UHOSIYA 12:6 - IsiNdebele 2012 Translation

⁶ Awa Israyeli, kuzakufanela bonyana ubuyele kuZimakho: Thembeka ubulunge imiyalwakhe; uthembele kuZimakho ngeenkhathi zoke.

UHOSIYA 12:6 Iomraidhean Croise

UGENESISI 49:18

“Mina ngiqale isindiswakho Somnini.

AMARHUBO 123:2

Iye, njengamehlo weenceku aqalelele esandleni sekosazo nanjengamehlo wencekukazi aqalelele esandleni sekosikazi, ngokunjalo amehlwethu aqalelele uSomnini uZimethu, kufikela lapha asirhawukela khona.

AMARHUBO 27:14

Qalelela uSomnini, uqine, ihliziywakho ibe nesibindi; iye, qalelela uSomnini.

AMARHUBO 37:7

Thula phambi kwakaSomnini, uqalelele kuye; ungathakasi ngophumelelako endlelenakhe, iye, ngomuntu owenza okuphambeneko.

U-EKSODUSI 3:15

UZimu godu wathi kuMosi: “Yithi kuma-Israyeli, ‘USomnini uZimu waboyihlomkhulu, uZimu ka-Abrahamu, u-Isaka noJakopo ungithume kini.’ Lelo libizo lami lanini nanini, okulibizo engizakuduma ngalo iinzukulwana ngeenzukulwana.

IZAGA 1:23

Nangathana khenalalela ukukhalima kwami, bengizokuthululela ummoya wokuhlakanipha kini, nginazise amezwami.

IZAGA 21:3

Ukwenza okuhle nokulungileko, kwamukeleke khulu kuSomnini ukudlula imihlabelo.

U-ISAYA 1:16

Hlambani, nizihlambulule! Susani izenzo zenu ezimbi phambi kwamehlwami! Lisani okumbi!

U-ISAYA 30:18

Nokho uSomnini ulindele ukuba nomusa kini, yeke, uzakuphakama ube nesisa kini, ngombana uSomnini unguZimu wokulunga. Babusisiwe boke abaqalelela kuye.

U-ISAYA 31:6

Bantu bakwa-Israyeli, buyelani kiloyo abantu abangazange bamthembakalele.

U-ISAYA 40:31

kodwana labo abaqalelela kuSomnini bazakufumana amandla amatjha. Bazakukhuphuka ngamaphiko njengamakhozi; bagijime bangapheli amandla, bakhambe bangadinwa.

U-ISAYA 58:6

Nakhu ukuzila ukudla engikukhethileko: Kunyefisa amakhamandela wobukhohlakali, ukuqhusula imitja yejogi, ukutjhaphulula abagandelelweko nokuqoba woke amajogi.

U-ISAYA 8:17

Ngizakulindela uSomnini ositheza ubuso bakhe endlini kaJakopo. Ngizakwethembela kuye.

UJOROMIYA 22:15

“Kukwenza ube yikosi ukutjhisakalela iingodo zemisedari na? Uyihlo waneliswa kukudla nokuselwako, wenza okufaneleko nokulungileko. Nje-ke, koke kwamkhambela kuhle.

UHEZEKIYELI 18:30

“Ngalokho ngizonigweba nina ndlu yakwa-Israyeli, omunye nomunye ngokweendlela zakhe.” Kutjho uSomnini uSomandla. “Phendukani nifulathele zoke iimphambeko zenu; nakungasinjalo icala lenu lizakuba sikhubekiso senu.

UHOSIYA 10:12

Bengithi, ‘Zitjaleleni ukulunga, khona nizakuvuna isithelo sokwethembeka; bese nizikghemela ihlabathi engakalinywa ngombana kusikhathi sokufuna uSomnini, abe afike anise ukulunga phezu kwenu.’

UHOSIYA 14:1

Buyela kuSomnini uZimakho, wena Israyeli ngombana izono zakho zikurarejile.

