UHOSIYA 11:2 - IsiNdebele 2012 Translation

² Kodwana lokha aboBhali nabababizako bangifulathela, benzela aboBhali imihlabelo, batjhisela neenthombe ezibaziweko itjhwalo.

UHOSIYA 11:2 Iomraidhean Croise

1 AMAKHOSI 12:33

UJerobhowamu wakhwelela e-aldarini alenze eBhethe-Eli. Lokhu wakwenza elangeni letjhumi nahlanu lenyanga yobumnane, okuyinyanga azikhethela yona ehliziywenakhe kobana enzele ama-Israyeli umhlatjelo. UJerobhowamu wakhwelela e-aldarinapho kobana enze umhlabelo.

1 AMAKHOSI 18:19

Nje-ke biza abantu kilo loke lakwa-Israyeli bona bazokuhlangana nami entabeni iKarameli. Uze nabaphorofidi abamakhulu amane namatjhumi amahlanu bakaBhali nebaka-Atjhera abamakhulu amane abagoma etafuleni laka-Izebeli.”

UNERHEMIYA 9:30

Wababekezelela iminyaka eminengi, wabayelelisa ngoMoya nangabaphorofidi, nokho azange balalele. Ngalokho wabanikela ezandleni zabantu bezizwe.

U-ISAYA 65:7

izono zenu nezaboyihlo ndawonye.” Watjho njalo-ke uSomnini. “Godu aboyihlo batjhisa imihlabelo eentabeni, bangiphoqa emibundwini. Ngalokho ngalinganisa ikokhelo ezeleko yezenzo zabo ezandleni zabo.”

UJOROMIYA 18:15

Kodwana nakubabantu bami bona, bangikhohliwe, batjhisela izinto ezinganabubhadekelo itjhwalo, okuzizinto ezibenza bawe eendleleni zabo, iye, eendleleni zekadeni. Zibenza bakhambe ngeendlela eziqamulako, emizileni engakakhiwa.

UJOROMIYA 35:13

uSomnini uMninimandlawoke, uZimu wakwa-Israyeli uthi: “Khamba uyokubuza abantu bakwaJuda kanye nabantu beJerusalema uthi, ‘Anizukufunda isifundo bese nilalela amezwami na? Kutjho uSomnini.

UJOROMIYA 44:5

Kodwana azange balalele namkha bayelele. Azange baphenduke ebukhohlakalini babo nekutjhiseleni abosingazimu itjhwalo.

UHOSIYA 11:7

Abantu bami bazakuhlonywa esigodweni ngombana bangifulathele. Abanye bazakuthwala ijogi lobukhoboka – ijogi elingasoze lasuswa.

UHOSIYA 2:13

Ngizamhlawulisela amalanga agade atjhisela ngawo aboBhali itjhwalo: Amalanga azimomonda ngawo ngobuphaziphazi, walandelana neenthandwa zakhe. Kodwana mina wangikhohlwa.” Kutjho uSomnini.

UHOSIYA 4:13

benza umhlabelo esiqongolweni seentaba, batjhise itjhwalo emibundwini ngaphasi kwemithi emikhulu, lapha kunomthunzi omnandi khona. Ngebanga lezenzo zabezo, amadodakazenu azinikelele ngobungwadla nabomalukazana benu bayahlobonga.

UHOSIYA 4:17

U-Efrayimu uzihlanganise neenthombe ezibunjiweko. Akathuwelele!

UZAKARIYA 1:4

“Ningalingisi aboyihlomkhulu okwathi lokha abaphorofidi baphambilini nabathi kibo: Nakhu okwatjhiwo nguSomnini uMninimandlawoke, ‘Phendukani emikhubeni nezenzweni zenu zobukhohlakali.’ Kodwana azange balalele begodu azange bebangithathele ehloko.” Kutjho uSomnini.

UZAKARIYA 7:11

Kodwana baqinisa iinhloko bebathundubaza neendlebe zabo.

ULUKASI 13:34

“Maye Jerusalema, Jerusalema! Wena obulala abaphorofidi bewukhande ngamatje labo abathunyelwe kuwe. Kukangaki ngiseze ngikhanukela ukubuthelela abantwabakho ndawonye njengesikhukhukazi sibuthelela amadzinyanaso ngaphasi kwamaphikwaso! Kodwana azange uthande.

UJWANISI 3:19

Isigwebo singilokhu: Ukukhanya kufikile ephasini, kodwana abantu bakhetha ubumnyama kunomkhanyo ngombana izenzo zabo zimbi.

IZENZO ZABAPOSTOLI 7:51

“Nina bontanyana, abaneenhliziyo neendlebe ezingakasokwa, ninjengaboyihlo! Ngesikhathi soke nijamelana noMoya oCwengileko!

ABAKHOKHELI 10:6

Ama-Israyeli godu enza ubumbi phambi kwakaSomnini. Alotjha aboBhali nabo-Atjhitarothi, abosingazimu be-Aramu, beTsidoni nebeMowabi kanye nabosingazimu bama-Amoni nebamaFilista. Afulathela uSomnini, azange amlotjhe.

ABAKHOKHELI 2:13

Iye, afulathela uSomnini, alotjha aboBhali nabo-Atjhitarothi.

ABAKHOKHELI 3:7

Ama-Israyeli enza ubumbi phambi kwakaSomnini, akhohlwa uSomnini uZimawo, alotjha aboBhali nabo-Atjhera.