UHOSIYA 13:6 - IsiNdebele 2012 Translation

⁶ Kwathi lokha nabafika emadlelweni, badla bebatatamala iziswanezi. Kuthe nasele zitatamele njalo, bazikhukhumeza; kungebangelo bangikhohlwa.

UHOSIYA 13:6 Iomraidhean Croise

UNERHEMIYA 9:35

Babe nombuswabo owabanikela wona ngokulunga kwakho okukhulu, kodwana azange bakulotjha enarheni ebanzi nenothileko leyo owayendlala phambi kwabo. Azange baphenduke emisebenzinabo yobukhohlakali.

AMARHUBO 10:4

Isikhohlakali siyazitjhaya, asinandaba noSomnini; woke amahlelwaso akanaZimu.

IZAGA 30:9

Nangingasutha khulu ngizakukhohlwa ngithi: “Konje phana ngubani uSomnini loyo?” Nangingaswela ngizakweba, ngokwenza njalo, ngihlambalaze ibizo lakaZimami.

U-ISAYA 17:10

ngombana nina bafazi nikhohlwe uZimu wesindiswenu, azange nikhumbule idwala lobuphephelo benu. Ngalokho-ke nanyana nitjala iintjalo ezikhethekileko nihlomelele uzinyana wezizwe ezitjhili iingojwana,

UJOROMIYA 5:7

USomnini uthi: “Kubayini ngifanele ngikucolele, wena Juda? Abantwabakho bangilahlile, bafunga ngozinyana ongekho. Nasele ngibondlile, bahlobonga; bazidlhunya ngekumbeni yesitjhatjha.

UHEZEKIYELI 23:35

Nje-ke, nakhu okutjhiwo nguSomnini uSomandla: “Njengombana ungikhohliwe bewangifulathela, wena uzakuthwala umphumela wokuzipatha kwakho ngameswe newobungwadla bakho.”

UHEZEKIYELI 28:5

Ngokuhlakanipha kwakho okudluleleko, iye, ngekghono lakho lokurhweba wengezelele umnothwakho! Mbala, umkhumbulwakho uyazikhakhazisa ngebanga lomnothwakho.’

UHOSIYA 10:1

U-Israyeli ube sidiribe esimrarela; isithelo sakhe sanda. Isithelo sakhe nasilokhu sanda, wakha ama-aldari amanengi. Inarhakhe nayilokhu iphumelela, wakghabisa amatjakhe akhethekileko.

UHOSIYA 12:8

Kodwana u-Efrayimu uzibetha isifuba uthi: “Nginjinge tle; umnotho lo, ngizifunyanele wona mina. Ngomnothwami ongaka lo, abe akunamuntu ongafunyana isiphosiso esingako inga sisono.”

UHOSIYA 2:13

Ngizamhlawulisela amalanga agade atjhisela ngawo aboBhali itjhwalo: Amalanga azimomonda ngawo ngobuphaziphazi, walandelana neenthandwa zakhe. Kodwana mina wangikhohlwa.” Kutjho uSomnini.

UHOSIYA 2:7

Iinthandwa zakhe azilandelelako zingameyami, azifune angazifunyani. Khona-ke uzakuqaquluka athi: ‘Awa-yeke, angibuyele kusobentwana ngombana bekangiphethe kuhle.’

UHOSIYA 4:6

Abantu bami bayabhubha ngokutlhoga ilwazi. Ngebanga lokobana wale ilwazi, nami ngiyakulandula awusimphristami; ngebanga lokobana unina umthetho kaZimu, nami ngizokunina abantwabakho.”

UHOSIYA 4:7

“Ngokwanda kwabaphristi, kunjalo nokwanda kokona kwabo kimi. Ngizakuphendula ukuhlonitjhwa kwabo kube kurhubutjhwa.

UHOSIYA 5:14

Ngambala mina nginjengengwenyama ku-Efrayimu, nginjengengwenyama enamandla endlini kaJuda. Mina ngiyarathurathula bengikhambe; ngidudula kutlhogeke nomenyeli.

UHOSIYA 7:14

Akhange balile kimi ngeenhliziyo zabo, kodwana barhahlawula isililo basemibhedenabo. Bazirhaya ngebanga lekoroyi newayini.

UHOSIYA 8:14

U-Israyeli ukhohlwe uMdalakhe, wazakhela iingodlo. UJuda ubiyele amadorobho amanengi. Kodwana uSomnini uzokuthumela umlilo emadorobhenabo bese urhayila iingodlo zabo.

UHOSIYA 8:4

Bazibekela amakhosi ngingakatjho, bazikhethela ababusi ngaphandle kwemvumo yami. Bazenzela iinthombe ngesiliva nangegolide labo, kube kubhujiswa kwalo!

UDUTERONOMI 32:18

Ngitjho neDwala elakubelethako walikhohlwa, walibala uZimu owezwa ubuhlungu ngawe.