UJUWELI 2:12 - IsiNdebele 2012 Translation

¹² USomnini uthi: “Nanjesi buyelani kimi ngehliziywenu yoke, ngokuzila nokulila nokubibitheka.”

UJUWELI 2:12 Iomraidhean Croise

2 USAMYELA 24:10

Ngemva kwalokho uDavida wathoma ukuzisola ehliziyweni ngokubala kwakhe amadoda wepi, wathi kuSomnini: “Maye mina, ngonile ngesenzo samesi. Ngiyabawa Somnini, libalela umlandu wencekwakho. Ubudlhadlha abelatjhwa.”

2 IINKRONIKE 30:6

Ngomyalo wekosi, kwaphuma iingijimi zaya kilo loke lakwa-Israyeli nakwaJuda ziphethe iincwadi ezibuya ekosini kanye neenkhulwini zayo zitlolwe ukuthi: Bantu bakwa-Israyeli, akhese nibuyele kuSomnini uZimu waka-Abrahamu, ka-Isaka no-Israyeli. Nanenza njalo naye uzakubuyela kini nina eniseleko neniphunyurhe ezandleni zamakhosi we-Asiriya.

2 IINKRONIKE 6:27

yewizwe usezulwini bese ucolela isono seenceku zakho, abantu bakho u-Israyeli. Ubafundise indlela elungileko ukuze bakhambe ngayo bese unisa izulu enarheni oyinikele abantu bakho bonyana kube lilifa labo.

U-ESTA 4:16

“Khamba uyokubuthelela woke amaJuda afunyaneka eTjhutjhani bese ningizilela ukudla. Ningadli namkha nisele bekube malanga amathathu ubusuku nemini. Nami-ke nabantazana bami sizakuzila njengani njalo. Ngemva kwalokho mina ngizakuya ekosini, nanyana lokho kuphambene nomthetho. Ngithi nakube ngiyabhubha, angibhubhe!”

U-EKSODUSI 33:5

Abantu benza njalo ngombana uSomnini bekathe kuMosi: “Tjela ama-Israyeli bona ababantu abaneentanyana. Nange kungenzeka ngikhambe phakathi kwawo, ngingabona sele ngiwaqothule wokanyana nje. Nje-ke akakhuphe imikghabiswawo leyo ngibone kuhle bona ngizokwenzani ngawo.”

U-ISAYA 22:12

Mhlokho, uSomnini uSomandla onguMninimandlawoke wamemezela bona kulilwe bekuzilwe. Bekumele nigude iinhloko benembathe neenzilo,

U-ISAYA 58:4

Qalani, nizilela ukuphikisana nokulwa kwaphela, iye, ukumadlhana ngamaguduva wobukhohlakali. Ukuzila okufana nokwenu namhlanjesi, angeze kwenza bona isililo senu sizwakale ezulwini.

UJOROMIYA 3:22

Buyani, nina bantwana abaqoqomako, ngizanelapha ekuqoqomeni kwenu.” Ama-Israyeli athi: “Iye, sizakubuyela kuwe ngombana unguSomnini uZimethu.

UJOROMIYA 36:7

Mhlamunye bangendlala iinghonghoyilo zabo kuSomnini; iye, mhlamunye omunye nomunye wabo angatjhuguluka endlelenakhe yobukhohlakali ngombana itukuthelo nokusilingeka uSomnini akhuluma ngakho phezu kwabantwaba, kukhulukhulu.”

UJOROMIYA 4:1

USomnini waphendula wathi: “Nange kunendlela oyithathako, wena Israyeli, akube ngebuyela kimi. Nanisusa iinyenyiso zenu emehlwenami, ningabe nisehla nenyuka,

UJOROMIYA 4:2

khona-ke nizakufunga ngeqiniso, ngobuqotho nangokulunga nanithi, ‘Sifunga uSomnini ophilako.’ Nje-ke iinkoro zakwa-Israyeli zizakufuna iimbusiso nedumo lazo kimi mina Somnini.

