UJUWELI 3:12 - IsiNdebele 2012 Translation

¹² USomnini uthi: “Izizwe azivuke, zehlele ngemrhobeni kaJehotjhafathi ngombana lapho ngizokuhlala, ngigwebe izizwe zoke mazombe.

UJUWELI 3:12 Iomraidhean Croise

2 IINKRONIKE 20:26

Elangeni lesine babuthanela emrhobeni weBheraka lapha badumisa khona uSomnini. Kungebangelo isabizwa bonyana mrhoba weBheraka bekube kunamhlanjesi.

AMARHUBO 7:6

Nakunjalo, vumela isitha sami sizumane nami besingifumane, sigandelele ipilwami phasi, iye, sigadangele isithunzi sami ethulini.

AMARHUBO 96:13

phambi kwakaSomnini ngombana uyeza, iye, uyeza bona azokugweba iphasi. Uzakugweba ilizwe ngokulunga nezizwe ngeqiniso lakhe.

AMARHUBO 98:9

phambi kwakaSomnini ngombana uyeza uzokugweba iphasi; iye, agwebe ilizwe ngokulunga nezizwe ngokufaneleko.

U-ISAYA 2:4

USomnini uzakugweba hlangana nezizwe abe enze kube nokulunga ebantwini abanengi. Bona bazakwenza iinsabula zabo amalembe wokulima nemikhontwabo imikhwa yokuqopha isidiribe. Isizwe angekhe sisaphakamisela esinye iinkhali, iye, ngitjho nokuzibandulela ipi.

U-ISAYA 22:1

Isimemezelo sakaZimu ngomrhoba wombono. Ungenwe yini, wena Jerusalema kobana noke nikhuphukele ephahleni?

U-ISAYA 3:13

USomnini selazilungiselele umlandu, selebe asikimile bona agwebe isizwe.

UHEZEKIYELI 30:3

Mbala, ilanga litjhidele, iye, ilanga lakaSomnini litjhidele, kuzokuba lilanga lamafu anzima, kube sikhathi sesizi ezizweni:

UHEZEKIYELI 39:11

“Mhlokho ngizokunikela iGogi indawo yokuthuna kwa-Israyeli, emrhobeni weenkhambi ngepumalanga yelwandle. Indawo leyo izokuvimba iinkhambi ngombana iGogi nomkhambathakhe bazokuthunwa lapho. Izokubizwa bonyana mrhoba wesiqubuthu seGogi.

UJUWELI 3:14

Iinqubuthu ngeenqubuthu zisemrhobeni wokugwebela ngombana ilanga lakaSomnini litjhidele ngemrhobeni lowo.

UJUWELI 3:2

ngizakubutha izizwe zoke, ngizilethe emrhobeni kaJehotjhafathi. Lapho-ke ngizazimangalela ngebanga labantu bami, abalilifa lami, u-Israyeli ngombana zibasabalalise hlangana nezizwe, zabahlukanisa nenarhami.

UMIKHA 4:3

USomnini uzakugweba izizwe zoke begodu ararulule imiraro yezizwe ezinengi eziseduze nezikude. Zizakuthatha iinsabula zazo zenze ngazo amalembe wokulima; zithathe nemikhonto yazo zenze imikhwa yokuqopha imithi. Izizwe angeze zisaphakamiselana iinkhali, namkha zizibandulele ipi.

UZAKARIYA 14:4

Mhlokho uSomnini uzakubeka iinyawo zakhe phezu kweNtaba ye-Oliva, ngepumalanga yeJerusalema, iNtaba ye-Oliva izakuphadlhuka kabili ukusuka epumalanga ukuya etjingalanga. Ingcenye yentaba izakuya ngetlhagwini bese enye iya ngesewula, yenze umrhoba omkhulu.

ISAMBULO 19:11

Ngabona izulu livulekile, kwaba khona injomani emhlophe. Umkhweli wayo ubizwa bona nguThembekile noQiniso begodu ngokulunga ugweba asuse ipi.