UDUTERONOMI 8:2 - IsiNdebele 2012 Translation

² Nikhumbule yoke indlela uSomnini uZimenu anirhole ngayo eminyakeni ematjhumi amane erhalawumbeni. Wanithoba lokha nakanihlolako bonyana azi okuseenhliziywenu zenu nokobana nizakulalela imiyalwakhe namkha njani.

UDUTERONOMI 8:2 Iomraidhean Croise

UGENESISI 22:1

Emva kwesikhathi esithize uZimu wazizinya u-Abrahamu. Wambiza wathi: “Abrahamu!” U-Abrahamu wasabela wathi: “Somnini, ngilapha.”

2 IINKRONIKE 32:31

Kodwana kwathi lokha ababusi beBhabheli nabathumela abazenda kuHezekhiya bona babuze ngetshwayo lomkarisomraro owenzeke enarheni, uZimu wamsukela ngombana gade amlinga afuna ukubona koke okusehliziywenakhe.

2 IINKRONIKE 33:12

Ekutshwenyekeni kwakhe wafuna umusa kaZimakhe wazithoba khulu phambi kwakaZimu waboyisemkhulu.

2 IINKRONIKE 33:19

Umthandazwakhe nendlela uZimu athintwa kuzisola kwakhe, nazo zoke izono nokungathembeki kwakhe, neziza lapha akha khona iindunduma bewahloma nemifanekiso yabo-Atjhera neenthombembazwa ngaphambi kobana azithobe, koke kutlolwe emitlolweni yakaRhozayi.

UNERHEMIYA 9:19

wena Zimu ngomusakho omkhulu azange ubatjhiye erhalawumbeni. Isika yelifu beyisabarhola emini azange isuke kibo, ngokunjalo nesika yomlilo beyisakhamba phambi kwabo ebusuku kobana ibakhanyisele endleleni ebekufuze bayikhambe.

UJOBHO 33:17

ukuze atjhidise umuntu ekoneni kwakhe, ahlunge ukuzitjhaya kuye,

AMARHUBO 103:2

Dumisa uSomnini mphefumulwami! Soke isirhawu sakhe ungasikhohlwa!

AMARHUBO 106:7

Lokha abobamkhulu nabaseseGibhide, akhange banake iimangaliso zakho; azange bakhumbule ukwethembeka kwakho okukhulu. Bahlubuka nabaselwandle, iye, elwandle lomGaba.

AMARHUBO 136:16

warhola abantu bakhe erhalawumbeni – ukwethembeka kwakhe kujame isiphelani –

AMARHUBO 77:11

Yeke ngafika esiphethweni sokuthi: Imbangela yenceba lami kukobana isidla songoPhezulu siphendukile!

AMARHUBO 81:7

“Ngaphumuza ihlombe lakhe emthwalweni, ngasusa isandla sakhe esiqwebini.”

U-EKSODUSI 15:25

UMosi walila kuSomnini, uSomnini wamkhombisa umuthi. Wawuthatha wawuphosela ngemanzini, amanzi aba mnandi. Khonapho uSomnini wabenzela isimiso nomthetho godu wabazizinya.

U-EKSODUSI 16:35

Ama-Israyeli agoma imana iminyaka ematjhumi amane abe afika enarheni ehlalekako. Agoma imana leyo abe afika emkhawulweni wenarha yeKanana.

U-EKSODUSI 16:4

Yeke uSomnini wathi kuMosi: “Qala, ngizanehlisela isikwa esivela ezulwini. Abantu bazakuphuma ilanga nelanga babuthelele okwanele ilanga. Ngalokho ngizabe ngibazizinya kobana ngibone nakube bazakukhamba ngomyalwami namkha njani.

U-EKSODUSI 20:20

UMosi wathi ebantwini: “Ningesabi ngombana uZimu uze bona anizizinye nokobana nimesabe ukuze ningoni.”

IZAGA 17:3

Isincibilikiseli senzelwa isiliva nekehla yomlilo ingeyegolide; umhloli weenhliziyo nguSomnini.

U-ISAYA 2:17

Inyazo lomuntu ozikhakhazisako lizakuguqiswa, nokuziphakamisa kwabantu kuthotjiswe; nguSomnini kwaphela ozakuphakanyiswa mhlokho.

UJOROMIYA 2:6

Azange bebabuze bathi, ‘Uphi uSomnini owasikhupha eGibhide wasirhola erhalawumbeni, enarheni yebhudu namadonga okuyinarha yesomiso neyethunzi elesabekako nengahlalwa muntu na?’

