UHOSIYA 10:12 - IsiNdebele 2012 Translation

¹² Bengithi, ‘Zitjaleleni ukulunga, khona nizakuvuna isithelo sokwethembeka; bese nizikghemela ihlabathi engakalinywa ngombana kusikhathi sokufuna uSomnini, abe afike anise ukulunga phezu kwenu.’

UHOSIYA 10:12 Iomraidhean Croise

AMARHUBO 105:4

Rhuluphelani uSomnini namandlakhe; nifunisise ubuso bakhe njalonjalo.

AMARHUBO 72:6

Inga umbusi angafana nezulu eliwulukela etjanini obusikiweko nanjengomfefezwana othambisa iphasi.

IZAGA 11:18

Okhohlakeleko uzuza umvuzo owonakeleko, kodwana otjala ukulunga uvuna umvuzo weqiniso.

IZAGA 18:21

Ilimu linamandla wokuphila nokufa nabalithandako bazakugoma isithelo sakhona.

UMTJHUMAYELI 11:6

Tjala imbewakho ekuseni, entambama izandla zakho zingaphumuli ngombana awazi bona ngiyiphi ezakuphumulela, kungaba ngile nanyana kube ngileya, nanyana ziphumelele zombili.

U-ISAYA 30:23

UZimu uzakunisa izulu phezu kwembewu oyitjalileko esimini, akunikela ikoroyi okumkhiqizo wequlwani. Umkhiqizo lowo uzakuhloma bewunone. Mhlokho ifuywakho izakukarula emadlelweni abanzi;

U-ISAYA 31:1

Bazazizwa abehlela eGibhide kobana bayokufuna isizo. Bathembele eenjomanini, iye, bathembela eenkaraneni zepi nebakhwelini bazo ngombana zizinengi khulu, kodwana bangaqaleleli koCwengileko ka-Israyeli, namkha bafune uSomnini!

U-ISAYA 32:20

Nibusisiwe nina enitjale magegana nayo yoke imilanjana, iye, nina enitjhaphulula ikomo nodumbana.

U-ISAYA 44:3

Ngizakuthululela amanzi phezu kwenarha eyomileko, ngenze imisele ehlabathini eyomileko; ngizakuthululela uMoyami phezu kwabantwabakho neembusiso zami phezu kweenzukulwani zakho.

U-ISAYA 45:8

Nina mazulu, nisani ukulunga okuphezulu; iye, nikuwulule nina mafu. Iphasi alikhamise, lona nomkayi kuveze isindiso. Kanyekanye akube nehlalohle. NginguSomnini okudalileko lokho.”

U-ISAYA 48:18

Maye! Nabe ungayelela imiyalwami, ukuphumelela kwakho bekuzakuba njengomlambo nokulunga kwakho njengamagagasi welwandle.

U-ISAYA 5:6

Ngizosenza bona sibe libhudu, singasahlungwa namkha sihlawulelwe, kukhule iminga nameva; ngizokuyala namafu bona angasanisi izulu phezu kwaso.”

U-ISAYA 54:14

Uzakunzinziswa ngokulunga: Uzakuba kude negandelelo, iye, awuzukwesaba begodu uzakuba kude nokwethusako, iye, angeze kwakutjhidela.

U-ISAYA 55:6

Funani uSomnini asafunyaneka, nimbize asese seduze!

UJOROMIYA 50:4

USomnini uthi: “Emihleni leyo ngesikhatheso abantu bakwa-Israyeli; iye, bona nabakwaJuda bazakuza ndawonye. Bazakuza balila, bafune uSomnini uZimabo.

UHEZEKIYELI 34:26

Ngizazenza zinothe zona kanye neendawo ezizombeleze umbundwami. Ngizakwehlisa izulu ngesikhathi sakhona, kube lizulu lomnotho.

UHOSIYA 12:6

Awa Israyeli, kuzakufanela bonyana ubuyele kuZimakho: Thembeka ubulunge imiyalwakhe; uthembele kuZimakho ngeenkhathi zoke.

UHOSIYA 14:1

Buyela kuSomnini uZimakho, wena Israyeli ngombana izono zakho zikurarejile.

UHOSIYA 6:3

Asimaziseni uSomnini, asihlabeleni phambili ngokumazisa. Ngiqinisile ngithi uzaziveza kithi njengelanga naliphumako; eze kithi njengezulu lebusika, nanjengezulu lesilimela elithambisa iphasi.”

UHOSIYA 8:7

“Otjala ummoya, uvuna isiwuruwuru. Ihlanga nalinganasiqwambe angeze laba nokudla. Nabe belingaba nokudla, imiqhamuka beyizakurhiribidela.

U-AMOSI 5:15

Zondani ubukhohlakali, nithande ukulunga, nithembeke emakhotho. Mhlamunye uSomnini uZimu uMninimandlawoke angaba nomusa kumisalela kaJosefa.

U-AMOSI 5:4

Ngambala nakhu okwatjhiwo nguSomnini ekumbeni ka-Israyeli: “Ngifunani; yeke nizakuphila.

U-AMOSI 5:6

Funani uSomnini ukuze niphile, nakungasi njalo uzakubhebhedlha phakathi kwekumba kaJosefa njengomlilo; uzakurubha eBhethe-Eli, uqothule kutlhogeke umuntu ongawucima.

U-AMOSI 5:8

Ongumenzi wekwekwezi yesiLimela nekwekwezi yesiRuthwana; ophendula ubumnyama bube yitathakusa, kuthi imini ibe busuku; ubiza amanzi welwandle awaphalazele ebusweni benarha. Ibizo lakhe nguSomnini.

ULUKASI 13:24

“Lingani ngamandlenu woke bona ningene ngesango elincani ngombana ngiyanitjela bona abanengi bazokulinga ukungena kodwana abazokukghona.

IZENZO ZABAPOSTOLI 2:18

Iye, emalangeni lawo ngizakuthululela uMoyami naphezu kweenceku neencekukazi, ziphorofide.

2 KWEBEKORINTE 9:10

Loyo opha umtjali imbewu kanye nesikwa njengokudla, uzonibonelela abe andise nesilulu sembewenu, akhulise isivuno sokulunga kwenu.

UJAKOPO 3:18

Isivuno sokulunga sitjalwa ngokuthula ngilabo abenza ukuthula.