UHOSIYA 8:6 - IsiNdebele 2012 Translation

⁶ nayibe bangu-Israyeli? Itholeli libunjwe sithakgha, senguzimu nje. Yeke lizokwephulwa libe ziinquqwana ithole leSamariyelo.

UHOSIYA 8:6 Iomraidhean Croise

2 AMAKHOSI 23:15

Ngitjho nendunduma ye-aldari eBhethe-Eli eyayakhiwe nguJerobhowami umsa kaNebathi, enza ngayo bona u-Israyeli one, indawo yomhlabelo leyo wayibhuruza: Wenza umlilo phezu kwayo bewayitlhifirija; watjhisa no-Atjhera.

2 AMAKHOSI 23:19

UJosiya waragela phambili ngokwenza njengombana gade enze eBhethe-Eli: Wabhuruza amathempedlana aseendundumeni agade akhiwe makhosi wakwa-Israyeli emizini yeSamariya, okwakuzizinto ezathukuthelisa uSomnini uZimu.

2 IINKRONIKE 13:8

Nje-ke nicabanga bona ningajamelana nombuso kaZimu osezandleni zeenzukulwana zakaDavida ngombana nilibutho elikhulukazi nokobana nineenkunzana zegolide enizenzelwe nguJerobhowamu njengabozimu benu na?

2 IINKRONIKE 31:1

Kwathi bona koke kuphele, ama-Israyeli agade alapho aphuma aya emizini yakwaJuda. Afika aphadlha amatje akhethekileko abe agawula nemifanekiso yabo-Atjhera. Aphutjhula iindunduma agiriza nama-aldari kilo loke lakwaJuda, kwaBhenjamini, kwa-Efrayimu nakwaManase. Ngemva kobana sele abhidlize koke, ama-Israyeli abuyela emakhabo emadorobhenawo.

UJOROMIYA 10:14

Woke umuntu usidlhayela begodu akanalwazi; woke umncibilikisi uhlaziswa bosingazimu bakhe. Iinthombembunjwa zakhe zimamala, azinamphefumulo ngaphakathi kwazo.

UJOROMIYA 48:13

Nje-ke uMowabi uzakuba neenhloni ngeKemotjhi, njengombana ikumba ka-Israyeli yayineenhloni lokha nayethembela eBhethe-Eli.

UJOROMIYA 50:2

“Bikani benimemezele hlangana nezizwe, phakamisani iphawu bese niyalimemezela, ningagodli litho, kodwana khulumani, nithi, ‘IBhabheli lithunjiwe! UBhele uzokuhlaziswa, uMerodaki abe nokwesaba. Iinthombembunjwa zalo zizokwesaba.’

UHOSIYA 10:2

Bavuma imilandwabo ngeenhliziyo ezinobuqili, kodwana uSomnini uzakubhidla ama-aldarabo, abe ahlakaze namatjabo akhethekileko.

UHOSIYA 13:2

Khonapho abantu bathuwelela ngokona: Bazenzela iinthombe, abosingazimu ababazwe ngesiliva labo okumsebenzi nje owenziwe sithakgha! Ngeenthombezi bathi: “Abantu abenza umhlabelo bamele bancwange amathole la.”

UHOSIYA 14:3

I-Asiriya angeze yasisiza; asisazokuthembela eenjomaneni zepi; angeze besisatjho sithi ‘zimethu’ entweni esiyenze ngezandla zethu ngombana kuwe wedwa nentandani ifunyana isirhawu.”

UMIKHA 1:7

Zoke iinthombe ezibaziweko zakhona zizakuphahlazwa; zoke izipho zethempeli lakhona zitjhiswe ngomlilo. Ngizokutjhabalalisa boke abosingazimu bayo. Njengombana izuze izipho zethempeli layo ngobungwadla, bazazithatha bangwadle ngazo phambili.”

URHABAKHUKHU 2:18

“Sizakubhadekela ngani isithombesibazwa njengombana sabazwa mumuntu nje na? Sisiza ngani isithombesibunjwa nomfundisi wamala na? Iye, loyo owasibumbako wethembele emsebenzini wezandla zakhe, ilize lakolize elingakhulumiko!

IZENZO ZABAPOSTOLI 17:29

“Yeke, njengombana siziinzukulwana zakaZimu, asikafaneli sidlumbane bonyana ubuZimu bufana negolide namkha isiliva nanyana ilitje eliqandulwe ngobuhlakani nelwazi lomuntu obhubhako.

IZENZO ZABAPOSTOLI 19:26

Manje nani niyabona beniyazizwela ngokwenu bona akusinge-Efesu kwaphela kodwana pheze i-Asiya loke, uPowula lo udukise abanengi ngokubatjela bona abozimu abenziwe ngezandla, akusibo abozimu bamambala.