UJUWELI 3:16 - IsiNdebele 2012 Translation

¹⁶ USomnini uzakubhodla aseZiyoni, athuthumbise ngombani aseJerusalema; izulu nephasi zizakuthuthumela. Nokho uSomnini uzakuba lirholo labantu bakhe, abe siphephelo sabantu bakwa-Israyeli.

UJUWELI 3:16 Iomraidhean Croise

AMARHUBO 18:2

Wathi: Ngiyakuthanda Somnini, umamandlami.

AMARHUBO 29:11

Kwanga uSomnini anganikela abantu bakhe amandla! Kwanga angababusisa ngokuthula.

AMARHUBO 61:3

Ngilila kuwe ngisepelazwe, lokha ummoyami nawuphasi. Ngirholele edwaleni eliphakemeko kunami

IZAGA 18:10

Ibizo lakaSomnini limubhotjhongo oqinileko, olungileko ubalekela kiwo angalalameleki.

U-ISAYA 33:16

yena uzakuhlala ekuphakameni, ubuphephelo bakhe buzakuba lidwala elingafikelelekiko, ukugoma kwakhe kuhlala kukhona namanzakhe aqinisekisiwe.

U-ISAYA 33:21

Ngambala, lapho uSomnini uzakuba ngakithi ngobukhosi bakhe. Kuzakuba yindawo enemilambo, lapha imilanjana inabela khona ngemahlangothini woke. Lapho akuzukuthaya iinthayamanzi zamaphini begodu akuzokudlula imikhumbi enobukhosi.

U-ISAYA 42:13

USomnini uzakutjhagala njengengorho, avuselele itjisakalo njengebutho; uzakurhuwelela, ahlabe umkhosi wepi; azibonakalise amuhluli wezitha zakhe.

U-ISAYA 51:16

Ngikufunza amezwami ngikugubuzese ngesithunzi sesandla sami, iye, mina owanzinzisa amazulu, ngabeka neensekelo zephasi begodu nothi eZiyoni, ‘Nibabantu bami.’ ”

UJOROMIYA 16:19

Somnini, mandlami nesiphephelo sami, iye, ubuphephelo bami ngeenkhathi zesizi, kuwe izizwe zizakuza zivela epelazwe zithi: “Abobaba azange basitjhiyele litho ngaphandle kwabosingazimu abayikohliso, iye, akakho phakathi kwabo onobubhadekelo.”

UJOROMIYA 17:17

Ungabi kukwesabeka kimi, wena usiphephelo sami ngelanga lehlekelele.

UHEZEKIYELI 38:19

“Ekutjhisakaleni kwami, iye, ekuvutheni kwelaka lami, ngakhuluma ngathi, ‘Mbala, mhlokho kuzakuba nokusikinyeka okukhulu kwephasi enarheni yakwa-Israyeli.

UHOSIYA 11:10

Bazakulandela uSomnini; abhodle njengengwenyama. Iye, lokha nabhodlako abantwabakhe bazakuza, bathuthumela bavela etjingalanga.

U-AMOSI 1:2

U-Amosi wathi: “USomnini ubhodla aseZiyoni; uzwakalisa ilizwi lakhe aseJerusalema. Amasiso wabelusi ayatjhwaba; kuthi isiqongolo seKarameli somelele.”

U-AMOSI 3:8

Ingwenyama ibhodlile-ke! Ngubani ozakuhlala akwakwalale? USomnini uSomandla ukhulumile! Ngubani-ke ozakuhlala angaphorofidi na?

UNARHUME 1:7

USomnini ulungile kilabo abaphephela kuye ngeenkhathi zamatshwenyeko; Utjheja labo ababalekela kuye ngeenkhathi zeenrhurhula.

UHAGAYI 2:6

“Ngambala, lokhu ngokwatjhiwo nguSomnini uMninimandlawoke, ‘Kuzakuthi msinyazana ngisikinye amazulu nephasi, nelwandle kanye nenarha eyomileko.

UHAGAYI 2:7

Ngizakusikinya zoke izizwe bese kuvela amagugu wezizwe zoke, yeke ngizalise indlu le ngephazimulo,’ kutjho uSomnini uMninimandlawoke.

UZAKARIYA 10:12

Ngizakuqinisa u-Efrayimu ukuze abe nobudlelwano obuhle nami.” Kutjho uSomnini.

UZAKARIYA 10:6

USomnini wathi: “Njengombana ngiqinise indlu kaJuda, njalo-ke ngizakusindisa indlu kaJosefa. Ngizakubuyisa indlu kaJosefa, ngibe nezwelo kiyo. Izakuba ngathi azange khengiyilahlele izandla. Ngebanga lokobana nginguSomnini uZimabo, ngizabaphendula.

UZAKARIYA 9:12

Buyelani erholweni, nina mbotjhwa ngombana kunethemba! Ngambala namhlanje uSomnini umemezela uthi: “Wena Jerusalema, ngizakunikela umvuzo obuyelelweko.

AMAHEBHERU 12:26

Ngesikhatheso ilizwi lakhe lasikinya iphasi, kodwana kwanjesi uthembisile wathi: “Ngizokubuya godu ngisikinye kungabi liphasi nje kwaphela kodwana nezulu imbala.”

ISAMBULO 11:13

Khonokho kwaba khona ukusikinyeka kwephasi bekwadilika kwetjhumi komuzi. Kwafa abantu abaziinkulungwana ezilikhomba ekusikinyekeni lokho; inengi lesaba beladumisa uZimu wezulwini.

ISAMBULO 11:19

Ithempeli lakaZimu ezulwini lavuleka petle, kwabonakala i-aldari lesivumelwano lingethempelinapho; begodu bekukhona ukubaneka kwemibani, ukuraramba, ukutletlebula kokuduma kwezulu, ukusikinyeka kwephasi kanye namagidija wesinanja.

ISAMBULO 16:18

Kwabonakala imibani, ukuraramba, ukutletlebula kokuduma kwezulu nokusikinyeka okukhulu kwephasi okungazange khekube khona soloko kwaba khona abantu ephasini; mbala kwaba kusikinyeka okukhulu!

1 USAMYELA 15:29

OngaTjhugulukiko ka-Israyeli akaleyi amala namkha atjhugulule umkhumbulwakhe ngombana akasinjengomuntu kobana angaloko atjhugulula umkhumbulwakhe.”