UDUTERONOMI 8:5 - IsiNdebele 2012 Translation

⁵ Yazini-ke eenhliziyweni zenu bonyana njengobaba nakhalima umntwanakhe, ngokunjalo noZimu uyanikhalima.

UDUTERONOMI 8:5 Iomraidhean Croise

2 USAMYELA 7:14

Ngizakuba nguyise yena abe yindodanami. Lokha nalelesako, ngizamritha njengobaba nanunga umntwanakhe.

AMARHUBO 89:32

nalokha nabalulaza neemiso zami begodu bangagcini imiyalwami,

AMARHUBO 94:12

Ubusisiwe omkhalimelako Somnini; iye, loyo omfundisa ngomthethwakho

IZAGA 13:24

Obabalela iswazi uzonda umntwanakhe, kodwana omthandako ukhuthalela ukumkhalima.

IZAGA 3:11

Ndodanami, ungadeleli ukusola kwakaSomnini, ungadinwa kukhalima kwakhe,

IZAGA 3:12

ngombana uSomnini uyamkhalima amthandako, njengobaba endodanenakhe ayithandako.

UMTJHUMAYELI 7:14

Ngesikhathi esihle, jabula, kodwana ngesikhathi esimbi, yelela ngombana uZimu ukwenze kokubili ukuze umuntu angazi litho ngelingomuso lakhe.

U-ISAYA 1:3

Ikomo iyamazi umniniyo, nodumbana igebhezi lomnikazalo, kodwana u-Israyeli akazi ilitho, abantu bami abazwisisi.

UHEZEKIYELI 12:3

“Ngalokho wena ndodana yomuntu, zilungiselele umthwalo womthunjwa, uphume bakuqalile emini libalele. Ukhambe njengomthunjwa usuke lapha ukhona uye kwenye indawo bakuqalile. Mhlumbe lokho bazakuzwisisa nanyana bayindlu ehlubukako nje.

UHEZEKIYELI 18:28

Ngebanga lokobana abonile waphenduka kizo zoke iimphambeko azenzileko, mbala uzakuphila, angeze afa.

1 KWEBEKORINTE 11:32

Nasigwetjwa yiKosi, siyakhalinywa ukuze singalahlwa kanye nephasi.

UDUTERONOMI 1:31

nanjengombana enza erhalawumbeni lapha nabona khona bonyana uSomnini uZimenu wanithwala njengobaba nathwala umntwanakhe. Wanithwala endlelenenu yoke benafika endaweni le.”

UDUTERONOMI 4:23

Zitjhejeni ningakhohlwa isivumelwano sakaSomnini uZimenu asenza nani bese niyadurha nenze iinthombembazwa zomfanekiso wanamkha yini uSomnini uZimenu analela ngayo.

UDUTERONOMI 4:36

Wanizwisa ilizwi lakhe asezulwini kobana anikhalime, ephasini wanibonisa umlilwakhe omkhulu, nezwa amezwakhe aphakathi komlilo.

UDUTERONOMI 4:9

Yelelani, nizitjheje ngesikhathi soke bonyana ningakhohlwa izinto enizibone ngamehlwenu. Azihlale zisemikhumbulwenenu ipilwenu yoke, nizifundise abantwabenu neenzukulwana zenu

UDUTERONOMI 8:6

Ngalokho gcinani imiyalo kaSomnini uZimenu ngokukhamba eendleleni zakhe nangokumesaba.

ISAMBULO 3:19

Labo engibathandako ngiyabasola bengibakhalimele; nje-ke tjhiseka, uphenduke!