UMALAKI 3:3 - IsiNdebele 2012 Translation

³ Isithunywa sizakuhlala njengomncibilikisi nomcwengisisi wesiliva; uzakucwengisisa amaLevi awahlunge njengegolide nesiliva ukuze abe ngewakaSomnini, abaphristi abaletha iminikelo ngendlela efaneleko.

UMALAKI 3:3 Iomraidhean Croise

AMARHUBO 116:17

Kuwe ngizakunikela umnikelo wokuthokoza, ngibize ibizo lakaSomnini.

AMARHUBO 4:5

Lokha nanithathekileko, ningoni; zindlani ngalokho emikghadinenu nibe nokuthula.

AMARHUBO 4:6

Nikelani imihlabelo efaneleko, nethembe uSomnini.

AMARHUBO 50:14

Yenzani ukuthokoza kwenu kube mhlabelo kuZimu, niphethe iinthembiso zenu kongoPhezulu.

AMARHUBO 50:23

Loyo oletha ukuthokoza njengomnikelwakhe, uyangihlonipha; owenza ngendlela leyo, ngizomambulela isindiso kaZimu.”

AMARHUBO 51:19

Umnikelo owamukelekako kuZimu umumoya ophukileko. Iye Zimu, ihliziyo ephukileko nedabukileko, angekhe wayiqalela phasi.

AMARHUBO 66:10

Mbala wena Zimu, usizizinyile; wasihlola njengesiliva nalihlungwako.

IZAGA 17:3

Isincibilikiseli senzelwa isiliva nekehla yomlilo ingeyegolide; umhloli weenhliziyo nguSomnini.

IZAGA 25:4

Nawususa amanyela esiliveni elincithikiswako, khona-ke usosino uzakukhanda isitja;

U-ISAYA 1:25

Ngizokuphendulela isandla sami kuwe, Jerusalema; ngicwengise amanyelakho kube njengesoda bengisuse loke ibibi lakho.

U-ISAYA 48:10

Qala, ngikuhlungile, kodwana ingasi njengesiliva; ngakuzizinya eziko lamatshwenyeko.

U-ISAYA 61:6

Nina-ke nizakubizwa bona nibaphristi bakaSomnini, nibizwe bona niziinceku zakaZimethu. Nizazikholisa ngomnotho wezizwe, nizikhakhazise ngomnonwazo.

UJOROMIYA 9:7

Ngalokho-ke nakhu okutjhiwo nguSomnini uMninimandlawoke: “Qala, sele ngizobancibilikisa bengibahlole. Yini okhunye engingakwenza ngabantu bami na?

UHEZEKIYELI 20:38

Ngizokuhlunga phakathi kwenu amahlubuka nalabo abaphambeka kimi. Ngizobakhupha enarheni abathunjwe kiyo, kodwana angekhe bangena enarheni yakwa-Israyeli. Nje-ke nizakwazi bonyana nginguSomnini.

UDANYELA 11:35

Abanye abahlakaniphileko bazakukhutjhwa ukuze bacwengiswe, bahlungwe bebahlanjululwe bekube kusesikhathini sokuphela ngombana kusesekhona isikhathi esijanyisiweko.

UDANYELA 12:10

Abanengi bazakuhlungwa, bahlanjululwe bebacwengiswe, kodwana abakhohlakeleko bazakuragela phambili nobukhohlakali. Akakho wabakhohlakeleko ozakuzwisisa, kodwana abahlakaniphileko bona bazakuzwisisa.

UHOSIYA 14:2

Buyelani kuSomnini, nivume izono zenu nithi: “Somnini, silibalela zoke izono zethu, wamukele ukuvuma kwethu. Sithanda ukunikela ngeenthelo zomlomethu.

UZAKARIYA 13:9

Isithathwesi ngizasidlulisa emlilweni; ngisicwengisise njengocwengisisa isiliva negolide. Sizakubiza ibizo lami, nje-ke ngizasiphendula, ngithi, ‘Bababantu bami,’ bese sona sithi, ‘USomnini nguZimethu.’ ”

UMALAKI 4:1

“Ngambala liyeza ilanga elizakutjhisa njengekehla. Boke abazaziko ngitjho esinye nesinye isoni sizakuba mawunguwungu begodu ilanga elizakwelo lizabatjhisa, batjhe thokgho.” Kutjho uSomnini uSomandla.

