UDUTERONOMI 8:9 - IsiNdebele 2012 Translation

⁹ inarha lapha nizagoma khona isikwa singapheli, lapha ningekhe naswela khona, inarha lapha amatje wakhona kungewesimbi, lapha ningemba khona ikoporo emibundwini yakhona.

UDUTERONOMI 8:9 Iomraidhean Croise

1 IINKRONIKE 22:14

Qala, ngithwele boke ubunzima kobana ngibonelele ithempeli lakaSomnini ngamakhilogremu aziingidi ezintathu namakhulu amane namatjhumi amabili nekhomba weenkulungwana zegolide, ngamakhilogremu aziingidi ezimatjhumi amathathu nane namakhulu amabili namatjhumi alikhomba weenkulungwana zesiliva, nangomhlumba wekoporo nesimbi enengi engalinganisekiko. Godu ngibonelele ngeengodo kanye namatje. Nawe-ke kufuze ungezelele kilokhu.

1 IINKRONIKE 22:3

Waletha isimbi enengi bona kwenziwe iinkhonkhwani zesango neenghamelo, kanye nekoporo enengi enobudisi obungalinganisekiko.

UJOBHO 28:2

Isimbi ikhutjhwa equlwanini ephadlhiweko, ikoporo incibilikiswa elitjeni lakhona.

UDUTERONOMI 33:25

Iinqabo zakho zizakuba ngezesimbi nezekoporo, amandlakho abe njengamalangakho.

UDUTERONOMI 8:10

Nizagoma nibethe esimonyongwana, nikhakhazise uSomnini uZimenu ngobuhle benarha aniphe yona.

UDUTERONOMI 8:8

inarha yekoroyi nebhali, iindiribe, amakhiwani namarharinada, inarha yeliju namafutha we-oliva,

ABAKHOKHELI 18:10

Lokha naniya khona, nizokufumana abantu bazigedlile nenarha yakhona isithabathaba. Ngambala uZimu uninikele inarha lapha kungaswelwa khona litho lephaseli.”