UHOSIYA 10:2 - IsiNdebele 2012 Translation

² Bavuma imilandwabo ngeenhliziyo ezinobuqili, kodwana uSomnini uzakubhidla ama-aldarabo, abe ahlakaze namatjabo akhethekileko.

UHOSIYA 10:2 Iomraidhean Croise

1 AMAKHOSI 18:21

U-Eliya wajama phambi kwabantu wathi: “Kuzabe kube nini nilokhu nilotjha amakhosi amabili? Nangabe uSomnini nguye onguZimu, mlandeleni; kodwana nangabe nithi nguBhali onguZimu, mlandeleni-ke.” Kodwana abantu bathi du.

U-EKSODUSI 23:24

ningakhothameli abosingazimu bawo begodu ningabalotjhi. Ningenzi izinto ngendlelabo kodwana nibaphelise nya beniphadlhe namatjabo akhethekileko.

IZAGA 11:18

Okhohlakeleko uzuza umvuzo owonakeleko, kodwana otjala ukulunga uvuna umvuzo weqiniso.

U-ISAYA 44:18

Abantwaba abazi litho, abalemuki litho. Mbala, amehlwabo avalwe abe atshidzwa, yeke ababoni begodu neengqondo zabo zivalekile, iye, abatlhadlhuleki.

UJOROMIYA 43:13

Ngethempelini lakazinyana welanga enarheni yeGibhide uzakuphadlha amatje wesikhumbuzo, atjhise namathempeli wabosingazimu beGibhide.’ ”

UHEZEKIYELI 14:5

Lokho ngizakwenza ukuze ngibambe indlu yakwa-Israyeli ngehliziywayo, iye, boke labo esele bangifulathele ngebanga lamanyalabo.’

UHOSIYA 12:11

BakwaGiliyadi nabo gade banjingile, kodwana babhujiswa! Abantu benza imihlabelo yeenkunzi eGiligali, nokho akhange kusize litho: ama-aldarabo aba njengesiqotjana samatje magegana nesimu.

UHOSIYA 13:16

ISamariya izazithwalela umlandwayo ngombana ihlubuke uZimayo. Abantu bazakubulawa ngesabula; abantwababo bazakuphihlizelwa ehlabathini, besifazana babo abasebantwini batlhatlhamululwe!

UHOSIYA 3:4

Lokhu kuzabalitshwayo bonyana ama-Israyeli kuzawathatha amalanga amanengi anganakosi, anganababusi, anganamihlabelo nanyana amatje akhethekileko, atlhoge nomlayezo wakaZimu.

UHOSIYA 7:8

USomnini uthi: “U-Efrayimu uhlangana nezizwe ukiniywa ngapha nangapha. U-Efrayimu sese afana nehlama engakaphendulwa phezu komlilo.

ULEVITIKUSI 26:30

Ngizokutjhabalalisa iindunduma zenu, ngiphohloze ama-aldarenu wetjhwalo, ngilahlele iindumbu zenu phezu kweenthombembazwa zenu ezingaphiliko. Ngizokukghabhudlheka ngani.

UMIKHA 5:13

Ngizakuruthula nesithombe senu u-Atjhera bengibhidlize neendawo zenu ezicwengileko.

UZEFANIYA 1:5

Ngizakuphelisa labo abalotjha iinkwekwezi phezu kwephahla lezindlu nabaguqa phasi bafunge uSomnini bajike godu bafunge uMilkomu.

UZAKARIYA 13:2

“Mhlokho, ngizakuphelisa amabizo wabosingazimu enarheni ukuze bangasakhunjulwa godu. Ngizakususa nabaphorofidi abanommoya osilapheleko enarheni.” Kutjho uSomnini uMninimandlawoke.

UMATEWU 6:24

“Akakho ongasebenzela abaphathi ababili. Uzakuzonda omunye athande omunye namkha azinikele ngokupheleleko komunye bese unyaza omunye. Anikwazi-ke ukulotjha uZimu khibe ngapha nilotjhana noMamoni.”

ULUKASI 16:13

“Akunakhoboka elingakhonza emakhosini amabili. Nakungasinjalo, lizokuzonda enye, lithande enye namkha lizinikele kenye, linyaze enye. Angekhe nalotjha uZimu nemali ngasikhathi sinye.”

UJAKOPO 1:8

ngombana uneenhliziyo ezimbili, uyaphenduphenduka eendleleni zakhe zoke.

UJAKOPO 4:4

Nina nhlobongi, anazi bona ukuthanda iphasi kububutha kuZimu na? Ngalokho okhanuka bona abe mngani wephasi, uzenza isitha sakaZimu.

1 UJWANISI 2:15

Ningathandi iphasi namkha izinto zephasi. Nakube umuntu uthanda iphasi, ithando lakaBaba alikho kuye

1 USAMYELA 5:4

Nabavukako godu ngomuso ekuseni; nango uDagoni arabhalele ngobuso phambi komfaji kaSomnini! Ihlokwakhe nezandla zakhe zikghunukile zisembunjwaneni oqabe umnyango; isidumbu sakhe silele sodwa phasi.