UHOSIYA 12:11 - IsiNdebele 2012 Translation

¹¹ BakwaGiliyadi nabo gade banjingile, kodwana babhujiswa! Abantu benza imihlabelo yeenkunzi eGiligali, nokho akhange kusize litho: ama-aldarabo aba njengesiqotjana samatje magegana nesimu.

UHOSIYA 12:11 Iomraidhean Croise

1 AMAKHOSI 17:1

U-Eliya owavela eTitjhibe yeGiliyadi wathi ku-Arhabi: “Ngifunga uSomnini uZimu wakwa-Israyeli engimlotjhako ngithi, akuzukuba nombethe nazulu eminyakeni ezako kufikela lapha ngitjho khona bona akube njalo.”

2 AMAKHOSI 17:13

USomnini wayelelisa u-Israyeli noJuda ngabaphorofidi nababoni wathi: “Tjhugulukani eendleleni zenu ezimbi. Phethani imiyalwami nemithethwami, ukuya ngokomyalo engayala ngawo aboyihlo nengawuthumela kini ngeenceku zami abaphorofidi.”

UJOROMIYA 10:15

Zililize lakolize, ziziinkohliso; isikhathi sokugwetjwa kwazo nasifikako, zizakubhubha.

UJOROMIYA 10:8

Kunento eyodwa abadlhayele ngayo khulu: Abamukeli iiyeleliso bona abosingazimu seziingodo nje kwaphela!

UJOROMIYA 2:20

“Wephula ijogi lakho kade, wadabula nemitja yakho, wathi, ‘Angizukulotjha!’ Ngambala komunye nomunye umbundu ophakamileko nangaphasi komunye nomunye umuthi ohlaza, walala lapho njengengwadla.

UJOROMIYA 2:28

Baphi-ke abozinyana owazenzela bona wena Juda? Abeze phela nakube bangakusindisa ngesikhathi sesizi lakho! Angithi wena unabozinyana abanengi njengamadorobhakho, Juda.

UHEZEKIYELI 17:2

“Ndodana yomuntu, rareja indlu yakwa-Israyeli ngesirarejo bese uyifanekisele ngomfanekiso

UHOSIYA 10:1

U-Israyeli ube sidiribe esimrarela; isithelo sakhe sanda. Isithelo sakhe nasilokhu sanda, wakha ama-aldari amanengi. Inarhakhe nayilokhu iphumelela, wakghabisa amatjakhe akhethekileko.

UHOSIYA 10:2

Bavuma imilandwabo ngeenhliziyo ezinobuqili, kodwana uSomnini uzakubhidla ama-aldarabo, abe ahlakaze namatjabo akhethekileko.

UHOSIYA 4:15

kanye neengwadla. Nina, ma-Israyeli, nawe Juda ningaziboni umlandu. Ningayi eGiligali, ningenyukeli eBhethe-Aveni. Ningafungi nihle nithi: ‘Sifunga uSomnini ophilako’.”

UHOSIYA 6:8

IGiliyadi mumuzi weenkhohlakali; ezinamabhadulo aneengazi.

UHOSIYA 8:11

“Lokha u-Efrayimu nakakha ama-aldari amanengi weminikelo yesono, aphenduka ama-aldari wokona.

UHOSIYA 9:15

USomnini uthi: “Boke ubukhohlakali babo bathoma eGiligali. Lapho-ke ngabalandula ngebanga lezenzo zabo. Ngizobaqotjha endlinami, angisazobathanda. Boke ababusi babo bamaphikakani.

U-AMOSI 4:4

“Bantu bakwa-Israyeli, khambani niye eBhethe-Eli nifike none, iyani eGiligali nithuwelele ngokona. Lethani iminikelwenu qobe kusekuseni, nokwetjhumi kwenu njalo eminyakeni emithathu.

U-AMOSI 5:5

Musani ukuya eBhethe-Eli, ningayi eGiligali, ningayameli eBheritjheba. Ngiqinisile ngithi iGiligali izakuthunjwa, kuthi iBhethe-Eli yenziwe ilize lakolize.”

UJONA 2:8

Labo abathembela kibosingazimu abanganabubhadekelo, baphunyurhwa ngoThembekileko kibo.

UNUMERI 12:6

USomnini wathi kibo: “Akhese nilalele la: Nakube kukhona umphorofidi hlangana nani, mina-ke Somnini ngizazazisa kuye ngombono, ngikhulume naye ngebhudango.