UJUWELI 2:3 - IsiNdebele 2012 Translation

³ Phambi kwalo kurhayila umlilo, ngemuva kwalo kurubha ilangabu. Phambi kwalo inarha injengesivande se-Edeni, ngemuva kwalo kube libhudu lerhalawumba. Akunalitho elisindako kilo.

UJUWELI 2:3 Iomraidhean Croise

UGENESISI 13:10

Kodwana uLothi waphakamisela amehlo ngepumalanga, wabona umrhoba weJordani bona uswakamile. Ngaphambi kobana uSomnini atjhabalalise iSodoma neGomora umrhoba weJordani nca ngeTsowari bewunjengesivande sakaZimu nanjengenarha yeGibhide.

UGENESISI 2:8

USomnini uZimu gade ahlome isivande e-Edeni ngepumalanga; wathatha umuntu agade ambumbile wambeka lapho.

AMARHUBO 50:3

UZimethu uyeza begodu angeze athula, phambi kwakhe kunomlilo oqothulako, uphahlwe siwuruwuru esesabekako.

AMARHUBO 97:3

Phambi kwakhe kukhamba umlilo oqothula amanabakhe mazombe.

U-EKSODUSI 10:15

Yembatha yoke ihlabathi yaba nzima. Yarhiribidela koke okuhlaza enarheni, kanye neenthelo zoke zemithi yenarha, koke okutjhiywe sinanja. Akunahlaza elasalako kiyo yoke inarha yeGibhide, emithini namkha eentjalweni.

U-EKSODUSI 10:5

Izakwembatha ihlabathi yoke ingasabonakala. Izakuqothula nokuncani okukusaleleko nakuna isinanja, irhiribidele ngitjho nayo yoke imithi emila emasiminakho.

U-ISAYA 14:17

Nguye owenza ilizwe laba njengerhalawumba, wagiriza amadorobhalo, wangavuma bona abathunjwa bakhe babuyele ekhaya.’

U-ISAYA 15:6

ngombana amanzi weNimrimu omile, utjani butjhwabile, ihlaza liyatjhabalala, iye, akusenalitho elihlaza elisaseleko.

U-ISAYA 33:4

Okuhlangulweko kuzakubuthelelwa njengokuqothula kwesikhonyani; njengokubhibha kwewoma lentethe abantu bawalazele ipango.

U-ISAYA 51:3

Ngambala, uSomnini uzakuba nesirhawu ngeZiyoni nangawo woke amarubhayo: Uzakwenza amarhalawumbayo afane ne-Edeni, amabhudwayo abe njengesivande sakaSomnini. Ithabo nenjabulo kuzakubuzwa kiyo, kube nokuthokoza nokubhina.

U-ISAYA 9:18

Ubukhohlakali buvutha njengomlilo, buqothula iminga nameva, butjhisa isithurha kube sikhatha sentuthu ekhuphukako.

U-ISAYA 9:19

Ngobukhali bakaSomnini uMninimandlawoke inarha izakuba libhudu nabantu bafane neensahlela zomlilo. Akuzukuba namuntu obabalela wakwabo.

UJOROMIYA 5:17

Bazakugoma isivuno kanye nokudla kwenu, batle amadodana namadodakazenu. Bazakurhiribidela izimvu, iimbuzi neenkomo zenu; bagomojele iindiribe kanye namakhiwanenu. Amadorobhenu anemithangala nenithembele kiwo, bazawalalisa phasi ngesabula.”

UHEZEKIYELI 36:35

Abantu bazakuthi inarha ebesele itjhiyiwe, seyiphenduke yafana nesivande se-Edeni. Amadorobho ebegade asele amarubhi nalawo ebegade adiliziwe njenganje sele anemithangala begodu ayahlaleka.’

U-AMOSI 7:4

Nakhu engakuboniswa nguSomnini uSomandla: USomnini uSomandla wabiza ukwahlulela komlilo; kwafika kwatjhisa amalwandle oma kere, bekwalumatha inarha yoke.

URHABAKHUKHU 1:6

Iye, ngizakuvusa amaBhabheli, abantu abamarhamaru nabanganasisa, abatjharhatha iphasi loke, bakhambe bahluthula izindlu okungasi ngezabo.

UZAKARIYA 7:14

Ngabaphephula ngesivunguvungu ngabasa hlangana nezizwe zoke abangazaziko. Inarha yasala inesizungu ngemuva kwabo kangangobana kwakungekho okhambakhamba lapho. Bayenza njalo inarha ethabisako le yaba lirhalawumba.’ ”