UMARKOSI 15:3 - IsiNdebele 2012 Translation

³ Abaphristi abakhulu bamthwesa umlandu ngezinto ezinengi.

UMARKOSI 15:3 Iomraidhean Croise

AMARHUBO 38:14

Kodwana mina nginjengesithulu, angibalaleli! Nginjengesimumu esingavuli umlomo;

U-ISAYA 53:7

“Yagandelelwa, kodwana yona yathoba. Azange ivule umlomayo njengemvana esiwa ekuhlatjweni nanjengemvukazi ethulileko phambi komrhunayo; iye, azange ivule umlomayo.

UMATEWU 27:12

Kodwana lokha nasolwa baphristi abakhulu nabaphathi, azange aphendule.

UMARKOSI 15:2

UPilatu wambuza wathi: “Uyikosi yamaJuda na?” UJesu wamphendula wathi: “Sewutjhwile.”

UMARKOSI 15:4

UPilatu wambuza godu wathi: “Awuphenduli na? Qala bona bakuthwese umlandu ngezinto ezinengi kangangani!”

UMARKOSI 15:5

Kodwana uJesu nanyana kunjalo akhange amphendule. UPilatu warareka.

UJWANISI 19:12

Ukusukela lapha, uPilatu walinga ukufumana indlela yokuthukulula uJesu, kodwana amaJuda arhuwelela athi: “Nawungamthukulula, kungatjho bona awusimngani wombusi omkhulu! Loyo ozitjhaya sakosi, urarana nombusi omkhulu!”