UDUTERONOMI 8:10 - IsiNdebele 2012 Translation

¹⁰ Nizagoma nibethe esimonyongwana, nikhakhazise uSomnini uZimenu ngobuhle benarha aniphe yona.

UDUTERONOMI 8:10 Iomraidhean Croise

AMARHUBO 103:2

Dumisa uSomnini mphefumulwami! Soke isirhawu sakhe ungasikhohlwa!

KWEBEROMA 14:6

Loyo onelanga alihloniphako, ulihloniphela ukudumisa iKosi. Naloyo ogoma inyama, uyigomela iKosi ngombana uthokoza uZimu. Naloyo ongagomiko, lokho ukwenzela iKosi begodu uthokoza uZimu.

IZAGA 3:9

Nawuhlonipha uSomnini ngomnonwakho, iye, ngesilumo semikhiqizwakho yoke,

1 IINKRONIKE 29:14

“Nje-ke bengingubani mina, nesizwe sami besiyini bona singabe sinikele ngehliziyo evumako? Lokhu sikwenze ngombana koke kuvela kuwe Somnini, thina sinikele kwaphela lokho esikuphiwe sisandla sakho.

UMATEWU 14:19

Watjela abantu bona bahlale phasi emgwengweni. Wathatha izikwa ezihlanu neenhlambi ezimbili, waqala phezulu ezulwini, wathokoza. Wahlephula izikwa, wanikela abafundi bakhe, bona banikela abantu.

1 KWEBEKORINTE 10:31

Nje-ke nanyana niyagoma namkha niyasela namkha nenza nanyana yini, kwenzeni koke mayelana nedumo lakaZimu.

UJWANISI 6:23

Eminye imikhumbi evela eThibheriyasi, yafika hlanu kwalapha isiqubuthu besigomela khona isikwa ngemva kobana iKosi uJesu ithokozile.

1 KWEBETHESALONIKA 5:18

Thokozani kibo boke ubujamo ngombana lokho kuyintando kaZimu kuKrestu Jesu ngani.

UDUTERONOMI 8:9

inarha lapha nizagoma khona isikwa singapheli, lapha ningekhe naswela khona, inarha lapha amatje wakhona kungewesimbi, lapha ningemba khona ikoporo emibundwini yakhona.

UDUTERONOMI 31:20

Nasele ngiwalethe enarheni egeleza ibisi neliju, engayifungela ukuyinikela aboyisemkhulu, sele agomile asuthi aziimputjuputjwana, azakuphendukela kibosingazimu abalotjhe, mina angeqise amehlo, ephule isivumelwano sami.

U-ISAYA 5:1

Angivume ingoma esikhundleni somnganami, iye, ingoma yomnganami ngesidiribe sakhe. Umnganami gade anesidiribe embundwini onothileko.

UJUWELI 2:26

Nje-ke, nizakuba nenala nidle nanele; nizakudumisa ibizo lakaSomnini uZimenu, owanenzela imikarisomraro. Isizwe sami angeze sisaphoqeka.