UHOSIYA 2:7 - IsiNdebele 2012 Translation

⁷ Iinthandwa zakhe azilandelelako zingameyami, azifune angazifunyani. Khona-ke uzakuqaquluka athi: ‘Awa-yeke, angibuyele kusobentwana ngombana bekangiphethe kuhle.’

UHOSIYA 2:7 Iomraidhean Croise

2 IINKRONIKE 28:23

Wenzela abosingazimu beDamaseku imihlabelo, okubosingazimu babantu abamhlulako ngombana wadlumbana wathi: “Njengombana abosingazimu bamakhosi wama-Aramu bawasizile nje, yeke ngizabahlabela ukuze nami bangisize.” Kodwana ngibo abamwisako bebawisa no-Israyeli.

AMARHUBO 116:7

Nje-ke, buyela ekuphumuleni kwakho, mphefumulwami ngombana uSomnini ukondle kuhle.

U-ISAYA 30:16

nathi: “Awa thina! Sizakubaleka ngeenjomani.” Ngalokho-ke nizakubaleka kwamambala! Godu nathi: “Sizakukhwela iinjomani ezinebelo khulu.” Ngalokho-ke abanigijimisako bazakuba nebelo khulukhulu!

UJOROMIYA 14:22

Hlangana nabosingazimu bezizwe ukhona onganisa izulu na? Umkayi ngokwawo ungehlisa izulu na? Awa, nguwe kwaphela Somnini, Zimethu ongakwenza lokho. Yeke ithemba lethu likuwe kwaphela ngombana nguwe wedwa owenza koke lokhu.

UJOROMIYA 2:2

“Khamba ufese umemezele kilo iJerusalema uthi, nakhu okutjhiwo nguSomnini, “ ‘Ngikhumbula ukwethembeka kwakho usesemutjha, ithando lakho usesemlobokazi, ungilandela erhalawumbeni, enarheni engatjalwa litho.

UJOROMIYA 2:28

Baphi-ke abozinyana owazenzela bona wena Juda? Abeze phela nakube bangakusindisa ngesikhathi sesizi lakho! Angithi wena unabozinyana abanengi njengamadorobhakho, Juda.

UJOROMIYA 2:36

Kubayini ugwilike lula na? Uzakudaniswa yiGibhide njengombana udaniswe yi-Asiriya.

UJOROMIYA 3:1

“Joromiya kufuze uthi kibo, ‘Lokha indoda nayitlhala umkayo, bese uyayitjhiya, ende kenye indoda, kumele indoda leya ibuyele kuye godu na? Inarha ayizukusilaphala khulu ngalokho na? Wena ungwadle neenthandwa ezinengi. Alo, ufuna ukubuyela kimi ije unjalo na?’ ” Kutjho uSomnini.

UJOROMIYA 31:18

“Mbala, ngizwe u-Efrayimu azitlhuwela athi, ‘Ungibethile, ngamukela isibetho njengekunzana engakajayeli ukubotjhelwa. Yewungibuyise, ngizakubuya ngombana wena unguSomnini uZimami.

UJOROMIYA 31:32

Asizukufana nesivumelwano engasenza naboyise nangibabamba ngesandla kobana ngibakhuphe eGibhide ngombana bona bephula isivumelwano sami, lokha mina nangimphathabo.” Kutjho uSomnini.

UJOROMIYA 44:17

Ngambala sizokwenza koke lokho esithe sizokwenza: Sizokutjhisela indlovukazi yomkayi itjhwalo besiyinikele nomnikelo wokuselwako njengombana senza thina, abobaba, amakhosi wekhethu kanye neenduna zethu emizini yakwaJuda neendledlaneni zeJerusalema. Ngesikhatheso besinokugoma okunengi begodu besihlala kuhle, singazi ihlekelele.

UHEZEKIYELI 16:18

Wathatha nezambatho zamatjhilakho alukiweko wemibalabala wembesa iinthombezo bewabeka namafuthami we-oliva netjhwalo lami phambi kwazo.

UHEZEKIYELI 16:8

“ ‘Kwathi lokha nangidlula ngakuwe godu, ngakubona, qala, bewusesigabeni sokuqoma. Nje-ke ngathabululela ingutjanami phezu kwakho kobana ngigubuzese ubuze bakho. Iye, ngakunikela isifungo, ngenza isivumelwano nawe. Ngalokho waba ngowami.’ Kutjho uSomnini uSomandla.

