Biblia Todo Logo
Bìoball air-loidhne

- Sanasan -




UHOSIYA 12:7 - IsiNdebele 2012 Translation

7 U-Efrayimu unjengomthengisi osebenzisa isilinganiso samanga, uthanda tle ukudlelezela.

Faic an caibideil Dèan lethbhreac




UHOSIYA 12:7
28 Iomraidhean Croise  

“Mina ngiqale isindiswakho Somnini.


Isilinganiso samanga sisinyenyiso kuSomnini, kodwana ujabulela amatje afaneleko wokulinganisa.


Isilinganiso namatje wokulinganisa afaneleko abuya kuSomnini; iye, woke amatje wokulinganisa angemgodleni ngewakhe.


Abantu bazakugandelelana: umuntu ajamelane nomuntu, iye, umuntu ajamelane nomnganakhe. Ilutjha lizakuvukela abadala, abangazisiko bavukele abahlonitjhwa.


Nakhu okutjhiwo nguSomnini: “Gcinani ukulunga nenze okufaneleko ngombana isindiswami seyitjhidele nehlalohle yami sele izokwembulwa.


uthi, ‘Nakhu okutjhiwo nguSomnini uSomandla eJerusalema: Indabuko nekaba yakho gade isenarheni yeKanana; uyihlo bekangumAmori nonyoko angumRhithi.


Abantu benarha bazileme ngokugandelela nangokudlelezela. Bagandelele abachakileko nabadududu begodu baphatha kumbi iinkhonzi ngokungemthetho.


Ngokuhlakanipha kwakho okudluleleko, iye, ngekghono lakho lokurhweba wengezelele umnothwakho! Mbala, umkhumbulwakho uyazikhakhazisa ngebanga lomnothwakho.’


Buyelani kuSomnini, nivume izono zenu nithi: “Somnini, silibalela zoke izono zethu, wamukele ukuvuma kwethu. Sithanda ukunikela ngeenthelo zomlomethu.


USomnini uthi: “Nanjesi buyelani kimi ngehliziywenu yoke, ngokuzila nokulila nokubibitheka.”


Babhudabhuda iinhloko zabatlhagileko ebhudwini; bagandelela ababuthakathaka. Umuntu noyise balalana nomntazana munye basilaphaza ibizo lami elicwengileko.


Memezelani esigodlweni se-Atjhidodi nesigodlweni seGibhide nithi: “Buthanani nihlangane eentabeni zeSamariya; nibone ukutjharagana okulapho nangendlela kunegandelelo ngakhona ebantwini.”


Lalelani lapha nina bafazi beSamariya, ngokunonakazi inga niziinkomo zeBhatjhani, nina enigandelela abantu abakhwahlileko benitshidlhe nabadududu, nithi emadodenenu “Thelani sisele!”


Kungebangelo nigandelela okhwahlileko benimkatelele bona aniphe amabele. Nakhe abobhazabhazakazi beenkumba zamatje nje, kodwana anizozihlala; nitjele iindiribe, kodwana anizolisela iwayini lakhonelo.


Bazazizwa labo abatlama ikohlakalo ebusuku, iye, abogalajanaba! Kuthi ekuseni bayenze ngombana kusemandlenabo.


Kunjalo-ke ukufunana nomuntu olungileko enarheni nomuntu kaZimu phakathi kwabantu. Boke baqothele ukuphalaza iingazi, omunye nomunye uzumana nendlela yokugolana nomfowabo ngenede.


Yoke imbiza eseJerusalema nekwaJuda izakucwenga phambi kwakaSomnini uMninimandlawoke, boke abazokwenza umhlabelo bazakuthatha ezinye zeembizezo bapheke ngazo. Mhlokho angeze kusaba nomthengisi endlini kaSomnini uMninimandlawoke.


Sathi kimi: “Umfazi lo, ukukhohlakala.” Samgondela ngesilulwini besasibekela ngesisibekelo somthofi.


“Ngizakubandamela kini-ke bona ngigwebe. Ngizakuba msinyana ekufakazeni ngokujamelana nezanusi, iinhlobongi, nabafunga amanga, godu ngokujamelana nabadlelezela iinsebenzi imirholwazo, abagandelela abahlolokazi neentandani, bamuka neenkhonzi amalungelwazo, kodwana bangangesabi mina.” Kutjho uSomnini uSomandla.


Watjela labo abathengisa amazuba wathi: “Asuseni lapha! Lisani ukwenza ikumba kaBaba indawo yokuthengisela!”


Qalani, umvuzo weensebenzi ezisebenza emasiminenu eniwugodle ngobukhwebetjhana uyalila; begodu ukulila kwabavuni kufikile eendlebeni zakaSomnini uMinimandlawoke.


Nakhu lapha ngikhona namhlanjesi, vezani ubumbi bami phambi kwakaSomnini naphambi kozesiweko wakhe. Ngakhe ngathatha ikomo kabani na? Ngakhe ngathatha udumbana kabani? Ngubani phakathi kwenu engakhe ngamgalaja na? Ngubani engakhe ngamgandelela? Ngubani owakhe wangifumbathisa kobana ngicimeze na? Nange kukhona enye yezinto kilezi engizitjhwileko engiyenzileko, ngizayilungisa.”


Lean sinn:

Sanasan


Sanasan