UHOSIYA 10:4 - IsiNdebele 2012 Translation

⁴ Bakhuluma umonyani, bafunga amanga lokha nabenza iimvumelwano. Kodwana ukulunga kuzakuqubuka njengekhula elimila esimini elinyiweko.

UHOSIYA 10:4 Iomraidhean Croise

U-ISAYA 5:7

Isidiribe sakaSomnini uMninimandlawoke siyindlu ka-Israyeli, nabantu bakwaJuda basitjalo sakhe esikhethekileko. Walindela ubulungiswa, kodwana qala, kwaba kukwephulwa komthetho walindela ukulunga, kodwana qala, kwaba sililo sesizi.

UHOSIYA 4:2

sekwande ukunikelelana, amanga nokubulala, ukweba nobungwadla. Baphalaza iingazi phezu kweengazi.

UHOSIYA 6:7

USomnini uthi: “Abantwaba bephule isivumelwano njengebe-Adamu, azange bathembeke kimi lapho.

U-AMOSI 5:7

Yelelani nina eniphendula ukulunga nakwenza umhlonyani, nina enikghurumejela umthetho eqadi:

U-AMOSI 6:12

Nakhe nabona iinjomani zirholobha phezu kwamadwala na? Umuntu yena wakhe walima khonapho ngeenkabi na? Kodwana nina niphendule umthetho waba sihlungu; najika isithelo sokulunga nasenza saba mhlonyani.

IZENZO ZABAPOSTOLI 8:23

ngombana ngiyabona bonyana usenyongweni ebabako nemakhamandeleni wesono.”

KWEBEROMA 1:31

iye, baziindlhadlha, abakholwa, abananhliziyo begodu bafe ivalo.

UDUTERONOMI 29:18

Mhlamunye kungaba khona phakathi kwenu indoda, umfazi, umndeni namkha ikoro enehliziyo esele ihlanuke uSomnini uZimethu bona idlhemadlheme ngemva kwabosingazimu bezizwezo. Nakube kunjalo kuzakumila umrabhu onobuthi neenthelo ezimunyu:

UDUTERONOMI 31:16

USomnini wathi kuMosi: “Qala, sele uzokuhlongakala. Abantwaba bazakusuka badlhemadlheme ngemva kwabosingazimu benarha abayokuhlala kiyo, bazangitjhiya bebephule isivumelwano sami engasenza nabo.

UDUTERONOMI 31:17

Yeke itukuthelwami izakuvutha phezu kwabo mhlokho, ngifihle ubuso bami kibo. Bazakuba yinyamana kakatsu, behlelwe bubumbi obunengi namatshwenyeko. Mhlokho bazakuthi, ‘Uthi akusingebanga lokobana uZimethu angasinathi ukuze sehlelwe bubumbobu na?’

2 UTHIMOTHI 3:3

abanganathando, abangavumi ukubuyisana, abahlebako, abangazigobiko, abakhohlakeleko, abahloye okuhle,

AMAHEBHERU 12:15

Tjhejani bona kungabikhona osalelako ekufunyaneni umusa kaZimu ukuze kungamili umrabhu obabako obanga ukonakala begodu kusilaphale abanengi ngawo.