UHOSIYA 1:7 - IsiNdebele 2012 Translation

⁷ Nakuyindlu kaJuda ngizayirhawukela; ngiyisindise. Ngingayisindisi ngeenhlabano, ngepi nanyana ngeenjomani nabakhweli bazo, kodwana ngiyisindise ngokwami mina Somnini uZimayo.”

UHOSIYA 1:7 Iomraidhean Croise

2 AMAKHOSI 19:29

“Nakhu okuzakuba litshwayo kuwe, Hezekhiya: “Nonyaka uzazidlela amakhakhazela, ngomnyaka wesibili udle okuzimilelako. Kodwana ngomnyaka wesithathu uzakutjala uvune, uzakuhloma iindiribe bewudle iinthelo zazo.

2 AMAKHOSI 19:34

Ngizolivikela idorobheli bengilisindise ngenca yami nangenca kaDavida incekwami.” Kutjho uSomnini.

2 AMAKHOSI 19:35

Ngobusukobo ingilozi kaSomnini yasahlela ekampeni yama-Asiriya yabulala abantu abalikhulu namatjhumi abunane nahlanu weenkulungwana. Kwathi abantu nabavuka ekuseni ngakusasa, iindumbu bezilele ubujadajada!

2 AMAKHOSI 6:18

Kuthe lokha ama-Aramu nabandamela kuye wathandaza wathi: “Somnini, betha abantwaba ngobuphofu.” Mbala uSomnini wabaphophaza kanjengombana u-Elitjha gade abawile.

AMARHUBO 33:16

Amakhosi akahluli ngobunengi bebutho lawo neengorho azisindi ngobukhulu bamandlazo.

AMARHUBO 44:7

Angithembeli emsebenami nesabulami angeze yangisindisa.

U-EKSODUSI 14:13

UMosi wathi ebantwini: “Ningesabi benidlhamazele. Lindani nibone isindiso kaSomnini azanenzela yona namhlanjesi. Ngiyanitjela ngithi amaGibhide eniwabona namhlanjesi la, angeze benisawabona godu.

U-EKSODUSI 14:30

Ngaleyondlela uSomnini wasindisa ama-Israyeli mhlokho esandleni samaGibhide. Ama-Israyeli abona iindumbu zamaGibhide zitutumele magegana nelwandle.

U-ISAYA 12:2

Ngambala uZimu uyisindiswami, ngizamethemba ngingesabi. USomnini, iye uSomnini umamandla neenkhwepha zami begodu uyisindiswami.”

U-ISAYA 30:18

Nokho uSomnini ulindele ukuba nomusa kini, yeke, uzakuphakama ube nesisa kini, ngombana uSomnini unguZimu wokulunga. Babusisiwe boke abaqalelela kuye.

U-ISAYA 49:6

uthe: “Ingcenye elula khulu kuwe ekubeni yincekwami kuvusa iinkoro zakaJakopo nokubuyisa abasindileko bakwa-Israyeli. Godu ngikubeka bona ube mkhanyo ezizweni ukuze isindiswami ifikelele emikhawulweni yephasi.”

U-ISAYA 7:14

Ngalokho-ke, uSomandla ngokwakhe uzonenzela isibonakaliso: Qala, iqhakazana lisidisi, lizakubeletha indodana, liyithiye ibizo bona ngu-Imanuweli.

UJOROMIYA 25:5

lokha nabathi: “Phendukani khona nje, omunye nomunye wenu, nitjhiye indlelenu embi kanye nezenzo zenu zobukhohlakali, khona nizakuhlala enarheni uSomnini aninikele yona kanye nabokhokho benu kusukela ekadeni bekube nini nanini.

UJOROMIYA 25:6

Ningadlhemadlhemi ngemva kwabosingazimu kobana nibalotjhe benibakhothamele. Ningangithukuthelisi ngemisebenzi yezandla zenu. Yeke angeze nganikhubaza.”

UJOROMIYA 33:26

khona-ke ngizakulahla iinzukulwana zakaJakopo noDavida incekwami begodu angeze ngakhetha ababusi emadodanenakhe kobana abuse phezu kweenzukulwana zaka-Abrahamu, u-Isaka noJakopo. Ngambala, ngizakutjhugulula ubujamo bazo bese ngiba nomusa kizo.’ ”

UHOSIYA 1:8

UGomere selakhumule uLo-Rurhama ebeleni, wazithwala godu wabeletha umsana.

UHOSIYA 11:12

USomnini uthi: “U-Efrayimu ungiphara ngamanga koke nje; indlu ka-Israyeli ingininda ngekohliso. UJuda akanaqiniso phambi koZimu, iye, ngitjho nakoCwengileko ongothembekileko.

UZAKARIYA 4:6

Nje-ke sathi kimi: “Leli lilizwi lakaSomnini elinqotjhiswe kuZerubhabheli, lithi, “ ‘Akuyi ngeenkhwepha nanyana ngamandla womuntu, kodwana kuya ngoMoyami, kuzakufezeka’, kutjho uSomnini uMninimandlawoke.

1 USAMYELA 17:47

Woke umuntu olapha namhlanjesi uzakwazi bonyana uSomnini akasindisi ngesabula nomkhonto kwaphela ngombana ipi ngeyakaSomnini. Nje-ke uzoninikela ezandleni zethu nokanyana nje.”