UMALAKI 4:3 - IsiNdebele 2012 Translation

³ Yeke nizakugadangela phasi iinkhohlakali: Zizakuba mlotha ngaphasi kweenyawo zenu mhlana ngenza izintwezi.” Kutjho uSomnini uSomandla.

UMALAKI 4:3 Iomraidhean Croise

UGENESISI 3:15

Ngizakubeka ubutha phakathi kwakho nomfazi, naphakathi kweenzukulwana zakho neenzukulwana zakhe; zona zizakutshidlha ihlokwakho wena ulume isithende sazo.”

2 USAMYELA 22:39

Ngaziqoba nya, zaparalala zangasavuka; zarabhalala ngaphasi kweenyawo zami.

2 USAMYELA 22:43

Ngazitshidlha zasileka kwanga lithuli lehlabathi; ngazigadanga njengeensila zeendledlana.

UJOBHO 40:12

Iye, hlolisisa boke abaziphakamisako bese uyabathobisa, uphihlize boke abakhohlakeleko lapha bakhona.

AMARHUBO 147:6

USomnini usekela abathobekileko, athobise abakhohlakeleko.

AMARHUBO 49:14

Injalo indlela yabazethembako nalabo abathokozele amezwabo ngemva kokufa kwabo.

AMARHUBO 91:13

Uzakubhadula phezu kwebhubezi nephiphi, ugadange ibhubezana nenyoka.

U-ISAYA 25:10

Isandla sakaSomnini sizakunzinza entabeni le, kodwana uMowabi uzakugadangelwa phasi njengotjani bugadangelwa emgodini womsuqwa.

U-ISAYA 26:6

Iinyawo ziyaligidizela, iinyawo zabachakileko, amagadango wabadududu.”

ISILILO 1:15

USomandla ulahle abosaziwako bami ngaphakathi kwami; wamemezela isikhathi sokuvuna phezu kwami kobana abhule amasokanami. USomandla ugadange itlawu lakwaJuda, njengebutlhodlhelweni bewayini.

UHEZEKIYELI 28:18

Ngobunengi bamacalakho, ngokungathembeki ekurhwebeni kwakho usilaphaze iindawo zakho ezikhethekileko. Nje-ke ngaqubula umlilo ngaphakathi kwakho, wakuqothule. Ngakuphendula umlotha ehlabathini phambi kwabo boke ebegade bakuqalile.

UDANYELA 7:18

Kodwana abacwengileko bongoPhezulu, bazakwamukeliswa umbuso bebawuthathe isiphelani kube nini nanini.’

UDANYELA 7:27

Nje-ke umbuso nobukhosi, ubukhulu bemibuso engaphasi kwezulu buzakunikelwa abantu abacwengileko bongoPhezulu. Umbuswabo uzakuba ngowesiphelani, yoke imibuso izabalotjha beyibathobele.’

UMIKHA 5:8

Yewuphakamise isandla sakho wena muntu kaJakopo ujamelane nezitha zakho ukuze zirhayileke zoke.

UMIKHA 7:10

Yeke isitha sami sizakubona lokhu bese siphathwa ziinhloni, njengombana sathi kimi: “Uphi-ke uSomnini uZimakho?” Ngizasiqalela phasi; yeke sizakugadangwa njengedaka eendledlaneni.

UZAKARIYA 10:5

bazakuba njengosibindigidi. Epini bazakugadangela izitha ebhudwini leendledlana. Bazakuhlula ngombana uSomnini unabo. Izitha ezikhwele iinjomani zizakubhalelwa nya.

UMALAKI 3:17

USomnini uSomandla uthi: “Ngambala bazakuba ngebami mhlana ngenyula igugu lami. Ngizabarhawukela njengomuntu orhawukela indodanakhe emsebenzelako.

KWEBEROMA 16:20

Akusesekude bona uZimu wokuthula aqhoboze uSathana ngaphasi kweenyawo zenu. Sengathi umusa weKosi yethu uJesu ungaba nani.

ISAMBULO 11:15

Nje-ke ingolozi yekhomba yavuthela ipalapala yayo, kwezwakala amezwi ahlokomako ezulwini asithi: “Umbuso wephasi sewuphenduke umbuso wakaSomnini nowakaKrestu begodu uzakubusa nini nanini.”

ISAMBULO 14:20

Ubutlhodlhelo bewayini bagadangwa ngaphandle komuzi, kwavinyilika iingazi ebutlhodlhelweni zaba zinengi zaphakama bekwaba sematomini weenjomani, kwaba libanga ebelingaba mamayela angaba makhulu amabili.