UHOSIYA 11:11 - IsiNdebele 2012 Translation

¹¹ Bazakuza bathuthumela njengeenyoni zivela eGibhide, nanjengamazuba avela enarheni ye-Asiriya. “Ngizabahlalisa eendlini zabo.” Kutjho uSomnini.

UHOSIYA 11:11 Iomraidhean Croise

U-ISAYA 11:11

Mhlokho uSomandla uzakwelula isandla sakhe kwesibili ukuhlenga imisalela yabantu bakhe abaseleko, abasuse e-Asiriya, eGibhide, ePatrosi, eKutjhe, e-Elamu, eTjhinari, eRhamathi neenhlengeleni zelwandle.

U-ISAYA 60:8

“Bobani laba abaphapha phezulu njengelifu nanjengamazuba eendlwaneni zawo na?

UJOROMIYA 31:12

Bazakubuya bahlokome endundumeni yeZiyoni, bawulukele ebuhleni bakaSomnini, bathabele ikoroyi, iwayini namafutha we-oliva, iimbuzana namakonyana. Ipilwabo izakuba njengesivande esisezelweko, angeze basaphodlheka godu.

UHEZEKIYELI 34:27

Imithi emmangweni izakuhloma iinthelo zayo, ihlabathi ikhiqize umkhiqizo wayo. Zona-ke zibe ngeziphephileko endawenazo enonileko. Zizakwazi bona nginguSomnini lokha nangephula iinkeyi zamajogi wazo, ngizitjhaphulule ezandleni zalabo abazenza makhoboka.

UHEZEKIYELI 34:28

Angeze zisaba yipango yezizwe namkha zidliwe ziimbandana zenarha. Zizakuhlala ziphephile begodu akakho ozazethusa.

UHEZEKIYELI 37:21

uthi kibo, ‘Nakhu okutjhiwo nguSomnini uSomandla: Qalani, sele ngizokuthatha ama-Israyeli hlangana nezizwe aye kizo, ngiwabuthe kiwo woke amahlangothi, ngiwalethe enarheni ekungeyawo.

UHEZEKIYELI 37:25

Bazakuhlala enarheni lapha kwahlala khona aboyihlomkhulu, iye, inarha engayinikela incekwami uJakopo. Bona nabantwababo kanye neenzukulwana zabo bazakuhlala lapho nini nanini; incekwami uDavida izakuba yikosabo ngokungapheliko.

UHOSIYA 3:5

Ngemuva kwalokho, ama-Israyeli azokubuya afune uSomnini uZimawo noDavida ikosawo. Azakubuyela kuSomnini ngokuzithoba okukhulu; abuyele ebuhleni azabuphiwa nguSomnini emihleni yokuphela.

UHOSIYA 7:11

“U-Efrayimu sese anjengezuba, uyengeka lula, uthithibele: Balilela iGibhide, kodwana babalekela e-Asiriya!

U-OBADIYA 1:17

“Kodwana entabeni yeZiyoni kuzakuba nerholo lokuphephela; intaba le izakuba ngecwengileko, kuthi indlu kaJakopo izuze inarha eyayilobako.

UZAKARIYA 10:10

Ngizababuyisa eGibhide, ngibarage kusuka e-Asiriya. Ngizabaletha eGiliyadi neLibhanoni, bazakuba banengi bebatlhoge nendawo yokuhlala.

UZAKARIYA 8:7

Nakhu okwatjhiwo nguSomnini uMninimandlawoke: “Ngizakusindisa abantu bami ephasini loke,

UZAKARIYA 8:8

ngibabuyise bona bazokuhlala eJerusalema. Bazakuba babantu bami, mina ngibe nguZimabo ngeqiniso nangokulunga.”