UHOSIYA 7:2 - IsiNdebele 2012 Translation

² Abe abacabangi bonyana yoke ikohlakalwabo ngiyayikhumbula; izenzo zabo ziyabalandela, azikafihleki kimi.

UHOSIYA 7:2 Iomraidhean Croise

UJOBHO 34:21

Amehlwakhe aseendleleni zabantu, ubona amagadangwabo woke.

AMARHUBO 10:11

nanyana kunjalo sithi ehliziywenaso: “UZimu ukhohliwe, ubuso bakhe ubusithezile, yeke akasoze akubone lokhu.”

AMARHUBO 25:7

Ungakhumbuli izono zobutjha bami namkha iimphambeko zami; ngikhumbule ngokwethembeka kwakho ngebanga lezenzo zakho ezihle.

AMARHUBO 50:22

“Yelelani indaba le, nina enikhohlwa uZimu, nakungasinjalo ngizanidabula, kutlhogeke nomenyeli.

AMARHUBO 9:16

Bezizwe bawele ngemgodini abazembele wona, inyawo labo libanjwe esifwini abasithiyileko.

AMARHUBO 90:8

Wena ubeke amacalethu phambi kwakho, iye, okufihliweko phambi kwakho emkhanyweni.

U-ISAYA 1:3

Ikomo iyamazi umniniyo, nodumbana igebhezi lomnikazalo, kodwana u-Israyeli akazi ilitho, abantu bami abazwisisi.

U-ISAYA 26:16

Somnini, eensizini zabo bafune ubuso bakho, bazethula kuwe ngemithandazwabo, lokha ubukhali bakho nabuphezu kwabo.

U-ISAYA 44:19

Akakho namunye ocabangisisako, akakho olemukako nonomkhumbulo wokuthi: “Tjhephana ingcenye yazo ngabasa ngayo umlilo, godu bengapheka isikwa ngamalahle wakhona, ngabasa nenyama ngadla. Alo-ke ngingenza njani isinyenyiso ngokuseleko, ngikhothamele isigodo sakogodo na?”

U-ISAYA 5:12

Eminyanyenabo kukhona imihlobohlobo yamaharibha, abosotjherere, iinghwani kanye newayini; kodwana izenzo zakaSomnini abaziyeleli nemisebenzi yezandla zakhe abayitjheji.

UJOROMIYA 14:10

Nakhu okutjhiwo nguSomnini ngabantu bakhe: “Iye, ngiphakathi kwabo, kodwana bakuthanda khulu ukunyariya, ababambi iinyawo zabo.” Ngalokho uSomnini akabamukeli; yeke uzakukhumbula ubukhohlakali babo abahlunguphazele izono zabo.

UJOROMIYA 16:17

“Amehlwami ahlezi kizo zoke iindlela zabo, azikasitheki kimi namacalabo akakafihleki emehlwenami.

UJOROMIYA 17:1

“Isono sakwaJuda sitlolwe ngesikhonkhwani sesimbi, iye, sagobhodlhwa ngetlobo yedayimani, emiqebethwini yeenhliziyo zabo neempondweni zama-aldarabo.

UJOROMIYA 2:19

Ubukhohlakali bakho buzakuhlunguphaza, ukuhlubuka kwakho kukukhalime. Yelela-ke ulemuke kobana kumbi begodu kumunyu nawuhlubuka uSomnini uZimakho, iye, nangingasakwenzi kobana ungesabe.” Kutjho uSomnini uSomandla onguMninimandlawoke.

UJOROMIYA 32:19

iye, umkhulu ekwelulekeni begodu unamandla ngokwezenzo. Amehlwakho abona zoke iindlela zabantu, uvuza omunye nomunye ngokuziphatha kwakhe nanjengokwemisebenzakhe.

UJOROMIYA 4:18

Ukuziphatha kwakho kanye nezenzo zakho, wena Juda, kulethe lokhu phezu kwakho. Lokhu kumphumela wobukhohlakali bakho. Yizwa bona kumunyu kangangani nabuhlaba ehliziyweni!

UJOROMIYA 44:21

“USomnini azange akhumbule itjhwalo ebenilitjhisa emizini yakwaJuda neendledlaneni zeJerusalema nina naboyihlo, amakhosenu neenduna zenu kanye nabantu benarha na? Azange akufake ehliziyweni lokho na?

UHEZEKIYELI 21:29

Nanyana kunombono wamanga ngawe sabula, iye, nokuthukula kwekohliso ngawe, uzakubekwa eentanyeni zeenkhohlakali ezisilapheleko; ilanga lazo sele lifikile, iye, isikhathi sesibetho samaphelelo.

UHOSIYA 12:2

USomnini umangalela uJuda; uzokuhlunguphaza uJakopo ukuya ngeendlela zakhe, ambethe ngeentonga zakhe.

UHOSIYA 4:9

Kuzose kufane, okwenzeka ebantwini kuzakwenzeka nebaphristini. Ngizokuhlunguphaza abaphristi ngebanga leendlela zabo. Ngibabethe ngentongabo:

UHOSIYA 6:2

Ngemva kwamalanga amabili uzasivuselela, elangeni lesithathu asibuyisele esigeni, bonyana siphile ebusweni bakhe.

UHOSIYA 8:13

Benza imihlabelo eyanelisa izisu zabo, bazidlela inyama nje. USomnini akayamukeli imihlabelo enjalo. Nje-ke uSomnini uzobalalamela ngokukhohlakala kwabo, bese ubahlunguphaza ngebanga lezono zabo: Bazakubuyela eGibhide.

UHOSIYA 9:15

USomnini uthi: “Boke ubukhohlakali babo bathoma eGiligali. Lapho-ke ngabalandula ngebanga lezenzo zabo. Ngizobaqotjha endlinami, angisazobathanda. Boke ababusi babo bamaphikakani.

UHOSIYA 9:9

benzele umphorofidi umlindi ozikileko. Njengemalangeni weGibeya uSomnini uzobalalamela ngokukhohlakala kwabo bese ubahlunguphaza ngebanga lezono zabo.

U-AMOSI 8:7

USomnini ufunge ngeDumo lakaJakopo wathi: “Nanyana yini abayenzileko angeze ngayikhohlwa.

UJONA 1:2

“Khuphuka uye edorobheni elikhulu iNiniva, ufike ubakhalime ngombana ubukhohlakali babo sele benyuke bebafika phambi kwami.”

UNUMERI 32:23

Kodwana nangabe angeze nenza njalo, nizabe nonile phambi kwakaSomnini. Nje-ke yazini bonyana isono senu sizanibamba.

ULUKASI 12:2

Akukho okugutjuziweko okungeze kwagutjululwa namkha okufihliweko okungeze kwaziwa.

1 KWEBEKORINTE 4:5

Ngalokho-ke ningagwebi ilitho kungakafiki isikhathi, lindani bekufike iKosi. Yona izokuveza emkhanyweni koke okufihlwe ebumnyameni beyembule neenhloso zeenhliziyo zabantu. Ngesikhatheso uZimu uzokwamukelisa omunye nomunye ukuthokozwa okumfaneleko.

UDUTERONOMI 32:29

Nangathana bebahlakaniphile, bebazakghona ukuzwisisa lokhu, bahlole bona siyini isiphetho sabo.

AMAHEBHERU 4:13

Akukho nokukodwa okubunjiweko okusithekileko phambi kwakaZimu. Koke kwambuliwe phambi kobuso bakhe, kusemtarini emehlweni waloyo esizaziphendulela kuye.