UDUTERONOMI 7:9 - IsiNdebele 2012 Translation

⁹ Ngalokho yazini-ke bonyana uZimenu nguye yedwa uZimu, uZimu othembekileko ngokugcina isivumelwano. Uthembekile kilabo abamkhathalelako balonde imiyalwakhe, eenkulungwaneni zeenzukulwana,

UDUTERONOMI 7:9 Iomraidhean Croise

UGENESISI 17:7

“Ngizakujamisa isivumelwano phakathi kwami nawe kanye neenzukulwana zakho ngokungapheliko. Kuzakuba sivumelwano sanini nanini: Ngibe nguZimakho noZimu weenzukulwana zakho emva kwakho.

UGENESISI 28:15

Qala, nginawe begodu ngizakuvikela kuphi nakuphi lapha ukhamba khona bengikubuyisele enarheni le. Angeze ngakutjhiya ukufikela ngiphetha engikuthembise khona.”

UGENESISI 9:15

ngizakukhumbula isivumelwano sami nani neendalwa eziphilako zemihlobo yoke. Amanzi awasoze abe mthwalela wokubhubhisa zoke iimphili.

1 AMAKHOSI 8:23

wathi: “Maye! Somnini, Zimu wakwa-Israyeli, akunazimu onjengawe phezulu ezulwini namkha phasi ephasini. Wena ugcina isivumelwano nokwethembeka eencekwini zakho ezikhamba phambi kwakho ngokwethembeka.

1 IINKRONIKE 16:15

USomnini ukhumbula isivumelwano sakhe isiphelani, nelizwi ayala ngalo iinzukulwana eziziinkulungwana:

2 IINKRONIKE 6:14

wathi, “Kosami! Zimu wakwa-Israyeli! AkunaZimu onjengawe ezulwini namkha ephasinapha. Wena uphetha isivumelwano sakho nokwethembeka eencekwini zakho ezitjhabatjhekela indlelakho.

UNERHEMIYA 1:5

ngathi: “Maye Somnini, Zimu wezulwini! Wena unguZimu omkhulu, owesabekako, ogcina isivumelwano nothembekileko kilabo abakukhathalelako nabagcina imiyalwakho.

UNERHEMIYA 9:32

“Nje-ke Zimethu, wena unguZimu omkhulu, onamandla nowesabekako, ogcina isivumelwano nokwethembeka, sibawa bona boke ubudisi obasehlela, bungabonakali bulula emehlwenakho. Iye, ngitjho ubudisi obehlele phezu kwethu, amakhosethu, abarholi, abaphristi, abaphorofidi nabobaba kanye naphezu kwabantu boke kusukela esikhathini samakhosi we-Asiriya bekube kunamhlanje.

AMARHUBO 103:18

kilabo abalonda isivumelwano sakhe, iye, labo abakhumbula ukulandela ifundiswakhe.

AMARHUBO 105:8

Ukhumbula isivumelwano sakhe nini nanini nesithembiso ayala ngaso iinkulungwana zeenzukulwana,

AMARHUBO 119:75

Somnini, ngiyazi bona imithethwakho ilungile begodu ungithobise ngeqiniso.

AMARHUBO 146:6

owenza izulu nephasi, ilwandle nakho koke okukikho, olonda iqiniso isiphelani,

AMARHUBO 36:6

Somnini, ukwethembeka kwakho kunabele emazulwini, nobuqotho bakho bufika emkayini.

U-EKSODUSI 20:6

Kodwana ukwethembeka kwami kuzakuhlala eenkulungwaneni zeenzukulwana zalabo abangikhathalelako nabalonda imiyalwami.

U-ISAYA 49:7

Nakhu okutjhiwo nguSomnini, umHlengi noCwengileko ka-Israyeli kiloyo owanyazwa bewanyenywa sisizwe, iye, encekwini yababusi uthi: “Amakhosi namakhosana azakubona, aphakame. Azakuhloma iinhloko phasi ngebanga lakaSomnini othembekileko, iye, ngebanga loCwengileko ka-Israyeli okukhethileko.”

