UHOSIYA 8:10 - IsiNdebele 2012 Translation

¹⁰ Nanyana angafunyana abangani hlangana nezizwe, akazokuba nobuyo ngombana ngizobabuthelela ndawonye. Masinyana bazakubhesiswa mthwalo wekosi ekulu.

UHOSIYA 8:10 Iomraidhean Croise

2 AMAKHOSI 14:26

Lokhu kwenzeka ngombana uSomnini wabona isihlungu u-Israyeli agade agandelelwe ngaso; bekunganamenyeli namunye kwa-Israyeli.

2 AMAKHOSI 17:3

UTjhalimaneseri ikosi ye-Asiriya wakhuphuka bona asahlele uHosiya. UHosiya waba sikhonzi sakhe begodu wakhokha nemithelo kuye.

2 AMAKHOSI 17:4

Kodwana ngemva kwesikhathi ikosi ye-Asiriya yafunyana bona uHosiya liqili ngombana gade athumele abazenda esikhulwini esiphezulu sekosi yeGibhide. Begodu gade angasakhokhi imithelo ekosini ye-Asiriya njengombana gade asenza qobe mnyaka. Ngebangelo ikosi ye-Asiriya yambamba yamfaka ngesikhungweni.

1 IINKRONIKE 5:26

Nje-ke uZimu wakwa-Israyeli wavusa ummoya kaPhuli ikosi ye-Asiriya (ogade asaziwa ngelikaTiligathi-Pilineseri). UPhuli wadingisa bakwaRubeni, bakwaGadi nesiquntu sekoro yakwaManase wabahlalisa eRhalarhi, eRhabori, eHara nangemlanjeni iGozani. Basese lapho nanamhlanje.

U-ISAYA 10:8

Wona athi, ‘Iinduna zethu azisimakhosi zoke na?

U-ISAYA 30:2

Ngaphandle kokukhombela indlela kimi bayaphuma, behlele eGibhide, kobana bayokukhosela ebuphephelweni bakaFaro, baphephele emthunzini weGibhide.

U-ISAYA 36:13

Yeke umkhulumeli wasikima warhuwelela ngesiJuda wathi: “Lalelani ilizwi lekosi ekulu, ingwenyama ye-Asiriya!

UJOROMIYA 42:2

kuJoromiya umphorofidi bathi kuye: “Sendlala nasi isinghonghoyilo sethu phambi kwakho: Sibawa uthandazele yoke imisalela le kuSomnini uZimakho. Njengombana sewubona nje, sakhe saba banengi, kodwana kwanjesi sekusele ibinzana.

UHEZEKIYELI 16:33

Amadoda avamisa ukukhokhela iingwadla, kodwana wena uvuza zoke iinthandwa zakho ngokuzifumbathisa kobana zize kuwe mahlangothi woke ngebanga lobungwadla bakho.

UHEZEKIYELI 16:37

ngalokho qala-ke, ngizokubutha zoke iinthandani zakho ozithabisakwezo, iye, zoke ebegade uzithanda nazo zoke ebegade uzizonda. Mbala, ngizozibutha mahlangothi woke bona zijamelane nawe. Ngizokwembula ubuze bakho kizo ukuze zibone boke ububhunubhunu bakho.

UHEZEKIYELI 22:20

Njengomuntu nabuthelelela ekehleni yomlilo isiliva namkha ikoporo, isimbi, umthofi nesinjana ukuze akuvuthelele emlilweni kobana kuncithike; ngendlela enjalo ngizonibuthelela nani ngelaka lami nangetukuthelwami nginiliselele ngaphakathi kwedorobho kobana nginincithikise.

UHEZEKIYELI 23:5

“U-Ohola wangwadla asese ngowami; wakhanuka iinthandwa zakhe ama-Asiriya, okumadoda akwazi ukulwa

UHEZEKIYELI 26:7

Mbala, nakhu okutjhiwo nguSomnini uSomandla: “Qala ngizokuletha eTirosi uNebukadiretsari ikosi yeBhabheli osuka ngetlhagwini, oyikosi yamanye amakhosi, afike neenjomani, iinkarana zepi nabakhweli bazo kanye nesiqubuthu esikhulu samajoni.

UDANYELA 2:37

Wena kosi, kosi yamakhosi, wena onikelwe nguZimu wezulwini umbuso, amandla, iinkhwepha nobukhosi,

UHOSIYA 10:10

USomnini uthi: “Ngiqede ngokuthi, ngizabahlunguphaza, ngenze izizwe zibahlanganyele, zibabophe ngebanga lezonokazi zabo ezinengi.

UHOSIYA 12:2

USomnini umangalela uJuda; uzokuhlunguphaza uJakopo ukuya ngeendlela zakhe, ambethe ngeentonga zakhe.

UHAGAYI 2:6

“Ngambala, lokhu ngokwatjhiwo nguSomnini uMninimandlawoke, ‘Kuzakuthi msinyazana ngisikinye amazulu nephasi, nelwandle kanye nenarha eyomileko.