UHOSIYA 10:8 - IsiNdebele 2012 Translation

⁸ Iindunduma zobukhohlakali, okusisono saka-Israyeli, zizakubhidlizwa. Kuzakumila ameva nabosotokolo bathi talala phezu kwama-aldarabo. Yeke bazokuthi eentabeni: “Sigubuzesani!” bese bathi emibundwini: “Sigirikelani!”

UHOSIYA 10:8 Iomraidhean Croise

UGENESISI 3:8

Ekupholeni kwelanga bezwa uSomnini uZimu akhamba esivandeni, yeke umuntu nomkakhe babhaqela uZimu hlangana nemithi yesivande.

1 AMAKHOSI 13:2

Umuntu loyo warhuwelela i-aldari ngelizwi lakaSomnini wathi: “Maye aldari, aldari-ke! Nakhu okutjhiwo nguSomnini, ‘Kuzakubelethwa umsana okuthiwa nguJosiya endlini kaDavida. Uzakwenza umhlabelo ngabaphristi beendunduma phezu kwakho. Iye, abaphristi abenza umhlabelo kuwapha. Kuzakutjhiswa amathambo wabantu phezu kwakho.’ ”

1 AMAKHOSI 13:34

Lokhu sisono sendlu kaJerobhowamu esabangela ukubhujiswa nokurhayilwa kwayo ephasini.

1 AMAKHOSI 14:16

USomnini uzakulahla u-Israyeli ngebanga lezono ezenziwe nguJerobhowamu abangela ngazo bonyana u-Israyeli one.”

2 AMAKHOSI 23:15

Ngitjho nendunduma ye-aldari eBhethe-Eli eyayakhiwe nguJerobhowami umsa kaNebathi, enza ngayo bona u-Israyeli one, indawo yomhlabelo leyo wayibhuruza: Wenza umlilo phezu kwayo bewayitlhifirija; watjhisa no-Atjhera.

2 IINKRONIKE 31:1

Kwathi bona koke kuphele, ama-Israyeli agade alapho aphuma aya emizini yakwaJuda. Afika aphadlha amatje akhethekileko abe agawula nemifanekiso yabo-Atjhera. Aphutjhula iindunduma agiriza nama-aldari kilo loke lakwaJuda, kwaBhenjamini, kwa-Efrayimu nakwaManase. Ngemva kobana sele abhidlize koke, ama-Israyeli abuyela emakhabo emadorobhenawo.

U-ISAYA 2:19

Abantu bazakugijimela emipharwini nemigodini yehlabathi, babalekele ubukhali bakaSomnini nephazimulo yobukhosi bakhe, lokha nasikimela ukwethusa iphasi.

U-ISAYA 2:21

Bazakwenza lokho lokha nabangena emaweni nemipharwini yamadwala, babalekele ubukhali bakaSomnini nephazimulo yobukhosi bakhe, lokha nasikimela ukwethusa iphasi.

U-ISAYA 32:13

iye, ngebanga lamasimu wabantu bami, embeswe mameva nomonyani, nangazo zoke iinkumba zokujabula ngedorobheni eliphithizelako.

U-ISAYA 34:13

Ameva azakumila eensikeni zayo, ikhula nemitjhatjhana kuzakumumela iimphephelo. Izakuba lidzaba labophagana nobudlelo beenciliba.

UHOSIYA 10:2

Bavuma imilandwabo ngeenhliziyo ezinobuqili, kodwana uSomnini uzakubhidla ama-aldarabo, abe ahlakaze namatjabo akhethekileko.

UHOSIYA 10:5

Abantu beSamariya bagugunwa yindaba yethole leBhethe-Aveni. Abalotjhi balo bayalililela, nabaphristi ababalotjhi balo bayabubula – babubula ngomnothwalo ngombana lisiwe ekuthunjweni.

UHOSIYA 10:9

Kusukela emihleni yeGibeya, u-Israyeli soloko uyona; sese athuwelele. Kazi ipi ayizukuwafunyana amaphikakani weGibeya na?

