UHOSIYA 9:6 - IsiNdebele 2012 Translation

⁶ Abazakuphunyurha ekurhayilweni, iGibhide izababutha, bangcwatjwe eMemfisi. Umnothwabo wesiliva uzakuvalwa likhula, ngeendlini kumile umtjhatjhana.

UHOSIYA 9:6 Iomraidhean Croise

2 AMAKHOSI 13:7

UZimu akhange amtjhiyele litho lebutho lakaJehowarhazi ngaphandle kwamadoda amatjhumi amahlanu, abakhweli beenjomani, itjhumi leenkarana namajoni weenyawo alitjhumi leenkulungwana. Ikosi ye-Aramu gade ibhubhise ibutho lakaJehowarhazi, yalitshidlha lafana nebhudu.

AMARHUBO 107:34

inarha enothileko ibe libhudu ngenca yobukhohlakali babahlali bayo.

IZAGA 24:31

qala-ke, yoke indawo imile ikhula, iqulwani ivalwe mitjhatjhana nesibiyelo samatje sibhurukile.

U-ISAYA 11:11

Mhlokho uSomandla uzakwelula isandla sakhe kwesibili ukuhlenga imisalela yabantu bakhe abaseleko, abasuse e-Asiriya, eGibhide, ePatrosi, eKutjhe, e-Elamu, eTjhinari, eRhamathi neenhlengeleni zelwandle.

U-ISAYA 19:13

Iinkhulu zeTsowani ziphenduke iinrithirithi, nezeMemfisi zithembela elizeni; labo abasisekelo seenkoro baphambukise amaGibhide.

U-ISAYA 27:12

Mhlokho uSomnini uzakubhula iinqwambi zekoroyi ukusukela eYufrathe ukuya emlanjaneni weGibhide. Nje-ke nina ma-Israyeli nizakubuthwa ngamunye ngamunye.

U-ISAYA 32:13

iye, ngebanga lamasimu wabantu bami, embeswe mameva nomonyani, nangazo zoke iinkumba zokujabula ngedorobheni eliphithizelako.

U-ISAYA 34:13

Ameva azakumila eensikeni zayo, ikhula nemitjhatjhana kuzakumumela iimphephelo. Izakuba lidzaba labophagana nobudlelo beenciliba.

U-ISAYA 5:6

Ngizosenza bona sibe libhudu, singasahlungwa namkha sihlawulelwe, kukhule iminga nameva; ngizokuyala namafu bona angasanisi izulu phezu kwaso.”

U-ISAYA 7:23

Mhlokho, kiyo yoke indawo lapha bekuneenkulungwana zamadiribe abiza iinkulungwana zeempaparwana zesiliva, kuzakuba khona iminga nameva.

UJOROMIYA 2:16

Amadoda weMemfisi neweTarhipanirhesi adle woke amadlelwakho.

UJOROMIYA 42:22

Yazini niqiniseke ngalokhu: Nizokufa ngesabula, ngendlala nangamatshwenyeko endaweni lapha nenyula ukuya khona, kobana niyokhonza kiyo.”

UJOROMIYA 44:1

Ilizweli lafika kuJoromiya mayelana nawo woke amaJuda ahlala eGibhide, okubahlali beMigidolo, beTarhipanirhesi, beMemfisi nebesifunda sePatrosi:

UJOROMIYA 44:12

Ngizakuthanyela imisalela yakwaJuda ezimisele ukuya eGibhide kobana iyokukhonza khona: Boke bazakubhubhela eGibhide, babulawe ngesabula babhujiswe ngendlala. Iye, ukusukela komncani bekube komdala, bazakufa ngesabula nangendlala. Bazakuba sithuko nesimanga, iye, into yokunikelelwa neyokurhubutjhwa.

UJOROMIYA 44:13

Ngizakuhlunguphaza labo abahlala eGibhide ngesabula, ngendlala nangamatshwenyeko njengombana ngahlunguphaza iJerusalema.

