UHOSIYA 12:8 - IsiNdebele 2012 Translation

⁸ Kodwana u-Efrayimu uzibetha isifuba uthi: “Nginjinge tle; umnotho lo, ngizifunyanele wona mina. Ngomnothwami ongaka lo, abe akunamuntu ongafunyana isiphosiso esingako inga sisono.”

UHOSIYA 12:8 Iomraidhean Croise

AMARHUBO 49:6

Alo, kubayini kufuze ngesabe ngesikhathi esimbi, lokha ubukhohlakali babakhohlisi nabungizombileko,

AMARHUBO 52:7

Kodwana uZimu ngokwakhe uzakuphohloza mlibe. Uzakususa akuse kude, akudzwebule etendeni lakho, akusiphule enarheni yabaphilako.

AMARHUBO 62:10

Abantukazana bamumoya nje, abantu abaziinkhulu bayikohliso; esilinganisweni bayakhuphuka, boke balula kunommoya.

IZAGA 11:1

Isilinganiso samanga sisinyenyiso kuSomnini, kodwana ujabulela amatje afaneleko wokulinganisa.

IZAGA 30:12

Kunalabo abazibona bamsulwa, kodwana babe bangakahlambuluki ekungcoleni kwabo.

IZAGA 30:20

Nasi indlela yesihlobongi: Siyagoma bese sizisula umlomo, sithi: “Akunanto embi engiyenzileko.”

UJOROMIYA 2:23

“Ungatjho njani uthi, ‘Awa, mina angikasilaphali! Akhange ngidlhemadlheme ngemva kwaboBhali’? Qala bona bewuziphethe njani emrhobeni, cabangisisa ngokwenzileko. Ufana nekamela esikazi eyehla yenyuka;

UJOROMIYA 2:35

Nokho uthi, ‘Awa, mina anginamlandu, itukuthelo kaZimu ikude nami.’ Qala-ke, ngizakugweba ngombana uthi, ‘Mina anginasono.’ ”

UJOROMIYA 5:27

Njengesiqwebu esigcwele iinyoni, zinjalo neenkumba zazo zigcwele ipahla yekohliso. Ngebangelo ziphenduke iinkhulu neenjinga.

UHEZEKIYELI 28:5

Ngokuhlakanipha kwakho okudluleleko, iye, ngekghono lakho lokurhweba wengezelele umnothwakho! Mbala, umkhumbulwakho uyazikhakhazisa ngebanga lomnothwakho.’

UHOSIYA 13:6

Kwathi lokha nabafika emadlelweni, badla bebatatamala iziswanezi. Kuthe nasele zitatamele njalo, bazikhukhumeza; kungebangelo bangikhohlwa.

UHOSIYA 14:1

Buyela kuSomnini uZimakho, wena Israyeli ngombana izono zakho zikurarejile.

UHOSIYA 4:8

Bazondla ngezono zabantu bami, bathokoziswa kukonakala kwabo.

U-AMOSI 8:5

nibe nisithi: “Kazi umnyanya ocwengileko wokuthwasa kwenyanga lowo uyokudlula nini, ukuze sikghone ukuthengisa amabele! ISabatha lona liyokuphela nini? Sele sifuna ukuthengisa ikoroyi thina!” Nitjho njalo kwabe ninciphisa iinlinganiso, nikhuphula amanani benidlelezele ngokusebenzisa iinlinganiso ngokukhohlakeleko.

URHABAKHUKHU 1:16

Enzela isirhurhulanede sawo umhlatjelo, atjhisela nesirhobelanede sawo itjhwalo. Yeke, ngeenede zawezo abetha esimonyongwana, agoma iinkhanakhana zokudla.

UZAKARIYA 11:5

Abathengi bazo bazihlaba bebangazizwela umlandu. Labo abazithengisako bathi, ‘Akathokozwe uSomnini, uthi nginjingile na!’ Nabelusi bazo abe abanasirhawu nazo.

UMALAKI 2:17

Nidine uSomnini ngeenkulumo zenu, kodwana niyabuza nithi: “Simdine ngaliphi uSomnini?” Ngelithi: “Boke abenza ameswe balungile kuSomnini begodu uyabathabela. Nange kungasi njalo, uphi-ke uZimu wokulunga?”

UMALAKI 3:13

USomnini uthi: “Ningihlabe ngamagama, kodwana niyabuza nithi, ‘Sikhulume ngawe sathini?’

ULUKASI 10:29

Kodwana safuna ukuzibeka ngebuhleni sathi kuJesu: “Alo, ngubani umakhelwanami na?”

ULUKASI 12:19

Alo-ke ngizakuthi emphefumulwenami: Mphefumulo, unepahla enengi engathatha iminyaka. Zigedle, ugome bewusele uthokoze!’

ULUKASI 16:13

“Akunakhoboka elingakhonza emakhosini amabili. Nakungasinjalo, lizokuzonda enye, lithande enye namkha lizinikele kenye, linyaze enye. Angekhe nalotjha uZimu nemali ngasikhathi sinye.”

ULUKASI 16:15

UJesu wathi kibo: “Nina nizenza abalungileko phambi kwamehlo wabantu, kodwana uZimu wazi iinhliziyo zenu. Lokho abantu abakuthathela phezulu, kusinyenyiso phambi kwakaZimu.

UDUTERONOMI 8:17

Ningathi eenhliziyweni zenu: “Umnono ongaka lo, kazi mjuluko wamandla nezandla zethu.”

1 UTHIMOTHI 6:17

Bayale abanothileko esikhathini sanamhlanje bonyana bangazikhukhumezi namkha bathembele emnothweni ophelako, kodwana kuZimu osinjingisa ngakho koke bona sithokoze ngakho.

1 UTHIMOTHI 6:5

iye, ubanga ukulwa phakathi kwalabo abanemikhumbulo eyonakeleko nabalahlekelwe liqiniso, abadlumbana bona ukulotjha uZimu kuyindlela yokuzuza umnotho.

ISAMBULO 3:17

Wena uthi, ‘Nginjingile, ngizibulungele umnotho, nje-ke angisweli litho.’ Awuziboni bonyana nguwe osidwedwe, wokurhawukelwa, ochakileko, ongaboniko nohlubule.