UHOSIYA 7:11 - IsiNdebele 2012 Translation

¹¹ “U-Efrayimu sese anjengezuba, uyengeka lula, uthithibele: Balilela iGibhide, kodwana babalekela e-Asiriya!

UHOSIYA 7:11 Iomraidhean Croise

2 AMAKHOSI 15:19

Nje-ke uPhuli ikosi ye-Asiriya wasahlela inarha. UMenarhemu wamnikela isiliva elimakhilogremu aziinkulungwana ezimatjhumi amathathu nane azincengela bona amsekele ukuze anzinze ebukhosini bakhe.

2 AMAKHOSI 16:7

ngombana u-Arhazi wathatha isiliva negolide elafunyanwa ngethempelini lakaSomnini nangendlini yamagugu wesigodlo sekosi, walithumela ngeenthunywa kuTigilathi-Pileseri ikosi ye-Asiriya njengesibiko bona ziyombawela isizo kuye zithi: “Ngiyinceku nesikhonzi sakho. Yewukhuphuke uzongisindisa esandleni sekosi ye-Aramu neyakwa-Israyeli ngombana ayangisahlela.”

IZAGA 15:32

Odela ukusolwa uzinyaza yena, kodwana olalela ukukhalinywa uzuza ingqondo.

IZAGA 17:16

Buyini ububhadekelo bemali nayisesandleni sesidlhadlha na? Ingaba kuthenga ukuhlakanipha khibe asinangqondo?

IZAGA 6:32

Kodwana umuntu ohlobongako, uswela ingqondo; owenza njalo uyazibhubhisa.

UJOROMIYA 2:18

Alo, uzakuzuzani endleleni eya eGibhide, kobana uyokusela amanzi weTjhirhori na? Uzakuzuzani endleleni eya e-Asiriya kobana uyokusela amanzi eYufrathe na?

UJOROMIYA 2:36

Kubayini ugwilike lula na? Uzakudaniswa yiGibhide njengombana udaniswe yi-Asiriya.

UHOSIYA 11:11

Bazakuza bathuthumela njengeenyoni zivela eGibhide, nanjengamazuba avela enarheni ye-Asiriya. “Ngizabahlalisa eendlini zabo.” Kutjho uSomnini.

UHOSIYA 12:1

“U-Efrayimu uzondla ngommoya, udlhemadlhema ngemva kommoya wepumalanga imini yoke. Ngamangakazakhe amanengi uzibangela ukubhujiswa: Wenza isikhozi ne-Asiriya, khibe ngapha ukhungana neGibhide ngamafutha we-oliva.”

UHOSIYA 12:2

USomnini umangalela uJuda; uzokuhlunguphaza uJakopo ukuya ngeendlela zakhe, ambethe ngeentonga zakhe.

UHOSIYA 14:3

I-Asiriya angeze yasisiza; asisazokuthembela eenjomaneni zepi; angeze besisatjho sithi ‘zimethu’ entweni esiyenze ngezandla zethu ngombana kuwe wedwa nentandani ifunyana isirhawu.”

UHOSIYA 4:11

bazinikele ebungwadleni, isitjhidela nehlama yewayini, kufiphaze imikhumbulwabo.

UHOSIYA 4:6

Abantu bami bayabhubha ngokutlhoga ilwazi. Ngebanga lokobana wale ilwazi, nami ngiyakulandula awusimphristami; ngebanga lokobana unina umthetho kaZimu, nami ngizokunina abantwabakho.”

UHOSIYA 5:13

Lokha u-Efrayimu nakezwa ukugula kwakhe, noJuda nakabona inceba lakhe, yeke u-Efrayimu waphendukela e-Asiriya, wabawa isizo ekosini ekulu. Kodwana abe ayinamandla wokunelapha, nokunipholisa emancebenenu.

UHOSIYA 5:4

Izenzo zabo azibavumeli ukubuyela kuZimabo. Abamazi uSomnini ngebanga lommoya wobungwadla ophakathi kwabo.

UHOSIYA 8:13

Benza imihlabelo eyanelisa izisu zabo, bazidlela inyama nje. USomnini akayamukeli imihlabelo enjalo. Nje-ke uSomnini uzobalalamela ngokukhohlakala kwabo, bese ubahlunguphaza ngebanga lezono zabo: Bazakubuyela eGibhide.

UHOSIYA 9:3

Abantwaba abazukuhlala enarheni kaSomnini; U-Efrayimu uzakubuyela eGibhide nanyana adle ukudla okuzilwako e-Asiriya.

UHOSIYA 9:6

Abazakuphunyurha ekurhayilweni, iGibhide izababutha, bangcwatjwe eMemfisi. Umnothwabo wesiliva uzakuvalwa likhula, ngeendlini kumile umtjhatjhana.

U-OBADIYA 1:7

Boke abakhozi bakho bazakukghurumejela emkhawulweni; onokuthula nabo bakurhwale bebakubinde; onghwatha nabo bazakubekela isifu esihlakeni sakho.” Godu uSomnini wathi ngomphorofidi ku-Edomu: “Akukasi kuye!

UMATEWU 10:16

“Qalani, nginithuma njengezimvu hlangana neempisi. Ngalokho hlakaniphani njengeenyoka, nibe msulwa njengamazuba.