UJOROMIYA 46:14

“Bikani lokhu eGibhide nimemezele eMigidoli! Iye, kumemezeleni eMemfisi neTarhipanirhesi nithi, ‘Zihleleni nilunge ngombana isabula irhayila abanibhodileko.’

UJOROMIYA 46:19

Zilungiselele ukuthunjwa, wena ndodakazi ehlala eGibhide ngombana iMemfisi lizakuba libhudu, libe lirubhi belitlhoge nomhlali.

UHEZEKIYELI 30:13

“Nakhu okutjhiwo nguSomnini uSomandla, “ ‘Ngizokubhubhisa amanyala okubosingazimu bengiphelise abozinyana eMemfisi. Nje-ke, angeze kusabakhona ikosana enarheni yeGibhide; iye, ngizokusabalalisa ukwesaba enarheni yeGibhide.

UHEZEKIYELI 30:16

Ngizokuthungelela umlilo eGibhide; iSini libe sebuhlungwini obukhulu. IThebe lizakufohlwa, iMemfisi lizakuhlalela evalweni.

UHOSIYA 10:8

Iindunduma zobukhohlakali, okusisono saka-Israyeli, zizakubhidlizwa. Kuzakumila ameva nabosotokolo bathi talala phezu kwama-aldarabo. Yeke bazokuthi eentabeni: “Sigubuzesani!” bese bathi emibundwini: “Sigirikelani!”

UHOSIYA 11:11

Bazakuza bathuthumela njengeenyoni zivela eGibhide, nanjengamazuba avela enarheni ye-Asiriya. “Ngizabahlalisa eendlini zabo.” Kutjho uSomnini.

UHOSIYA 2:6

Yeke ngaqeda ngokuthi: Ngizakubiyela isivande samesi ngomunga nangomthangala wamatje. Nangenza njalo amaqhingakhe azakufelela:

UHOSIYA 7:11

“U-Efrayimu sese anjengezuba, uyengeka lula, uthithibele: Balilela iGibhide, kodwana babalekela e-Asiriya!

UHOSIYA 7:13

“Bazazizwa ngombana bangihlanukile! Bazakurhayilwa ngombana balwa nami! Ngesingami bengikhanukela ukubahlenga, kodwana bayangirhwayela.

UHOSIYA 7:16

Baphendukela elizeni, baba njengomsebe omtepetepe. Ababusi babo bazokubulawa ngesabula ngebanga lokwephula kwabo iimfungo zabo. Bazakuba yihlekisa nesiphoqo enarheni yeGibhide.”

UHOSIYA 8:13

Benza imihlabelo eyanelisa izisu zabo, bazidlela inyama nje. USomnini akayamukeli imihlabelo enjalo. Nje-ke uSomnini uzobalalamela ngokukhohlakala kwabo, bese ubahlunguphaza ngebanga lezono zabo: Bazakubuyela eGibhide.

UHOSIYA 9:3

Abantwaba abazukuhlala enarheni kaSomnini; U-Efrayimu uzakubuyela eGibhide nanyana adle ukudla okuzilwako e-Asiriya.

ULEVITIKUSI 26:33

“Nina-ke ngizonihlakazela hlangana nezinye izizwe nesabula ihlale irhwatjhiwe ngemuva kwenu. Iye, inarhenu izakuba libhudu namadorobhenu abe marubhi.

UZEFANIYA 1:11

Rhahlawulani nina enihlala emakethe, ngombana boke abarhwebi bazokutjhabalaliswa nabathengisi barhayilwe.

1 USAMYELA 13:6

Kuthe lokha amadoda wakwa-Israyeli nabona ukuthi ubujamo akibo bumasikizi, nokuthi ibutho lawo ligandeleleke kangangani, abhaca emarholweni, hlangana namarharha, emirhobeni, emigodini neenkhelebetheni.