UHOSIYA 8:11 - IsiNdebele 2012 Translation

¹¹ “Lokha u-Efrayimu nakakha ama-aldari amanengi weminikelo yesono, aphenduka ama-aldari wokona.

UHOSIYA 8:11 Iomraidhean Croise

UJOROMIYA 16:13

Nje-ke ngizaniqotjha enarheni le, niye enarheni eningayaziko ngitjho naboyihlo abangazange khebayibone. Lapho-ke nizakulotjha abosingazimu ubusuku nemini ngombana angeze ngaba nomusa phezu kwenu.’ ”

UJOROMIYA 17:1

“Isono sakwaJuda sitlolwe ngesikhonkhwani sesimbi, iye, sagobhodlhwa ngetlobo yedayimani, emiqebethwini yeenhliziyo zabo neempondweni zama-aldarabo.

UHOSIYA 10:8

Iindunduma zobukhohlakali, okusisono saka-Israyeli, zizakubhidlizwa. Kuzakumila ameva nabosotokolo bathi talala phezu kwama-aldarabo. Yeke bazokuthi eentabeni: “Sigubuzesani!” bese bathi emibundwini: “Sigirikelani!”

UHOSIYA 12:11

BakwaGiliyadi nabo gade banjingile, kodwana babhujiswa! Abantu benza imihlabelo yeenkunzi eGiligali, nokho akhange kusize litho: ama-aldarabo aba njengesiqotjana samatje magegana nesimu.

UHOSIYA 5:4

Izenzo zabo azibavumeli ukubuyela kuZimabo. Abamazi uSomnini ngebanga lommoya wobungwadla ophakathi kwabo.

UDUTERONOMI 4:28

Lapho nizakulotjha abosingazimu besigodo nebelitje okumisebenzi yezandla zabantu, izinto ezingaboniko, ezingezwako, ezingagomiko nezinganukeleliko.