UDUTERONOMI 8:8 - IsiNdebele 2012 Translation

⁸ inarha yekoroyi nebhali, iindiribe, amakhiwani namarharinada, inarha yeliju namafutha we-oliva,

UDUTERONOMI 8:8 Iomraidhean Croise

UGENESISI 49:11

Ubophela udumbanakhe esidiribeni, udumbanyanakhe epandeni ekhethekileko, ahlanze isambatho sakhe ewayinini, iphuraphurakhe eengazini zamadiribe.

2 USAMYELA 4:6

Bangena ngaphakathi endlini kwaba sengathi bazokufuna ikoroyi. Kuthe nabangenako bafunyana u-Ithji-Botjhethi abhambalele embhedeni ngelawini lakhe. Bamhlaba emathunjini bambulala, baquntula ihlokwakhe, babaleka; bakhamba nayo ubusuku boke ngendlela yemrhobeni weJordani.

1 AMAKHOSI 5:11

noSolomoni wapha uRhiramu amatjhumi athobako weenkulungwana zemigodla yekoroyi njengokudla kwesigodlo sakhe. Godu wamupha neenkulungwana ezilithoba zamalitha wamafutha we-oliva etlhodlhiweko. USolomoni waragela phambili nokupha uRhiramu ngalendlela iminyaka ngeminyaka.

2 AMAKHOSI 18:32

Nje-ke ningenza lokho bengifike nginithathe nginise enarheni efanele nina, okuyinarha yekoroyi neyewayini elitjha, inarha yamabele nesidiribe, okuyinarha yemithi ye-oliva neliju. Nizakuphila ningafi! Yeke ningamlaleli uHezekhiya ngombana uyanihlohlozela kwaphela lokha nakanitjela bona uSomnini uZimenu uzanisindisa.

AMARHUBO 147:14

Wenza ukuthula ngemikhawulwenakho, akwanelise ngamabele anonileko.

AMARHUBO 81:16

Abazonde uSomnini bebazakutjhotjhobana phambi kwakhe, kube sisabelo sabo sanini nanini.

U-ISAYA 7:23

Mhlokho, kiyo yoke indawo lapha bekuneenkulungwana zamadiribe abiza iinkulungwana zeempaparwana zesiliva, kuzakuba khona iminga nameva.

UJOROMIYA 2:7

Ngimi enganiletha enarheni evundileko, kobana nizikholise ngeenthelo namanandi wakhona. Kodwana nathi naningenako nasilaphaza inarhami, nenza ilifa lami laba sinyenyiso.

UJOROMIYA 5:17

Bazakugoma isivuno kanye nokudla kwenu, batle amadodana namadodakazenu. Bazakurhiribidela izimvu, iimbuzi neenkomo zenu; bagomojele iindiribe kanye namakhiwanenu. Amadorobhenu anemithangala nenithembele kiwo, bazawalalisa phasi ngesabula.”

UHEZEKIYELI 27:17

Inarha yakwaJuda neyakwa-Israyeli zirwebisana nawe. Zinanisela irhwebo lakho ikoroyi yeMinithi, iflowuru esefiweko, iliju, amafutha we-oliva nebhalisamu.

UHOSIYA 2:22

Iphasi liphendule ikoroyi, isidiribe namafutha we-oliva; zona-ke zizakuphendula uJizriyela.

UHOSIYA 2:8

Khonapho umfazi lo akhange avume bonyana ngimi omondla ngamabele, ngewayini nangamafutha we-oliva. Bengamtotosa ngemali enengi nangegolide (abalisebenzisa ukubumba isithombe sakaBhali).

UMIKHA 4:4

Woke umuntu uzazigedla ngaphasi kwesidiribe sakhe, nanyana ngaphasi komuthakhe wamakhiwani. Yeke akunamuntu ozabethusa. Ngambala uSomnini uSomandla ukhulumile.

URHABAKHUKHU 3:17

Nanyana umuthi wamakhiwani ungatlhurhi, kutlhogeka namadiribe esidiribeni; nanyana isivuno se-oliva singahlomi kutlhogeka nokudla emasimini; nanyana kunganazimvu ngesibayeni kutlhogeka neenkomo ngesibayeni;

UNUMERI 13:23

Afika emrhobeni we-Etjhikolo afese aquntula lapho ipande enesitjhutha samadiribe. Amadoda amabili atjatha isitjhutheso ngesigodo saba phakathi kwawo. Godu bekathwele amarharinada namakhiwani.

UJWANISI 6:13

Yeke bazibuthelela zoke, bazalisa iinqwebu ezilitjhumi nambili ngeentshutshuru ezisele emilombeni emihlanu yesikwa sebhali ebegade igonywa babantu.

UJWANISI 6:9

“Kunomsana lapha ophethe imilombo emihlanu yesikwa sebhali neenhlambi ezimbili; kodwana kuyini lokho kwabanengi kangaka na?”

UDUTERONOMI 32:13

Wamkhweza eendaweni eziphakemeko zenarha, wagoma iinthelo zommango; wamenza wazitika ngeliju edwaleni namafutha we-oliva elitjeni legwari.

UDUTERONOMI 32:14

Wazitika ngamakghamatha weenkomo nebisi leembuzi kanye namafutha weemvana; wazitika ngamaqama weBhatjhani neembuzi kanye namafutha wehliziyo yekoroyi; wazitika ngomhluzi wamadiribe, iye, wasela iwayini elisabilako.

UDUTERONOMI 6:3

Yelelani nina ma-Israyeli niphethe imiyalo ngokupheleleko ukuze koke kunikhambele kuhle enarheni egeleza ibisi neliju, nokobana nande khulu njengombana uSomnini uZimu waboyihlomkhulu anithembisile.

UDUTERONOMI 8:7

USomnini uZimenu uniletha enarheni ehle, inarha enemilanjana neeyalu, okutjho amanzi avinyilika emirhobeni neentabeni,

UDUTERONOMI 8:9

inarha lapha nizagoma khona isikwa singapheli, lapha ningekhe naswela khona, inarha lapha amatje wakhona kungewesimbi, lapha ningemba khona ikoporo emibundwini yakhona.