UHOSIYA 2:4 - IsiNdebele 2012 Translation

⁴ Bengingazukuba nesirhawu ebantwaneni bakhe ngombana babantwana bokonakala.

UHOSIYA 2:4 Iomraidhean Croise

2 AMAKHOSI 9:22

Lokha uJehoramu nakabona uJehu wabuza wathi: “Uze ngokuthula na, Jehu?” UJehu waphendula wathi: “Kungaba njani nokuthula nangabe ubungwadla nobuloyi bakanyoko u-Izebeli busarhagele kangaka?”

U-ISAYA 27:11

Nasele iingala zakhona zomile, ziyephuka; abafazi bazitheze bayokubasa umlilo ngazo. Izakhamuzi zedorobheli azinangqondo, yeke owazidalako angeze azirhawukela, owazibumbako angeze aba nomusa kizo.

U-ISAYA 50:1

Nakhu okutjhiwo nguSomnini: “Iphi incwadi kanyoko yesahlukaniso engamthokoza ngayo na? Kunomuntu engimkolodako engikuthengise kuye na? Awa, qalani, nathengiswa ngebanga lamacalenu begodu nonyoko waqotjhwa ngebanga leemphambeko zenu.

U-ISAYA 57:3

Kodwana nina madodana wesanusi, nzalo yesihlobongi esingwadlako, tjhidelani lapha!

UJOROMIYA 13:14

Ngizabaphahlaza omunye phezu komunye, aboyise nabantwana ngokufanako. Angeze ngabancenekela, ngibaqale ngesisa namkha ngibarhawukele kobana ngingabatjhabalalisi.’ ”Kutjho uSomnini.

UJOROMIYA 16:5

Ngambala, nakhu okutjhiwo nguSomnini: “Ungangeni ngekumbeni yombuthano, ungayi ukuyokulila namkha uyokuzwelana nabo ngombana ngisusile ukuthula nokwethembeka kwami kanye nesirhawu sami ebantwinaba.” Kutjho uSomnini.

UHEZEKIYELI 23:25

Ngizakunqombisa isikhwele sami kuwe ukuze bakuphathe ngobudlova. Bazakuqunta ipumulo neendlebe zakho kuthi abaseleko bakho babulawe ngesabula. Bazakuthumba amadodana namadodakazakho, nalokho okuseleko kwakho kudliwe mlilo.

UHEZEKIYELI 8:18

Ngalokho, nami ngizokuphendula ngelaka. Amehlwami angeze ababalela begodu angeze ngaba nezwelo. Nanyana bangapongoloza ngesililo esikhulu phambi kwami, angekhe ngibalalele.”

UHEZEKIYELI 9:10

Nje-ke nakungimi, amehlwami angeze ababalela begodu angeze ngibe nezwelo, kodwana ngizobabetha ngeentonga zabo.”

UHOSIYA 1:2

Isingeniso samezwi akhulunywa nguSomnini ngoHosiya. USomnini wathi kuHosiya: “Khamba uyokuthatha umfazi oyingwadla nabantwana bokonakala ngombana inarha itjhiye mina Somnini yayokungwadla.”

UHOSIYA 1:6

UGomere wazithwala godu, wabeletha indodakazi. USomnini wathi kuHosiya: “Mthiye bona nguLo-Rurhama ngombana angeze ngisarhawukela indlu ka-Israyeli ngokuyithethelela.

UHOSIYA 5:7

Abathembeki phambi kwakaSomnini, babeletha amavezandlebe. Nje-ke, uSomnini uzobatjhabalalisa ngenyanga eyodwa nje; kuzabe kungasenalitho emasiminabo.

UZAKARIYA 1:12

Nje-ke isithunywa sakaSomnini sathi: “Somnini Mninimandlawoke, kuzabe kube nini usitheze isirhawu phezu kweJerusalema nemadorobheni wakwaJuda obegade ulokhu uwathukuthelele iminyaka ematjhumi alikhomba woke poro?”

UJWANISI 8:41

Nenza lokho ubaba wenu akwenzako.” Bamphendula bathi: “Asisibo abantwana bokonakala, sinoBaba oyedwa, nguZimu ngokwakhe.”

KWEBEROMA 11:22

Qalani-ke ukulunga nobukhali bakaZimu: ubukhali bukilabo abawileko, kodwana umusa ukuwe kwaphela nawuragela phambili ngokuphila ekulungeni kwakhe; nakungasinjalo nawe uzakuquntwa.

KWEBEROMA 9:18

Yeke urhawukela afuna ukumrhawukela, enze bukhuni afuna ukumenza bukhuni.

UJAKOPO 2:13

ngombana ukugweba akunasirhawu kiloyo ongazange abonise isirhawu, nokho isirhawu siyahlula phezu kwesigwebo.