane, isizukulwaneso sangikghabhudlha. Nje-ke ngathi, ‘Sibabantu abaphambene ngehliziyo neendlela zami asiziyeleli.’

AMAHEBHERU 3:17

Bobani labo abathukuthelela iminyaka ematjhumi amane na? Angithi ngilabo abonako, iindumbu zabo zaradlhwa erhalawumbeni?

AMAHEBHERU 5:9

begodu nalapho sele aphelelisiwe, waba mthombo wesindiso wabo boke abamlalelako,

ISAMBULO 6:16

barhuwelela iintaba namadwala bathi: “Welani phezu kwethu nisisithe ebusweni balowo ohlezi esihlalweni sobukhosi nebukhalini beMvana!

ABAKHOKHELI 10:16

Nje-ke alahla abosingazimu abaphakathi kwawo, athoma ukulotjha uSomnini. USomnini waba nesirhawu ngesizi lama-Israyeli.

1 USAMYELA 20:34

UJonathani wasikima etafuleni asilingeke khulu, akhange agome mhlokho ngombana gade akhubekile ngepatho eziinhloni uyise aphatha ngayo uDavida.