UJUWELI 2:1 - IsiNdebele 2012 Translation

¹ USomnini uthi: “Vuthelani ipalapala eZiyoni; nihlabe umkhosi entatjaneni yami ecwengileko.” Akuthi zoke izakhamuzi zihlengezele ngombana ilanga lakaSomnini liyeza; iye, selitjhidele khulu.

UJUWELI 2:1 Iomraidhean Croise

1 IINKRONIKE 15:28

Nje-ke woke u-Israyeli waletha umfaji wesivumelwano sakaSomnini ngomkhulungwana wehlokomo, ngomdumo wepalapala neporompita, isiwahlo nangeenliliswa zemihlobohlobo yamaharibha.

AMARHUBO 119:120

Umzimbami uyathuthumela ngokukwesaba begodu nginevalo ngemithethwakho.

AMARHUBO 87:1

Irhubo lamaKhorarhi; ingoma. Iinsekelo zeJerusalema ziseentabeni ezicwengileko.

U-EKSODUSI 10:14

Yakhithikela phezu kweGibhide yoke beyahlala ngobunengi bayo esifundeneso. Azange khekube nesinyokotho esingakaya samatshwenyeko wentethe phambilini begodu angeze sisaba khona.

U-ISAYA 13:6

Rhahlawulani ngombana ilanga lakaSomnini litjhidele; likubhubhisa okuvela koSabekako.

U-ISAYA 13:9

Qalani, ilanga lakaSomnini litjhidele ngelunya, ngobukhali nangelaka elivuthako kobana lenze inarha ibe ligagadu; iye, libhubhise izoni zayo kiyo.

U-ISAYA 2:12

USomnini uMninimandlawoke unelanga alijamisele boke abaziphakamisako nabakhukhumeleko, iye, ukuze athobise boke abazitjhayako:

U-ISAYA 66:2

Koke lokhu kwenziwe sisandla sami, nje-ke zoke izintwezi zenzeka.” Watjho njalo-ke uSomnini. “Nokho ngiyelela onje: umuntu ogandelelweko, onommoya ozothileko nowesaba ilizwi lami.

U-ISAYA 66:5

Nina enesaba ilizwi lakaSomnini, lalelani ilizwi lakhe elithi: “Abafowenu abanizondako, baninine ngebanga lebizo lami, banitshima bathi, ‘USomnini akavele ngephazimulwakhe ukuze sibone ithabo lenu’, kodwana ngibo abazakurhubutjhwa.”

UJOROMIYA 16:10

“Nawutjela abantwaba koke lokhu bazakubuza bathi, ‘Kubayini uSomnini ahlele ihlekelele engaka phezu kwethu na? Soneni kangaka na? Sisonobani esisenzileko kuSomnini uZimethu na?’

UJOROMIYA 16:7

Akunamuntu ozakuhlephula isikwa abelane nozilileko kobana amtjhiriye ngohlongakeleko. Akunamuntu ozababela ikapho yokududuza ngitjho nanyana kungaba ngubaba namkha umma ohlongakeleko.

UJOROMIYA 4:5

Bikani kwaJuda, nimemezele eJerusalema nithi: “Vuthelani ipalapala enarheni! Rhuwelelani nithi, ‘Yenibuthane ndawonye! Asibalekeleni emadorobheni anemithangala!’

UJOROMIYA 5:22

USomnini uthi: “Aningesabi na? Anithuthumeli phambi kwami, mina engibeke itjhwabatjhwaba yaba mkhawulo welwandle, isimiso sasafuthi nelingeze laseqa na? Amagagasi angakhephuzela kodwana angeze asitjhidisa, angabhodla kodwana angeze aseqa.

UHEZEKIYELI 12:23

Ngalokho batjele bonyana nakhu okutjhiwo nguSomnini uSomandla, ‘Isagesi ngizosiphelisa, yeke, angeze basasisebenzisa njengesaga kwa-Israyeli.’ Kodwana yewuthi kibo, ‘Amalanga afikile nokuphetheka komunye nomunye umbono kuseduze.’

