UHOSIYA 2:13 - IsiNdebele 2012 Translation

¹³ Ngizamhlawulisela amalanga agade atjhisela ngawo aboBhali itjhwalo: Amalanga azimomonda ngawo ngobuphaziphazi, walandelana neenthandwa zakhe. Kodwana mina wangikhohlwa.” Kutjho uSomnini.

UHOSIYA 2:13 Iomraidhean Croise

2 AMAKHOSI 1:2

U-Arhaziya warhohlomela efesidereni-mluko lelawu elingaphezulu lesigodlo sakhe eSamariya, wamadlheka phasi, wazilimaza. Yeke wathumela iinthunywa wathi kizo: “Khambani niyokuthukula kuBhali-Zebhubi, uzinyana we-Ekroni nizwe bona ngizokuphola ekulimalenokhu na?”

2 AMAKHOSI 10:28

UJehu waphelisa bunjalo-ke ukulotjhwa kwakaBhali kwa-Israyeli.

2 AMAKHOSI 21:3

Wabuye wakha iindunduma uyise uHezekhiya agade azibhuruzile; wakhela uBhali ama-aldari, wenza nomfanekiso waka-Atjhera njengombana u-Arhabi ikosi yakwa-Israyeli gade enzile. Wakhothamela zoke iinkwekwezi zomkayi, wazilotjha.

UJOBHO 8:13

Zinjalo iindlela zaloyo okhohlwa uZimu, irhuluphelo yonganaZimu iyatjhabalala.

AMARHUBO 106:13

Kodwana baba masinya ekukhohlweni imisebenzakhe; akhange baqalelele iseluleko sakhe.

AMARHUBO 106:21

Bakhohlwa uZimu omsindisabo owenza izinto ezikulu eGibhide,

AMARHUBO 78:11

Iye, bakhohlwa lokho akwenzileko neemangaliso ababonisa zona.

U-EKSODUSI 32:34

Gadesi-ke khamba uyokhokhela abantu ubase endaweni engikutjele ngayo. Qala, ingilozami izakhamba phambi kwakho. Kuzakuba nesikhathi lapha ngizabahlunguphaza khona ngezono zabo.”

U-ISAYA 17:10

ngombana nina bafazi nikhohlwe uZimu wesindiswenu, azange nikhumbule idwala lobuphephelo benu. Ngalokho-ke nanyana nitjala iintjalo ezikhethekileko nihlomelele uzinyana wezizwe ezitjhili iingojwana,

U-ISAYA 65:7

izono zenu nezaboyihlo ndawonye.” Watjho njalo-ke uSomnini. “Godu aboyihlo batjhisa imihlabelo eentabeni, bangiphoqa emibundwini. Ngalokho ngalinganisa ikokhelo ezeleko yezenzo zabo ezandleni zabo.”

UJOROMIYA 11:13

Nina bantu bakwaJuda ninabosingazimu abanengi njengamadorobhenu begodu nakhele usingazimu onyenyisako ama-aldari amanengi njengeendledlana zeJerusalema kobana nitjhisele uBhali loyo itjhwalo.’

UJOROMIYA 18:15

Kodwana nakubabantu bami bona, bangikhohliwe, batjhisela izinto ezinganabubhadekelo itjhwalo, okuzizinto ezibenza bawe eendleleni zabo, iye, eendleleni zekadeni. Zibenza bakhambe ngeendlela eziqamulako, emizileni engakakhiwa.

UJOROMIYA 2:32

Intombi vane kheyikhohlwe ubuphaziphazi bayo nomlobokazi ivunulwakhe yomtjhado na? Kodwana napa abantu bami bangikhohliwe, bekwaba malanga angabalekiko.

UJOROMIYA 23:2

Ngalokho nakhu okutjhiwo nguSomnini, uZimu wakwa-Israyeli ngabelusi abelusa abantu bami: “Nina enihlakaze izimvu zami benaziqotjha, nangazitjheja, qalani, sele ngizonihlunguphaza mayelana nobumbi enibenzileko.” Kutjho uSomnini.

UJOROMIYA 7:34

Ngizakuphelisa itjhada lokujabula nokuthaba, nephimbo lomlobokazi nomkhwenyana emadorobheni wakwaJuda neendledlaneni zeJerusalema ngombana inarha izabe inganamuntu.”

UJOROMIYA 7:9

“Nicabanga bona nizakweba benibulale, nihlobonge benifunge ngekohliso, nitjhisele uBhali itjhwalo benidlhemadlheme ngemva kwabosingazimu ebeningabazi erhalawumbeni

ISILILO 1:4

Iindlela eziya eZiyoni ziyalila ngombana akakho oza eminyanyeni; woke amasangwalo akanabantu, abaphristi balo bayaquma, amatlawanalo ayabubula, nalo linobumunyu.

ISILILO 5:14

Abaphathi basukile ebandla, amasokana akasalilisi iinara.

