UHOSIYA 3:5 - IsiNdebele 2012 Translation

⁵ Ngemuva kwalokho, ama-Israyeli azokubuya afune uSomnini uZimawo noDavida ikosawo. Azakubuyela kuSomnini ngokuzithoba okukhulu; abuyele ebuhleni azabuphiwa nguSomnini emihleni yokuphela.

UHOSIYA 3:5 Iomraidhean Croise

1 AMAKHOSI 12:16

Kuthe lokha woke u-Israyeli nabona bonyana ikosi ayimuphi indlebe, waphendula ikosi wathi: “Asinasabelo noDavida, asithintani ndawo nomsa kaJese! Ayigubhe Israyeli! Uzazibona ukuqeda wena ndlu kaDavida!” Yeke ama-Israyeli aphadlhalala, agoduka.

U-ISAYA 17:7

Mhlokho abantu bazakurhuluphela umDali wabo, amehlwabo aqale oCwengileko wakwa-Israyeli.

U-ISAYA 2:2

Kuzakuthi emihleni yokuphela intaba yethempeli lakaSomnini inzinziswe esiqongolweni seentaba. Izakuphakanyiswa ngaphezu kwemibundu nezizwe zoke ziwulukele kiyo.

U-ISAYA 2:3

Nabantu abanengi bazakuza bathi: “Nambani sikhuphukeleni entabeni kaSomnini, ethempelini lakaZimu kaJakopo ukuze asifundise iindlela zakhe kobana sikhambe ngemizilakhe.” Mbala, umthetho uzakuvela eZiyoni nelizwi lakaSomnini eJerusalema.

U-ISAYA 60:5

Nje-ke uzakuqala, uphazimule; ihliziywakho izakweqayeqa, iphuphume ngethabo ngombana ukuphuphuma kwelwandle kuzakulethwa kuwe, iye, umnono wezizwe uze kuwe.

U-ISAYA 9:13

Khonapho abantu akhange babuyele kobabethileko begodu azange bafune uSomnini uMninimandlawoke.

UJOROMIYA 23:5

USomnini uthi: “Qalani, isikhathi siyeza lapha ngizakuvusela khona uDavida ingala yangokomthetho, izakubusa njengekosi iphathe ngokuhlakanipha beyenze okulungileko nokufaneleko enarheni.

UJOROMIYA 30:24

Itukuthelo evuthako yakaSomnini angeze yahlehla angakafezi iinhloso zehliziywakhe. Emalangeni ezako nizakuzwisisa.”

UJOROMIYA 30:9

kodwana uJakopo uzakulotjha uSomnini uZimakhe, asebenzele uDavida ikosakhe engizamvusela yona.”

UJOROMIYA 33:17

“Ngambala, nakhu okutjhiwo nguSomnini, ‘UDavida angeze atlhoga umuntu ongahlala esihlalweni sobukhosi sekumba ka-Israyeli

UJOROMIYA 33:9

Idorobheli lizakuba ligugu kimi nethabo lami; iye idumo nephazimulo ezizweni zoke zephasi ezizakuzwa ngabo boke ubuhle engizabenzela abantu bami lapho. Zizakwesaba bezithuthumele ngabo boke ubuhle nepumelelo engizayenzela idorobheli.’

UHEZEKIYELI 16:63

Ngizokwenza lokho ukuze ukhumbule bewube neenhloni begodu ungasakhulumi ngehlazo lakho lokha nangikuthethelela ngakho koke okwenzileko.’ Kutjho uSomnini uSomandla.”

UHEZEKIYELI 38:16

Kwamambala uzakurhwanta ujamelene nabantu bami u-Israyeli, iye, njengelifu elembese inarha. Esikhathini esizako ngizakwenza uqalane nenarhami ukuze izizwe zingazi lokha nangizibonakalisa ngani phambi kwazo bona mina ngicwengile’.

UHEZEKIYELI 38:8

Emva kwamalanga amanengi uzakufumana umyalo, kuthi eminyakeni ezako ufike enarheni esahlumako ngemva kobana beyisepini, iye, inarha enabantu ababuthelelwe ezizweni ezinengi phezu kweentaba zakwa-Israyeli, ebesele zilibhudu lasafuthi. Inarha abantu bayo abaphuma ezizweni, kwanjesi boke sele bahlezi ngokuvikeleka.

UDANYELA 10:14

Nje-ke, ngize kobana uzwisise lokho okuzokwehlela abantu bekhenu emihleni yokuphela ngombana kusese nombono omunye omayelana nesikhathi esizako.’

UDANYELA 2:28

Kodwana kukhona uZimu ezulwini owembula iimfihlakalo begodu yena wembulile ekosinami uNebukadinetsari kobana kuzokwenzekani emalangeni ezako. Nje-ke ibhudango nombono owedlule engqondweni yekosi isalele, ngilokhu:

UHOSIYA 1:11

Abantu bakwaJuda nebakwa-Israyeli bazakuhlanganiswa, bakhethe umrholi munye bebathumbe inarha. Ngambala lizaba likhulu ilanga leJizriyela.

UHOSIYA 11:10

Bazakulandela uSomnini; abhodle njengengwenyama. Iye, lokha nabhodlako abantwabakhe bazakuza, bathuthumela bavela etjingalanga.

UHOSIYA 5:15

Yeke ngizakubuyela endawenami ngilinde bebavume umlandwabo. Bazakufuna ubuso bami; esizini labo bazangifuna bebangifunisise.”

UHOSIYA 5:6

Lokha nabatlhetlha nezimvu nomhlambi wabo bathi bafuna uSomnini, abazomfunyana ngombana uSomnini uzihlukanisile nabo.

UHOSIYA 6:1

Abantu bathi: “Nambani sibuyele kuSomnini, Nanyana asirathulile nje, kodwana uzosipholisa; nanyana asikhubazile nje, kodwana uzakubopha amancebethu.

U-AMOSI 9:11

“Mhlokho ngizakuvuselela itende lakaDavida eliwileko. Ngilungise iindawo zalo ezonakeleko, ngibuyisele isithunzi salo, ngilakhe libe njengombana gade linjalo phambilini;

UMIKHA 4:1

Kuzakufika isikhathi lapha intaba yethempeli lakaSomnini izakunzinza khona esiqongolweni seentaba; izakuphakanyiswa yengamele imibundu yoke; yeke izizwe zizayirhuluphela.

UNUMERI 24:14

Iye, ngiyagoduka-ke nje, ngiya ekhethu. Yizapha ngikulemukise bona abantwaba bazokwenzani ebantwini bakho ngomuso.”

KWEBEROMA 11:25

Angithandi bazalwana bona ningabi nelwazi ngefihlakalo le ukuze ningakhohliseki: ukukhunyalala kwehlele ingcenye ka-Israyeli kufikela lapha isibalo esipheleleko sabatjhili singena khona soke.

KWEBEROMA 2:4

Kghani unyaza umusa omkhulu kaZimu nokunyamezela kwakhe okubanzi na? Awuboni bonyana uZimu unomusa ngombana uhlose bona utjhuguluke na?

UDUTERONOMI 4:30

Lokha nanisematshwenyekweni bese zoke izintwezi zehlela phezu kwenu emalangeni wokugcina, nizakubuyela kuSomnini uZimenu nilalele ilizwi lakhe,