UHOSIYA 2:5 - IsiNdebele 2012 Translation

⁵ Unina wathuwelela ngobungwadla, wabamitha ngehlazo. Nje-ke umfazi lo wathi: ‘Ngizakulandela iinthandwa zami ezingipha ukudla kwami namanzami, zingembathise ngezoboya nelineni, zingiphe namagugwami’.

UHOSIYA 2:5 Iomraidhean Croise

U-ISAYA 1:21

Maye, idorobho ebelithembekile selibe yingwadla! Beligcwele ubulungiswa nokulunga bekungaphakathi kwalo, kodwana kwanjesi, ligcwele ababulali!

U-ISAYA 50:1

Nakhu okutjhiwo nguSomnini: “Iphi incwadi kanyoko yesahlukaniso engamthokoza ngayo na? Kunomuntu engimkolodako engikuthengise kuye na? Awa, qalani, nathengiswa ngebanga lamacalenu begodu nonyoko waqotjhwa ngebanga leemphambeko zenu.

UJOROMIYA 11:13

Nina bantu bakwaJuda ninabosingazimu abanengi njengamadorobhenu begodu nakhele usingazimu onyenyisako ama-aldari amanengi njengeendledlana zeJerusalema kobana nitjhisele uBhali loyo itjhwalo.’

UJOROMIYA 13:22

Ngambala uzazibuza uthi, ‘Kubayini ngehlelwe ngilokhu na?’ Kungebanga lezonokazi zakho kobana ugutjululwe iinthimba, uhlukunyezwe iinkhondo.

UJOROMIYA 2:20

“Wephula ijogi lakho kade, wadabula nemitja yakho, wathi, ‘Angizukulotjha!’ Ngambala komunye nomunye umbundu ophakamileko nangaphasi komunye nomunye umuthi ohlaza, walala lapho njengengwadla.

UJOROMIYA 6:8

Yelela wena Jerusalema, nakungasinjalo ngizakufulathela ngokukghabhudlheka, iye, nakungasinjalo ngizakwenza ube libhudu, indawo lapho kungahlalwa khona.”

UHEZEKIYELI 16:35

“ ‘Ngalokho wena ngwadla ndina, yizwa ilizwi lakaSomnini,

UHEZEKIYELI 16:39

Ngizokunikela ezandleni zabomakhwapheni bakho; bazokudiliza imibundu, batjhabalalise neendawo zakho eziphakamileko. Bazokuhlubulisa izambatho zakho, bathathe nobuphaziphazi bakho, bakutjhiye ubulanzi, iye, ubhunubhunu.

UHEZEKIYELI 16:4

Nakukubelethwa kwakho, mhlana uvelako, inongwakho beyingakasikwa namkha uhlanjwe ngamanzi kobana uhlanzeke namkha uhlikihlwe ngetswayi nanyana usongwe ngetjhila.

UHOSIYA 1:2

Isingeniso samezwi akhulunywa nguSomnini ngoHosiya. USomnini wathi kuHosiya: “Khamba uyokuthatha umfazi oyingwadla nabantwana bokonakala ngombana inarha itjhiye mina Somnini yayokungwadla.”

UHOSIYA 2:2

“Mangalelani unyoko, nimmangalele ngombana akasese mkami, nami angisese myenakhe! Ubangakameli ukuba namehlo amanengi nokuqoqoma.

UHOSIYA 2:8

Khonapho umfazi lo akhange avume bonyana ngimi omondla ngamabele, ngewayini nangamafutha we-oliva. Bengamtotosa ngemali enengi nangegolide (abalisebenzisa ukubumba isithombe sakaBhali).

UHOSIYA 3:1

USomnini wathi kimi: “Khamba godu, uthande umfazi ozwana nokonakala nonyariyako njengombana uSomnini athanda ama-Israyeli azwana namakhekhe anediribe nanyariya nabosingazimu.”

UHOSIYA 4:5

Wena mphristi, uzokuwa namhlanjesi nabaphorofidi bakho bazokuwa nawe ebusuku banamhlanje, nonyoko ngizombhubhisa.

UHOSIYA 8:9

ngombana ababusi bakhona bafuna isizo e-Asiriya. Kodwana u-Efrayimu ufana nodumbana ozulazula emmangweni afuna abangani.

UHOSIYA 9:10

USomnini uthi: “Ngathabela ukufunyana u-Israyeli njengomuntu ofunyana amadiribe erhalawumbeni. Mhla ngithoma ukubona aboyihlomkhulu ngaba njengomuntu othabela ukufunyana uporwana wokuthoma wefeyi emthini. Kodwana bona baya kuBhali wePeyori bafese bazinameka entweni edanisako leyo; banyenyeka njengentwabo abayithandako leyo.

U-AMOSI 8:13

“Mhlokho kuzakuphuma imidzidlha emihle neentsitsirimba zakhona, zigelagele bezitsirimezeke ngebanga lomrhawu.

ABAKHOKHELI 16:23

Ababusi beemfunda zamaFilista bahlangana ndawonye kobana benzele uDagoni usingazimabo umhlatjelo omkhulu begodu bajekezele ngombana bathi: “Uzimethu unikele uSamsoni isitha sethu esandleni sethu.”