UHEZEKIYELI 20:32

“ ‘Lokho okusemikhumbulweni yenu akusoze kwenzeka, okutjho umcabango wokuthi, nifuna ukufana nezizwe, nibe njengabantu bamaphasi, nilotjhe isigodo nelitje.

UHEZEKIYELI 23:12

Naye wakhanuka ama-Asiriya, ababusi neenkhulu okumadoda akwazi ukulwa begodu embatha kuhle, abakhweli beenjomani. Boke labo kumasokana aqalekako.

UHEZEKIYELI 23:22

Yeke wena Oholiba, nakhu okutjhiwo nguSomnini uSomandla: “Qala, sele ngizokuvuza iinthandani zakho kobana zijamelane nawe, iye, lezo owazifulathela ngokukghabhudlheka; ngizozibuyisa mahlangothi woke kobana zijamelane nawe:

UHEZEKIYELI 23:4

U-Ohola bekulibizo lendodakazi ekulu, udadwabo omlamako kungu-Oholiba. Bona-ke baba ngebami begodu babeletha amadodana namadodakazi. Amabizwabo atjho lokhu: u-Ohola yiSamariya, u-Oholiba yiJerusalema.

UDANYELA 4:17

Isigwebo lesi siliqunto leenthunywa; iye, umlayezo lo ubuya eendalweni zezulu ukuze woke ophilako azi bonyana ongoPhezulu unamandla phezu kwemibuso yababhubhako: Unikela ukubusa kinanyana ngubani amthandako; angabeka ngitjho nophasi phezu kwemibuso.’

UDANYELA 4:25

Ikosi izakuqotjhwa emphakathini, izakuhlala neembandana zommango. Ikosi izakwenziwa bonyana idle utjani njengekomo yehlelwe mbethe womkayi bekudlule iinkhathi ezilikhomba, bekube kulokha nawazi kobana ongoPhezulu unamandla phezu kwemibuso yababhubhako begodu uyinikele kinanyana ngubani amthandako.

UDANYELA 4:32

Uzokuqotjhwa emphakathini, indawakho yokuhlala izakuba hlangana neembandana zommango; uzakukateleleka ukudla utjani njengekomo bekudlule kuwe iinkhathi ezilikhomba ukufikela lapha uvuma khona bonyana ongoPhezulu unamandla phezu kwemibuso yababhubhako begodu uyinikela kinanyana ngubani amthandako.”

UDANYELA 5:21

Waqotjhwa emphakathini, umkhumbulwakhe waba njengowesilwana nendawakhe yokuhlala yaba hlangana nabodumbana bommango. Wadla utjani njengekomo, umzimbakhe waba manzi ngombethe womkayi, ukufikela lapha alemuka khona bonyana uZimu ongoPhezulu unamandla phezu kwemibuso yababhubhako begodu ubeka phezu kwayo nanyana ngubani amthandako.

UHOSIYA 1:2

Isingeniso samezwi akhulunywa nguSomnini ngoHosiya. USomnini wathi kuHosiya: “Khamba uyokuthatha umfazi oyingwadla nabantwana bokonakala ngombana inarha itjhiye mina Somnini yayokungwadla.”

UHOSIYA 13:6

Kwathi lokha nabafika emadlelweni, badla bebatatamala iziswanezi. Kuthe nasele zitatamele njalo, bazikhukhumeza; kungebangelo bangikhohlwa.

UHOSIYA 14:1

Buyela kuSomnini uZimakho, wena Israyeli ngombana izono zakho zikurarejile.

UHOSIYA 2:16

USomnini uthi: “Mhlokho uzangibiza uthi ‘babakwami’; ungasathi ‘Bhalami’.

UHOSIYA 5:13

Lokha u-Efrayimu nakezwa ukugula kwakhe, noJuda nakabona inceba lakhe, yeke u-Efrayimu waphendukela e-Asiriya, wabawa isizo ekosini ekulu. Kodwana abe ayinamandla wokunelapha, nokunipholisa emancebenenu.

UHOSIYA 5:15

Yeke ngizakubuyela endawenami ngilinde bebavume umlandwabo. Bazakufuna ubuso bami; esizini labo bazangifuna bebangifunisise.”