UHEZEKIYELI 21:12

“Rhahlawula, ulile ndodana yomuntu, ngombana isabula ijamelene nabantu bami; iye, ijamelene nawo woke amakhosana wakwa-Israyeli. Anikelelwa esabuleni kanye nabantu bami; ngalokho thwala imikhono ehloko.

UHEZEKIYELI 30:3

Mbala, ilanga litjhidele, iye, ilanga lakaSomnini litjhidele, kuzokuba lilanga lamafu anzima, kube sikhathi sesizi ezizweni:

UHEZEKIYELI 33:3

nalokha umlindi loyo nabona isabula yehlela enarheni, avuthele ipalapala, ayelelise abantu,

UHEZEKIYELI 33:6

Kodwana nakube umlindi ubona isabula yehla, angavutheli ipalapala, ngaleyondlela abantu bangayeleliseki bese isabula leyo iyehla, isuse omunye wabo; umuntu loyo uzabe asuswe ngebanga lecala lakhe. Kodwana iingazi zakhe ngizazibiza esandleni somlindi.’

UHEZEKIYELI 7:10

Qala, nanto ilanga! Qala lifikile! Ukuwa kwakho kuyeza. Intonga seyihlumile, ukuzikhakhazisa sekukhahlele.

UHEZEKIYELI 7:12

Isikhathi sifikile, ilanga liyatjhidela; umthengi akangathabi nomthengisi angalili, ngombana ilaka liphezu komnotho woke wenarha.

UDANYELA 6:26

Ngikhupha isimemezelo sokobana boke abantu bembuswenami kufuze bathuthumele bebasabe phambi kwakaZimu kaDanyela. “Ngambala unguZimu ophilako, iye, uphila isiphelani. Umbuswakhe angekhe wabhujiswa nobukhosi bakhe angeze baphela.

UDANYELA 9:16

Nje-ke Somandla, ngokuya ngazo zoke izenzo zakho zokulunga, susa ilaka nobukhali bakho edorobheni lakho iJerusalema, intabakho ecwengileko. Ngebanga lezono zethu namacala wabobaba, iJerusalema nabantu bakho sebaphenduke isiphoqo hlangana nabo boke abasizombelezileko.

UDANYELA 9:20

Ngathi ngisakhuluma ngithandaza, ngivuma izono zami nezabantu bekhethu u-Israyeli begodu ngethula iimbawo zami phambi kwakaSomnini uZimami ngebanga lentaba ecwengileko kaZimami;

UHOSIYA 5:8

Vuthelani ipalapala eGibiya! Nivuthele iporompita eRama! Hlabani umkhosi eBhethe-Aveni! UBhenjamini useenthendeni zakho Efrayimu.

UHOSIYA 8:1

USomnini uthi: “Vuthelani ipalapala! Nanti idlanga lizulazula ngehla kwendlu kaSomnini ngombana abantu bephule isivumelwano sami, bavukela umyalwami.

UJUWELI 1:15

Maye mhlokho! Ngambala ilanga lakaSomnini libandamele; liza ngokubhubhisa okukhulu kukaSomandla.

UJUWELI 2:11

USomnini uzwakalisa ilizwi phezu kwebutho lakhe. Ngambala amabuthwakhe manengi khulu begodu baqinile abalalela imiyalwakhe. Iye, ilanga lakaSomnini likhulu, lesabeka kwamambala. Ngubani ongalijamela na?

UJUWELI 2:15

Vuthelani ipalapala eZiyoni; bekani ilanga lokuzila, nimemezele umhlangano okhethekileko.

UJUWELI 2:31

Lokhu kuzakwenzeka ngebanga lokuza kwelanga lakaSomnini elikhulu nelesabekako; ilanga lizakuphenduka libe nzima nenyezi ibe ziingazi.”

UJUWELI 3:14

Iinqubuthu ngeenqubuthu zisemrhobeni wokugwebela ngombana ilanga lakaSomnini litjhidele ngemrhobeni lowo.

UJUWELI 3:17

USomnini uthi: “Nizabe seniyazi-ke bona nginguSomnini, uZimenu, ohlala eZiyoni, entabenami ecwengileko. IJerusalema izakuba ngecwengileko; abatjhili angeze basalibeka kiyo.