UNUMERI 8:6

“Khupha amaLevi kuma-Israyeli, uwahlambulule.

ULUKASI 3:16

Yeke, uJwanisi wathi kibo boke: “Nginibhabhadisa ngamanzi kodwana ukhona ozako onamandla khulu kunami, engingakafaneli ukutjhaphulula amapatlagwanakhe. Yena uzanibhabhadisa ngoMoya oCwengileko nangomlilo.

KWEBEROMA 12:1

Nje-ke bazalwana, ngebanga lesirhawu sakaZimu ngiyanirabhela bonyana ninikele imizimba yenu ibe mihlabelo ephilako, ecwengileko nethandekako kuZimu. Lokhu kukulotjha kwenu okwamukelekako.

KWEBEROMA 15:16

kobanyana ngibe yinceku kaKrestu Jesu kabatjhili. Ngiphiwe umsebenzi wobuphristi bona ngimemezele ivangeli lakaZimu ukuze abatjhili babe mnikelo owamukelekako kuye, bacwengiswe ngoMoya oCwengileko.

KWEBEFILIPI 2:17

Kodwana nanyana ngingathululwa njengomnikelo wokuselwako phezu komhlabelo kanye nomnikelo wokukholwa kwenu, ngithokoza bengithabe nani noke,

KWEBEFILIPI 4:18

Ngifumene yoke ikokhelo bekwaba ngaphezulu; nganeliseke ngokupheleleko njengombana ngamukele izipho eningithumele zona ngo-Epafrodithu, umnikelo wephunga elimnandi, okumhlabelo owamukelekako nothokozisa uZimu.

2 UTHIMOTHI 4:6

Mina-ke sengilungele ukuphalaka njengomhlabelo; isikhathi sami sokugoduka sesifikile.

UTITOSI 2:14

owazinikela ngebanga lethu ukuze asihlenge ekukhohlakaleni koke, azihlambululele abantu bakhe abatjhisekela imisebenzi emihle.

AMAHEBHERU 12:10

Abobaba bethu basikhalimela kwesikhatjhana njengombana babona kufanele, kodwana uZimu usikhalimela kobana kusizeke thina, iye, sihlanganyele naye ekucwengeni kwakhe.

1 UPITROSI 1:7

ukuze kuthi iqiniso lokukholwa kwenu okuligugu kunegolide elibhubhako, nakuzizinywa ngomlilo, kuveze idumo, iphazimulo nokuhlonitjhwa lokha uJesu nakembulwako.

1 UPITROSI 2:5

nani-ke njengamatje aphilako, nakhelwe endlini yokommoya kobana nibe buphristi obucwengileko, ninikele imihlabelo yokommoya eyamukelekako kuZimu ngoJesu Krestu.

1 UPITROSI 2:9

Kodwana nina nisisizwe esikhethiweko, ubuphristi bobukhosi, isizwe esicwengileko, abantu ekungebakaZimu kobana nitjhumayele imisebenzi yamandla yaloyo owanibiza bona niphume ebumnyameni nize ekukhanyeni kwakhe okukarisako.

ISAMBULO 1:6

wasenza saba mbuso, saba baphristi bokulotjha uZimu uYise; akube kuye iphazimulo nobukhosi nini nanini. Amen.

ISAMBULO 3:18

Ngalokho ngiyakweluleka bona uthenge kimi igolide elicoliswe ngomlilo khona uzakuba ngonjingileko; thenga nezambatho ezimhlophe khona uzakwembatha ufihle ihlazo lobubhunubhunu bakho; iye, uthenge nesizelo ongasitjhatjha emehlwenakho ukuze ubone.

ISAMBULO 5:10

wabenza umbuso, baba baphristi bokulotjha uZimethu, begodu bazakubusa ephasini.”