UHOSIYA 4:1

Lalelani ilizwi lakaSomnini nina ma-Israyeli ngombana uSomnini unesililo ngezakhamuzi zenarha le: “Ngebanga lokobana akusenakwethembeka, neqiniso, nelwazi ngoZimu enarheni,

UJUWELI 2:12

USomnini uthi: “Nanjesi buyelani kimi ngehliziywenu yoke, ngokuzila nokulila nokubibitheka.”

UJUWELI 2:13

Dabulani iinhliziyo zenu, ingasi izambatho zenu kwaphela. Buyelani kuZimu uSomnini, ngombana unomusa nesirhawu, uthathela kude ukusilingeka, uthembeka khulu, uyariyada ekurhayileni.

U-AMOSI 4:13

Ngambala ngowabumba iintaba, wadala imimoya, wembula imikhumbulwakhe ebantwini; uphendula itathakusa ayenze ubumnyama, agadange iinqongo zephasi – ibizo lakhe nguSomnini uZimu uMninimandlawoke.

U-AMOSI 5:24

Kodwana ukulunga akugeleze njengamanzi, ukwethembeka kugeleze njengomlambo ongatjhiko!

UMIKHA 6:8

USomnini ukwazisile wena muntu lokho okulungileko. Yini-ke okhunye uSomnini akulindele kuwe ngaphandle kokwenza akutjhwileko nokwethembeka esivumelwaneni sakhe bewukhambe noZimakho ngokutjhejisisa na?

UMIKHA 7:7

Kodwana mina ngiqalelela uSomnini ngethemba, ngilinda uZimu uMsindisami, uZimami uzangitjheja.

URHABAKHUKHU 2:3

Ngambala isambulwesi sizakuzaliseka ngesikhathi esifaneleko; sikhuluma ngesiphetho, angeze savuka simamala. Nanyana siriyada nje, silindele, sizakuzaliseka nakanjani, angeze besiriyade.

UZEFANIYA 3:8

“USomnini uthi: “Yeke yewungilindele, ulindele ilanga engizakujama ngalo ngifakaze, lokha mina mgwebi ngihlanganisa izizwe nemibuso bona ngiyimadlhe ngamanikelelami, iye ngetukuthelwami evuthako. Lindelani ilanga mhlana iphasi loke lizakuqothulwa ngomlilo welaka lami.”

UZAKARIYA 1:3

Yeke, yewutjele abantu uthi: Nakhu okwatjhiwo nguSomnini uMninimandlawoke, “ ‘Buyelani kimi ngombana nami ngifuna ukubuyela kini.’ Lawa, mamezwi kaSomnini uMninimandlawoke.

UZAKARIYA 8:16

Nanzi izinto enifanele nizenze: Khulumani iqiniso omunye komunye. Gcinani iqiniso nokulunga okufaneleko emabandla.

IZENZO ZABAPOSTOLI 2:38

UPitrosi wathi kibo: “Phendukani, omunye nomunye wenu abhajadiswe ebizweni lakaJesu Krestu ukuze nithethelelwe izono, khona nizakwamukela isipho sakaMoya oCwengileko

IZENZO ZABAPOSTOLI 26:20

Kodwana ngathoma ukumemezela kabaseDamaseku, kwaba seJerusalema nakiyo inarha yeJudiya ngitjho nakwabatjhili bonyana baphenduke ezonweni babuyele kuZimu, benze imisebenzi ekhambisana nokuphenduka.

UJAKOPO 1:27

Ukukholwa okumsulwa nokungikho phambi kwakaZimu onguBaba ngilokhu: kukhambela iintandani nabahlolokazi ekubandezelekeni kwabo nokuzilonda ungasilaphazwa liphasi.

UJAKOPO 2:13

ngombana ukugweba akunasirhawu kiloyo ongazange abonise isirhawu, nokho isirhawu siyahlula phezu kwesigwebo.