U-AMOSI 3:6

Nakulila ipalapala edorobheni, abantu abathuthumeli na? Lokha idorobho nalivelelwa yihlekelele, vane kungasi nguSomnini olinikeleleko na?

U-AMOSI 5:18

Nizazizwa nina enihlulukela ilanga lakaSomnini! Nilihlulukelelani ilanga lakaSomnini na? Ngambala, kuzokuba lilanga elimnyama, kungabi nokukhanya.

U-AMOSI 8:2

USomnini wangibuza wathi: “Amosi, ubonani na?” Ngaphendula ngathi: “Ngibona isiqwebu seenthelo ezivuthiweko.” USomnini wathi kimi: “Isikhathi sokubabalela isizwe sami u-Israyeli siphelile, angekhe ngisabababalela.

U-OBADIYA 1:15

“Ngambala, ilanga lakaSomnini selitjhidele ezizweni zoke. Lokho okwenzileko kuzakwenziwa nakuwe, uzakubethwa ngezakho.”

UZEFANIYA 1:14

Ilanga elikhulu lakaSomnini litjhidele; ngambala litjhidele begodu liza ngokurhabileko. Ukuzwakala komkhosi wephasi welanga lakaSomnini uzakuba munyu nonesibindi uzakulila okutlhuwisako.

UZEFANIYA 1:16

Kuzakuba lilanga lepalapala nelokuhlaba umkhosi, wokugasela amadorobho anemithangala nemibhotjhongo yamajika.

UZEFANIYA 1:7

“Thula phambi kwakaSomnini uSomandla, ngombana ilanga lakaSomnini litjhidele. USomnini ulungise umhlabelo; walungiselela labo abamemileko.”

UZEFANIYA 3:11

Mhlokho, wena Jerusalema, angekhe usasoleka ngemitjhapho ongone ngayo ngombana ngizabe ngisuse kuwe boke abantu abathokoza ngokuzitjhaya kwabo. Nje-ke angeze usazigqaja entabenami ecwengileko.

UZAKARIYA 14:1

Qala, kuza ilanga elilethwa nguSomnini, lapha izitha zakho zizakwabelana khona ipahlakho ngaphakathi kwakho, Jerusalema.

UZAKARIYA 8:3

Nakhu okwatjhiwo nguSomnini: “Ngizakubuyela eZiyoni, ngibe ngaphakathi kweJerusalema, ngalokho iJerusalema izakuthiwa nguThembekile nentaba kaSomnini uMninimandlawoke izakuthiwa nguNtaba-Cwengekile.”

UMALAKI 4:1

“Ngambala liyeza ilanga elizakutjhisa njengekehla. Boke abazaziko ngitjho esinye nesinye isoni sizakuba mawunguwungu begodu ilanga elizakwelo lizabatjhisa, batjhe thokgho.” Kutjho uSomnini uSomandla.

UNUMERI 10:2

“Yenza iimporompita ezimbili ezikhandwe ngesiliva. Zona zizakuba libika lokubiza umkhambathi nokufudusa ikampa.

UNUMERI 10:3

Kuzakuthi lokha nazililiswa zombili, umkhambathi woke ubuthane phambi kwakho emnyango wetende lokuhlanganela.

1 KWEBEKORINTE 14:8

Godu nakube iporompita ayizwakali kuhle bona ibiza abantu bonyana baye epini, ngubani ozazilungiselela ipi na?

KWEBEFILIPI 2:12

Ngalokho-ke bathandekako, njengombana beniseze ningilalela njalo, ingasi kwaphela nangikhona, kodwana khulukhulu nangingekho, yenzani isindiswenu ibe yipumelelo ngokwesaba nangokuthuthumela

1 KWEBETHESALONIKA 5:2

ngombana nina nazi kuhle bona ilanga leKosi lizakufika njengesela ebusuku.

UJAKOPO 5:8

Nani-ke nyamezelani niqunge isibindi ngombana ilanga lokubuya kweKosi uJesu libandamele.

1 UPITROSI 4:7

Ukuphela kwezinto zoke kubandamele, yeke ncamani nizikhuze ukuze nikwazi ukuthandaza.

ISAMBULO 6:17

Mbala ilanga elesabekako lelaka labo lifikile! Alo, ngubani ongalijamela na?”