UHEZEKIYELI 16:12

Ngakufaka incina epumulweni, amancina eendlebeni nesihlohlo esihle ehloko.

UHEZEKIYELI 16:17

Wabuya godu wathatha nobuphaziphazi begolide nesiliva lami engakunikela khona, wazenzela iinthombe zemifanekiso yabantu, wazilotjha.

UHEZEKIYELI 22:12

Ngaphakathi kwakho abantu bamukela ukufunjathiswa ukuze bathulule iingazi. Wena uzithathele inzuzo nenzalo bese uzenzela umvuzo ngokugandelela abantu bekhenu. Kodwana mina ungikhohliwe.’ ” Kutjho uSomnini uSomandla.

UHEZEKIYELI 23:35

Nje-ke, nakhu okutjhiwo nguSomnini uSomandla: “Njengombana ungikhohliwe bewangifulathela, wena uzakuthwala umphumela wokuzipatha kwakho ngameswe newobungwadla bakho.”

UHOSIYA 11:2

Kodwana lokha aboBhali nabababizako bangifulathela, benzela aboBhali imihlabelo, batjhisela neenthombe ezibaziweko itjhwalo.

UHOSIYA 13:1

Bekuthi lokha u-Efrayimu nakhulumako amadoda atatazele; gade ahlonitjhwa tle kwa-Israyeli. Wazenzela umlandu ngokulotjha uBhali, wafa.

UHOSIYA 13:6

Kwathi lokha nabafika emadlelweni, badla bebatatamala iziswanezi. Kuthe nasele zitatamele njalo, bazikhukhumeza; kungebangelo bangikhohlwa.

UHOSIYA 2:5

Unina wathuwelela ngobungwadla, wabamitha ngehlazo. Nje-ke umfazi lo wathi: ‘Ngizakulandela iinthandwa zami ezingipha ukudla kwami namanzami, zingembathise ngezoboya nelineni, zingiphe namagugwami’.

UHOSIYA 2:7

Iinthandwa zakhe azilandelelako zingameyami, azifune angazifunyani. Khona-ke uzakuqaquluka athi: ‘Awa-yeke, angibuyele kusobentwana ngombana bekangiphethe kuhle.’

UHOSIYA 4:13

benza umhlabelo esiqongolweni seentaba, batjhise itjhwalo emibundwini ngaphasi kwemithi emikhulu, lapha kunomthunzi omnandi khona. Ngebanga lezenzo zabezo, amadodakazenu azinikelele ngobungwadla nabomalukazana benu bayahlobonga.

UHOSIYA 4:6

Abantu bami bayabhubha ngokutlhoga ilwazi. Ngebanga lokobana wale ilwazi, nami ngiyakulandula awusimphristami; ngebanga lokobana unina umthetho kaZimu, nami ngizokunina abantwabakho.”

UHOSIYA 8:14

U-Israyeli ukhohlwe uMdalakhe, wazakhela iingodlo. UJuda ubiyele amadorobho amanengi. Kodwana uSomnini uzokuthumela umlilo emadorobhenabo bese urhayila iingodlo zabo.

UHOSIYA 9:7

Amalanga wokuhlunguphazwa afikile; amalanga wokulungisa afikile! U-Israyeli uzazizwela. Nithi: “Umphorofidi udlhayele, umuntu kaZimu uyarhapha!” Vele unjalo, wenziwa zizonokazi zenu ezinengezi, nobutha benu obesabekako!

U-AMOSI 8:10

Ngizaphendula imigidi yenu yekolo ibe sizilo nokubhina kwenu koke kube sililo. Ngizanembathisa iinzilo noke nje nirhune iinhloko zenu. Isikhatheso ngizasenza kube ngathi ngesokulilela indodana ebelethwe iyodwa ngakwabo, bese ukuphela kwalo kube munyu.”

UDUTERONOMI 32:18

Ngitjho neDwala elakubelethako walikhohlwa, walibala uZimu owezwa ubuhlungu ngawe.

UDUTERONOMI 6:12

yelelani bona ningakhohlwa uSomnini owanikhupha enarheni yeGibhide, ekumbeni yobukhoboka.

ABAKHOKHELI 10:6

Ama-Israyeli godu enza ubumbi phambi kwakaSomnini. Alotjha aboBhali nabo-Atjhitarothi, abosingazimu be-Aramu, beTsidoni nebeMowabi kanye nabosingazimu bama-Amoni nebamaFilista. Afulathela uSomnini, azange amlotjhe.

ABAKHOKHELI 3:7

Ama-Israyeli enza ubumbi phambi kwakaSomnini, akhohlwa uSomnini uZimawo, alotjha aboBhali nabo-Atjhera.

1 USAMYELA 12:9

Kodwana bakhohlwa uSomnini uZimabo, yeke wabanikela esandleni sakaSisera, induna yebutho lakaRhatsoro, nezandleni zamaFilista nekosini yakwaMowabi eyalwa nabo.