UHEZEKIYELI 20:19

Mina Somnini nginguZimenu; khambani ngeemiso zami bese nilonde benenze imithethwami.

U-AMOSI 2:10

“Mina nganikhupha eGibhide, benganihlahla iminyaka ematjhumi amane erhalawumbeni bona nginiphe inarha yama-Amori.

UNUMERI 14:33

Abantwabenu bazakuba belusi erhalawumbeni iminyaka ematjhumi amane, bahlupheke ngebanga lokungathembeki kwenu bekube kulapha iindumbu zenu zibolela khona erhalawumbeni.

ULUKASI 18:14

UJesu wathi: “Ngiyanitjela bona umthelisi wabuyela ekhaya alungisisiwe phambi kwakaZimu kunomFarisi ngombana nanyana ngubani oziphakamisako uzakwehliswa, nozithobako uzakuphakanyiswa.”

UJWANISI 2:25

Bekungakatlhogeki bona omunye angakhe amtjele ngabo ngombana yena bekagade asazi okungeenhliziyweni zabo.

UDUTERONOMI 1:3

kodwana uMosi wethula ikulumo le kuma-Israyeli ngemva kweminyaka ematjhumi amane. Gade kulilanga lokuthoma lenyanga yetjhumi nanye lokha uMosi nakhuluma nama-Israyeli ikulumo uSomnini amyale bona ayitjho kiwo.

UDUTERONOMI 1:33

owakhamba phambi kwenu ekhambeni lenu ngomlilo ebusuku nangelifu emini kobana anifunele iindawo zokuhloma amatendenu nokunibonisa indlela okufanele nikhambe ngayo.

UDUTERONOMI 13:3

ningalaleli amezwi womphorofidi namkha wombhudangi loyo ngombana uSomnini uZimenu uyanizizinya ukubona bonyana nimkhathalela ngeenhliziyo zenu zoke nangomphefumulwenu woke na.

UDUTERONOMI 2:7

USomnini uZimenu unibusisile kiyo yoke imisebenzi yezandla zenu. Uyakwazi ukukhamba kwenu phakathi kwerhalawumbakazeli. USomnini uZimu ube nani eminyakeni ematjhumi amane le, akhange niswele litho.”

UDUTERONOMI 29:5

Nginirhole iminyaka ematjhumi amane erhalawumbeni, izambatho zenu azange zirhalukele emizimbenenu, namapatlagwanenu azange adabuke eenyaweni zenu.

UDUTERONOMI 32:7

Khumbulani isikhathi esadlulako, niyelele okwenzeka ngesizukulwana ngesizukulwana; nibuze aboyihlo banikhombise, abaphathi benu, banidembele.

UDUTERONOMI 7:18

Ningazesabi, kodwana khumbulani kuhle lokho uSomnini uZimenu akwenza ngoFaro nabo boke eGibhide:

UDUTERONOMI 8:16

Wanondla niserhalawumbeni ngemana naboyihlomkhulu abangayaziko ukuze anithobe abe anizizinye, kuthi ekugcineni nizuze.

UJAKOPO 1:3

ngombana niyazi bona ukulingwa kokukholwa kwenu kuveza ukunyamezela.

UJAKOPO 4:10

Zithobeni phambi kweKosi, yona-ke izaniphakamisa.

UJAKOPO 4:6

Kodwana upha umusa ngokweqileko, ngalokho umtlolo uthi: “UZimu ujamelana nabazikhukhumezako, kodwana abazithobako ubapha umusa.”

1 UPITROSI 1:7

ukuze kuthi iqiniso lokukholwa kwenu okuligugu kunegolide elibhubhako, nakuzizinywa ngomlilo, kuveze idumo, iphazimulo nokuhlonitjhwa lokha uJesu nakembulwako.

ISAMBULO 2:23

Ngizobabhubhisa abantwana bakhe; amabandla woke azakwazi bona nginguloyo ohlola iziso neenhliziyo begodu ngizokuvuza omunye nomunye wenu ngokwemisebenzakhe.

ABAKHOKHELI 2:22

Ngebangelo uSomnini waliselela izizwezo wangaziqotjha khonokho, azange azinikele esandleni sakaJotjhuwa ukuze azizinye ama-Israyeli ukubona bonyana azakutjheja abe akhambe endlelenakhe njengombana kwenza aboyise, namkha njani.

ABAKHOKHELI 3:4

Izizwezo uSomnini bekazizinya ngazo ama-Israyeli ukubona bonyana azakulalela imiyalwakhe ayala ngayo aboyise ngoMosi na.