UHOSIYA 14:2 - IsiNdebele 2012 Translation

² Buyelani kuSomnini, nivume izono zenu nithi: “Somnini, silibalela zoke izono zethu, wamukele ukuvuma kwethu. Sithanda ukunikela ngeenthelo zomlomethu.

UHOSIYA 14:2 Iomraidhean Croise

2 USAMYELA 12:13

UDavida wathi kuNathani: “Ngonile kuSomninini.” UNathani wathi: “USomnini usihlangulile isigwebo sakho sokufa.

2 USAMYELA 24:10

Ngemva kwalokho uDavida wathoma ukuzisola ehliziyweni ngokubala kwakhe amadoda wepi, wathi kuSomnini: “Maye mina, ngonile ngesenzo samesi. Ngiyabawa Somnini, libalela umlandu wencekwakho. Ubudlhadlha abelatjhwa.”

UJOBHO 7:21

Alo, kubayini ungacoleli isiphambeko sami, ususe isono sami na? Qala, sele ngizaziyela kwamhlaba, uzangifuna kodwana ngizabe ngingasekho.”

AMARHUBO 119:108

Somnini, yamukela iminikelo yesihle yomlomami, ungifundise imithethwakho.

AMARHUBO 50:14

Yenzani ukuthokoza kwenu kube mhlabelo kuZimu, niphethe iinthembiso zenu kongoPhezulu.

AMARHUBO 51:16

Zimu, ngephule ecaleni leengazi, iye, wena Zimu wesindiswami, khona ilimu lami lizakukhalela ngokulunga kwakho.

AMARHUBO 51:17

Somandla, vula iimbhena zami ukuze umlomami umemezele idumo lakho.

U-ISAYA 44:22

Iimphambeko zakho ngizithanyele njengelifu nezono zakho njengekungu. Buyela kimi ngombana ngikuhlengile.”

U-ISAYA 6:7

Lafese lathinta umlomami ngelahlelo lathi: “Qala, njengombana lokhu sekuthinte iimbhena zakho, umlandwakho sewususiwe nezono zakho sezithethelelwe.”

UJOROMIYA 3:12

Nje-ke, khamba ufese umemezele umlayezo lo ngehlangothini langetlhagwini ngokuthi, “ ‘USomnini uthi: Yewubuye wena Israyeli oqoqomako! Iye, uSomnini uthi: Angeze bengisakubuthela iinhlonze ngombana ngithembekile. Mbala, uSomnini uthi: Angeze ngathukuthela mlibe.

UHOSIYA 12:7

U-Efrayimu unjengomthengisi osebenzisa isilinganiso samanga, uthanda tle ukudlelezela.

UHOSIYA 5:5

Ukuzikhukhumeza kuka-Israyeli kujamelene naye. Ama-Israyeli ngitjho no-Efrayimu bararejwa zizono zabo; uJuda unyandanye nabo:

UHOSIYA 6:6

ngombana ngilulukela ukwethembeka, ingasi umhlabelo; nokwazi ngoZimu kuneminikelo yokutjhiswa.”

UJUWELI 2:17

Abaphristi abalotjha phambi kwakaSomnini, abalile hlangana namathuri wethempeli ne-aldari, bathi: “Hawu Somnini! Rhawukela abantu bakho. Ungavumi bona ilifa lakho lirhubutjhwe libe sisiga hlangana nezizwe. Kubayini abantu bebathi ezizweni: ‘Njekhona uphi uZimabo loyo?’ ”

UJONA 2:9

Kodwana mina ngizokuletha umhlatjelo kuwe, ngikubabaze ngesihlabelelo sokudumisa. Engikufungeleko ngizakuphumelelisa, isindiso ivela kuSomnini.”

UZAKARIYA 3:4

Isithunywa sathi eengilozini ezijame phambi kwaso: “Mhlubuliseni iindwedwekazi azembethekwezi.” Sase sithi kuJotjhuwa: “Qala, ngisuse isono sakho, nje-ke ngizakwembathisa izambatho zakanokutjho.”

UMATEWU 7:11

Nakube-ke nina, ngitjho nanyana nikhohlakele kangaka nje, nikwazi ukupha abantwabenu izipho ezihle, kangangani-ke uYihlo osezulwini! Uzabapha izipho ezihle khulu labo abambawako.

ULUKASI 11:13

Nakube nina-ke, ngitjho nanyana nibambi kangaka nje, niyakwazi ukupha abantwana benu izipho ezihle, kangangani-ke uYihlo osezulwini, uzakuphana ngoMoya oCwengileko kilabo abamkhombelako.”

ULUKASI 18:13

“Kodwana umthelisi wajamela kudanyana. Wahlulwa ngitjho nakuqala ezulwini, kodwana wabetha isandla phezu kwesinye wathi, ‘Zimu, ngirhawukele, mina soni!’ ”

UJWANISI 1:29

Ngomuso uJwanisi wabona uJesu asiza kuye, wathi: “Qalani nasiya iMvana kaZimu, esusa isono sephasi!

KWEBEROMA 11:27

Lesi-ke sivumelwano sami nabo, lokha nangisusa izono zabo.”

2 UTHIMOTHI 1:9

owasisindisa bewasibiza ngebizo elicwengileko, kungasi ngemisebenzi yethu kodwana ukuya ngokwehloso nomusa wakhe. Umusa lo sanikelwa wona ngoKrestu zingakabi ukuba khona iinkhathi,

UTITOSI 2:14

owazinikela ngebanga lethu ukuze asihlenge ekukhohlakaleni koke, azihlambululele abantu bakhe abatjhisekela imisebenzi emihle.

AMAHEBHERU 10:4

ngombana akwenzeki bona iingazi zeenkunzi nezeembuzi zisuse izono.

AMAHEBHERU 13:15

Nje-ke ngaye, asinikeleni umhlabelo wokudumisa kuZimu, okutjho iinthelo zeembhena ezivuma ibizo lakaJesu.

1 UPITROSI 2:5

nani-ke njengamatje aphilako, nakhelwe endlini yokommoya kobana nibe buphristi obucwengileko, ninikele imihlabelo yokommoya eyamukelekako kuZimu ngoJesu Krestu.

1 UPITROSI 2:9

Kodwana nina nisisizwe esikhethiweko, ubuphristi bobukhosi, isizwe esicwengileko, abantu ekungebakaZimu kobana nitjhumayele imisebenzi yamandla yaloyo owanibiza bona niphume ebumnyameni nize ekukhanyeni kwakhe okukarisako.

1 UJWANISI 1:7

Kodwana nangabe sikhamba ekukhanyeni njengombana naye asekukhanyeni, sinobudlelwano omunye nomunye neengazi zakaJesu iNdodanakhe zisihlanza ezonweni zoke.

1 UJWANISI 3:5

Niyazi bona wabonakaliswa kobana azokuhlangula izono begodu kuye akukho sono.