UHEZEKIYELI 33:11

Batjele bona uSomnini uSomandla uthe: “Ngiyafunga ngokuphila kwami bonyana angithabiswa kukufa kwesikhohlakali, kodwana ngithabiswa kulokha nasitjhiya indlelaso, siphile. Yeke phendukani! Phendukani eendleleni zenu ezimbi nina ndlu ka-Israyeli, nizakufelani na?”

UDANYELA 9:3

Nje-ke ngaphendukela kuZimu uSomandla: Ngathandaza bengabawa ngokuzila ukudla, ukwembatha iinzilo nangokuzithela ngomlotha.

UHOSIYA 12:6

Awa Israyeli, kuzakufanela bonyana ubuyele kuZimakho: Thembeka ubulunge imiyalwakhe; uthembele kuZimakho ngeenkhathi zoke.

UHOSIYA 12:7

U-Efrayimu unjengomthengisi osebenzisa isilinganiso samanga, uthanda tle ukudlelezela.

UHOSIYA 14:1

Buyela kuSomnini uZimakho, wena Israyeli ngombana izono zakho zikurarejile.

UHOSIYA 6:1

Abantu bathi: “Nambani sibuyele kuSomnini, Nanyana asirathulile nje, kodwana uzosipholisa; nanyana asikhubazile nje, kodwana uzakubopha amancebethu.

UJUWELI 1:13

Baphristi, yembathani iinzilo, nirhahlawule; lilani nina enilotjha phambi kwe-aldari. Yizani nizokulila noke, nina enilotjha phambi koZimu wesivumelwano ngombana iminikelo yamabele neyeenselo ayisalethwa ethempelini lakaZimenu.

UZAKARIYA 7:3

bebabuze abaphristi abasethempeleni lakaSomnini uMninimandlawoke nabaphorofidi bathi: “Kufuze ngilile enyangeni yesihlanu ngokuzila ukudla njengombana ngenzile eminyakeni eminengi na?”

UZAKARIYA 7:5

“Khuluma nabo boke abantu benarha le nabaphristi ubabuze uthi, ‘Lokha nagade nizilile nilila enyangeni yesihlanu neyekhomba iminyaka ematjhumi alikhomba edlulileko, ngambala benizilele mina na?

UMALAKI 1:9

Nje-ke nina baphristi, akhe nilinge-ke nibawe uZimu bona abe nomusa kithi! Uzanamukela nenza okunje na?

IZENZO ZABAPOSTOLI 26:20

Kodwana ngathoma ukumemezela kabaseDamaseku, kwaba seJerusalema nakiyo inarha yeJudiya ngitjho nakwabatjhili bonyana baphenduke ezonweni babuyele kuZimu, benze imisebenzi ekhambisana nokuphenduka.

ABAKHOKHELI 2:4

Lokha ingilozi kaSomnini nayikhuluma amezwi la kiwo woke ama-Israyeli, ama-Israyeli arhahlawula.

ABAKHOKHELI 20:26

Woke ama-Israyeli, okutjho loke ibutho, akhuphukela eBhethe-Eli bona ayokulila. Ahlala lapho phambi kwakaSomnini azila ukugoma mhlokho bekwahlwa. Emva kwalokho enzela uSomnini imihlabelo yokutjhiswa neyetjhebiswano

1 USAMYELA 7:3

USamyela wakhuluma kiyo yoke indlu yakwa-Israyeli wathi: “Nanibuyela kuSomnini ngeenhliziyo zenu zoke, khona-ke susani kini abosingazimu abatjhili nabosingazimukazi, abo-Atjhitarothi, nizinikele kuSomnini nilotjhe yena yedwa, uzanitjhaphulula esandleni samaFilista.”

1 USAMYELA 7:6

Bahlangana-ke eMitsipha bakha amanzi bawathululela phambi kwakaSomnini. Mhlokho bazila ukudla bebavuma izono zabo bathi: “Sonile kuSomnini.” USamyela wafundisa ama-Israyeli intando kaSomnini eMitsipha.