UHOSIYA 1:10 - IsiNdebele 2012 Translation

¹⁰ Nokho isibalo sama-Israyeli sizakufana nehlabathi yelwandle engalinganisekiko nengabalekiko. Esikhundleni sokobana kuthiwe “Anisese babantu bami”, sele kuzakuthiwa “nibantwana bakaZimu ophilako”.

UHOSIYA 1:10 Iomraidhean Croise

UGENESISI 13:16

Ngizakwenza isizukulwana sakho sibe ngangethuli lehlabathi ukuze kuthi nange kungaba nomuntu obala ithuli lehlabathi, khona-ke neenzukulwana zakho zingabaleka.

UGENESISI 22:17

ngiqinisile ngizokubusisa ngenze iinzukulwana zakho zibe njengeenkwekwezi emkayini nanjengetjhwabatjhwaba magegana nelwandle. Iinzukulwana zakho zizakuthumba amadorobho wezitha zazo.

UGENESISI 32:12

Somnini wena ngokwakho uthe ngambala uzangiphumelelisa bewenze iinzukulwana zami zibe ngangehlabathi yelwandle engabalekiko.”

2 USAMYELA 7:24

Ujamise abantu bakho u-Israyeli bona babe ngabakho isiphelani, wena-ke Somnini unguZimabo.

U-ISAYA 43:6

Ngithi etlhagwini, ‘Batjhaphulule!’ ngithi esewula, ‘Ungabagugudlheli! Lethani amadodanami asemajukujukwini namadodakazami asepelazwe,

U-ISAYA 48:19

Iinzukulwana zakho bezizakuba njengetjhwabatjhwaba, iye, imbewu yedini lakho ibe njengeenthoro zamabele. Amabizwazo angesulwa begodu angatjhabalaliswa phambi kwami.

U-ISAYA 63:16

Ngambala ungubabethu! U-Abrahama akasazi, no-Israyeli bekangeze asilemuke, Somnini, wena ungubabethu; kwakade ibizo lakho unguMhlengethu.

U-ISAYA 64:8

Nokho Somnini, ungubabethu. Thina simdaka, wena umbumbi wethu simsebenzi wezandla zakho soke nje.

U-ISAYA 65:1

UZimu uthi: “Bengitholakala kilabo abangazange bazikhathaze ngami, bengifunyanwa ngabangazange bangifune. Esizweni esingazange sibize ibizo lami, ngathi, ‘Ngilapha, ngilapha.’

U-ISAYA 66:20

Kizo zoke izizwe bazakuletha boke abafowenu entabenami ecwengileko eJerusalema njengomnikelo kuSomnini ngeenjomani, iinkarana zepi neenhlalogugwa, iimeyila namakamela. Iye, bazabaletha njengama-Israyeli naletha iminikelo yeenthoro ethempelini lakaSomnini ngezitja ezihlambulukileko.” Watjho njalo-ke uSomnini.

UJOROMIYA 33:22

Ngizakwandisa iinzukulwana zakaDavida incekwami nezamaLevi abangisebenzelako kobana zingabaleki njengeenkwekwezi zomsehla begodu zingalinganiseki njengetjhwabatjhwaba yeligu.’ ”

UDANYELA 6:26

Ngikhupha isimemezelo sokobana boke abantu bembuswenami kufuze bathuthumele bebasabe phambi kwakaZimu kaDanyela. “Ngambala unguZimu ophilako, iye, uphila isiphelani. Umbuswakhe angekhe wabhujiswa nobukhosi bakhe angeze baphela.

UHOSIYA 1:9

USomnini wathi kuHosiya: “Mthiye bona nguLo-Ami ngombana anisese babantu bami, nami angisenasivumelwano nani.”

UHOSIYA 2:23

Ngizazitjalela yena enarheni. Ngirhawukele uLo-Rurhama, ngithi kuLo-Ami ‘Bantu bami’, bese bona bathi ‘Zimethu’.”

UJWANISI 1:12

Kodwana boke abamamukelako bebakholwa ebizweni lakhe, wabapha ilungelo lokuba bantwana bakaZimu,

KWEBEROMA 8:19

Indalo ilindele ngetjisakalo yokulabalabela bona abantwana bakaZimu babonakaliswe.

2 KWEBEKORINTE 6:18

Mina ngizakuba nguYihlo, nina-ke nibe madodana namadodakazami. Kutjho uSomnini uMninimandla woke.”

AMAHEBHERU 11:12

Ngalokho, ngomuntu munye nanyana besele kumlunga afile, kwabelethwa iinzukulwana ezinengi njengeenkwekwezi zezulu nanjengetjhwabatjhwaba yelwandle engabalekiko.