UHOSIYA 2:6

Yeke ngaqeda ngokuthi: Ngizakubiyela isivande samesi ngomunga nangomthangala wamatje. Nangenza njalo amaqhingakhe azakufelela:

UHOSIYA 4:13

benza umhlabelo esiqongolweni seentaba, batjhise itjhwalo emibundwini ngaphasi kwemithi emikhulu, lapha kunomthunzi omnandi khona. Ngebanga lezenzo zabezo, amadodakazenu azinikelele ngobungwadla nabomalukazana benu bayahlobonga.

UHOSIYA 4:15

kanye neengwadla. Nina, ma-Israyeli, nawe Juda ningaziboni umlandu. Ningayi eGiligali, ningenyukeli eBhethe-Aveni. Ningafungi nihle nithi: ‘Sifunga uSomnini ophilako’.”

UHOSIYA 5:8

Vuthelani ipalapala eGibiya! Nivuthele iporompita eRama! Hlabani umkhosi eBhethe-Aveni! UBhenjamini useenthendeni zakho Efrayimu.

UHOSIYA 8:5

Ithole lakho, Samariya, liyangikghabhudlha! Ubukhali bami buyavutha phezu kwabantwaba. Kuzabe kube nini soloko babhalelwa kuphila msulwa

UHOSIYA 9:6

Abazakuphunyurha ekurhayilweni, iGibhide izababutha, bangcwatjwe eMemfisi. Umnothwabo wesiliva uzakuvalwa likhula, ngeendlini kumile umtjhatjhana.

U-AMOSI 1:5

Ngizakwephula isiqabo seDamaseku; ngibhubhise ikosi yeBikhadi-Aveni ephethe intonga yobukhosi eBhethe-Edeni. Abantu beSiriya bazakusiwa ekuthunjweni eKiri.”

U-AMOSI 3:14

“Mhlana ngihlunguphaza u-Israyeli ngebanga lokona kwakhe, ngizokona ama-aldari weBhethe-Eli; iimpondo ze-aldari zizakwephulwa bezikhithikele ehlabathini.

U-AMOSI 7:9

Iinduli zaka-Isaka zizakubhuruzwa neendawo ezicwengileko zaka-Israyeli zizakurhirizwa. Ngizakuvukela ikumba kaJerobhowamu ngesabulami.”

U-AMOSI 8:14

Labo abafunga ngabosingazimu beSamariya nanyana bathi, ‘Ngozimakho uDani, ngiqinisile ngithi,’ nanyana bathi, ‘Ngozimu weBheritjheba, ngiqinisile ngithi,’ abantwabo bazokuduleka phasi, ngiqinisile ngithi angekhe basavuka.”

UMIKHA 1:13

Nina bantu beLarhitjhi bophelani iinjomani eenkaraneni. Ngini enisisusa sokona kwendodakazi yeZiyoni ngombana nemitjhapho ka-Israyeli ifunyenwe phakathi kwenu.

UMIKHA 1:5

Koke lokhu kubangelwa mitjhapho kaJakopo, kubangwa zizono zekumba ka-Israyeli. Kungaba ngubani-ke otjhaphisa uJakopo nakungasiyo iSamariya? Iinduli zakaJuda zingaba ngubani nakungasiyo iJerusalema?

UNARHUME 3:11

Nawe-ke Niniva uzakurhamula ikapho yomhlonyani; uzakubaleka uyokubhaca bese ubawa ukukhoseliswa zizitha zakho.

ULUKASI 23:30

Yeke “bazokuthi eentabeni, ‘Sigubuzesani!’ bese bathi emibundwini, ‘Sigirikelani!’

UDUTERONOMI 9:21

Nje-ke ngathatha isinyenyiso senweso, okuyikunzana eniyenzileko, ngasitjhisa ngasiqova iinquqwana, ngasitshidlha saba njengethuli ngarhatjha ithulelo ngemlanjaneni ovela entabeni.

ISAMBULO 6:16

barhuwelela iintaba namadwala bathi: “Welani phezu kwethu nisisithe ebusweni balowo ohlezi esihlalweni sobukhosi nebukhalini beMvana!

ISAMBULO 9:6

Ngemihla leyo abantu bayokwenyula ukufa kodwana ukufa angekhe kubafikele; iye, bazokuthanda bonyana bafe kodwana ukufa kuzobabalekela.