UHOSIYA 8:8 - IsiNdebele 2012 Translation

⁸ U-Israyeli urhiribidelwe; sese afana namawunguwungu hlangana nezizwe ezinye

UHOSIYA 8:8 Iomraidhean Croise

2 AMAKHOSI 18:11

Ikosi ye-Asiriya yathumba ama-Israyeli yawathumela ekudingisweni e-Asiriya, yawahlalisa eRhalarhi, neGozani magegana nomlambo iRhabhori nemizini yamaMede.

U-ISAYA 30:14

USomnini uzalisasambisa ngokungalitlhuweli. Njengokwephuka kwembiza yombumbi lizakuphahlaka kungabi neqetjhana hlangana neenquqwana lokokha amalahle eziko namkha lokukha amanzi esizibeni.

UJOROMIYA 22:28

Indoda le nguKoniya odelelekileko, imbiza eyephuliweko, okuyinto engafunwako na? Kubayini yena nabantwabakhe bafuthelwe kude, bajikijelwa enarheni abangayaziko na?

UJOROMIYA 25:34

Lilani nina belusi, nirhahlawule! Zibhudabhudeni emlotheni nina banini bemihlambi ngombana amalangenu wokuhlaba aphelile! Nizakuwa niphahlazeke njengesitja sekhethelo.

UJOROMIYA 48:38

Emaphahleni woke wakwaMowabi nematatawini sililo sodwa ngombana ngephule iMowabi njengomjeka ongafunwa mumuntu.” Kutjho uSomnini.

UJOROMIYA 50:17

U-Israyeli bekayimvu ebalekako egijinyiswe mabhubezi. Owathoma ukuyirhiribidela kwaba yikosi ye-Asiriya, wokugcina owaphohloza amathambayo nguNebukadiretsari ikosi yeBhabheli.

UJOROMIYA 51:34

“UNebukadiretsari ikosi yeBhabheli ungirhiribidele wangiminyelela ngoma kere, wangifuthela phasi njengomjeka onganalitho. Ungiginye njengenyoka, wazalisa isisu sakhe ngomhlosi wami, wagcina ngokungikhafula.

ISILILO 2:16

Zoke izitha zakho zikhuluma khulu ngawe. Ziyababaza, zihline, zirhuwelele zithi: “Siyirhiribidele! Ngambala leli lilanga ebesililindile, sesifikile kilo, sekunjalo-ke!”

ISILILO 2:2

USomandla ugomojele woke amadlelo kaJakopo ngaphandle kwesirhawu; ngetukuthelwakhe ugirize zoke iimphephelo zendodakazi yakwaJuda. Umadlhe phasi bewasilaphaza umbuso neenkhulu zawo.

ISILILO 2:5

USomandla ube njengesitha, ugomojele u-Israyeli! Iye, ugomojele yoke imibhotjhongo yeJerusalema, wonakalisa amadorobho anemithangala kwa-Israyeli. Wandisa ukulila nokuzila endodakazini yakwaJuda.

ISILILO 4:2

Amadodana weZiyoni aligugu ebegade alinganiswa negolidembala, gadesi sele afaniswa nemijeka okumsebenzi wezandla zombumbi!

ISILILO 5:2

Ilifa lethu linikelwe amaphandle, amakhayethu aphiwa imiqhamuka.

UHEZEKIYELI 36:3

“Nje-ke, wena ndodana yomuntu phorofida bonyana uSomnini uSomandla uthi, ‘Isitha sinenze umonakalo nina ntaba zakwa-Israyeli begodu sinilumalume mahlangothi woke ukuze nibe lilifa lemisalela yezizwe; iye, nibe yihlebo namahlebezi wabantu.

ULEVITIKUSI 26:33

“Nina-ke ngizonihlakazela hlangana nezinye izizwe nesabula ihlale irhwatjhiwe ngemuva kwenu. Iye, inarhenu izakuba libhudu namadorobhenu abe marubhi.

KWEBEROMA 9:22

Sizakwazi ngani nakube uZimu, ngokuthanda ukubonisa ubukhali bakhe kanye nokwazisa amandlakhe, ubekezelele khulu ngesineke izitja afanele azithukuthelele, ezibekelwe ukubhujiswa na?

UDUTERONOMI 28:25

USomnini uzanenza nihlulwe zizitha zenu, nizisahlele ngandlelanye kodwana nizakubaleka phambi kwazo ngeendlela ezilikhomba. Nizakuba sibonelo esesabekako emibusweni yoke yephasi:

UDUTERONOMI 28:64

USomnini uzanihlakaza hlangana nabantu boke, ukusuka egumbini elinye lephasi ukuya kelinye. Lapho nizakulotjha abosingazimu besigodo nebelitje eningabaziko nina ngitjho naboyihlomkhulu.