UJOROMIYA 32:18

Ukhombisa ukwethembeka kabaziinkulungwana kodwana ubuyiselela icala labobaba phezu kwabantwana abeza ngemva kwabo. Wena Zimu omkhulu nonamandla, ibizo lakho unguSomnini uMninimandlawoke;

ISILILO 3:23

Siba sitjha njalo ekuseni; mbala, bukhulu ubuqotho bakhe.

UDANYELA 9:4

Ngathandaza kuSomnini uZimami, ngavuma ngathi: “Awu Somandla, wena unguZimu omkhulu nowesabekako, ogcina isivumelwano nokwethembeka kilabo abakuthandako nabalonda imiyalwakho.

UNUMERI 14:18

‘USomnini ubuthaka ekusilingekeni, uzele ukwethembeka, ulibalela imilandu nemitjhapho, kodwana akazumlisa onomlandu. Wehlisela isibetho sezono zaboyise phezu kwabantwababo besizukulwana sesithathu nesesine.’

KWEBEROMA 8:28

Siyazi bonyana kilabo abathanda uZimu, wenza bona koke kuhlangane bekubakhambele kuhle, iye, labo ababizwe ngokweminqopho yakhe.

1 KWEBEKORINTE 1:9

Uthembekile uZimu owanibizela ebudlelwaneni neNdodana yakhe, uJesu Krestu iKosi yethu.

1 KWEBEKORINTE 10:3

Boke bagoma ukudla kunye kwakaMoya,

1 KWEBEKORINTE 8:3

Kodwana umuntu othanda uZimu waziwa nguZimu.

2 KWEBEKORINTE 1:18

Ngokuthembeka kwakaZimu, umyalezwethu kini awusi ngu: “Iye; awa”.

UDUTERONOMI 32:39

Qalani-ke gadesi, mina ngingimi kwaphela; akunaZimu ngaphandle kwami! Mina ngiyabulala, ngibuye ngiphilise, nangilimazileko, ngibuye ngipholise; akakho ongasindisa esandleni sami.

UDUTERONOMI 32:4

Ulidwala, umsebenzakhe uphelele, iye, zoke iindlela zakhe zilungile. UnguZimu wokwethembeka, uZimu onganasiphambeko, umsulwa begodu uneqiniso.

UDUTERONOMI 4:35

Nina nakhonjiswa bonyana nazi ukuthi uSomnini unguZimu, akakho omunye ngaphandle kwakhe.

UDUTERONOMI 4:39

Yazini-ke namhlanje, nikufake eenhliziyweni zenu kobana uSomnini unguZimu ezulwini phezulu nephasini phasi, akakho omunye!

UDUTERONOMI 5:10

Kodwana ukwethembeka kwami kuzakuhlala eenkulungwaneni zeenzukulwana zalabo abangikhathalelako nabalonda imiyalwami.

1 KWEBETHESALONIKA 5:24

Yena onibizako uthembekile begodu uzakwenza lokho.

2 KWEBETHESALONIKA 3:3

Kodwana iKosi ithembekile, izanipha amandla beyiniphephise komumbi.

2 UTHIMOTHI 2:13

Nangabe asikathembeki, yena uyokuhlala njalo athembekile ngombana angekhe aziphika.”

UTITOSI 1:2

ethembeni lepilo engapheliko uZimu ongaleyi amala akuthembisa koke kungakathomi;

AMAHEBHERU 10:23

Nje-ke asibambisiseni ethembeni lokukholwa kwethu esikuvumako ngaphandle kokuzaza ngombana uthembekile loyo othembisileko.

AMAHEBHERU 11:11

Ngokukholwa u-Abrahamu wafumana amandla wokubeletha selaluphele nanyana uSara umkakhe bekayinyumba ngombana bekasazi bonyana wethembekile othembisako.

AMAHEBHERU 6:18

Wakwenza lokhu ukuze ngezinto ezimbili lezo ezingaphendukiko angekhe kwenzeke bona aleye amala; kuthi thina esiphephele kuye sikhuthale ngamandla sibambelele ethembeni elibekwe phambi kwethu.

UJAKOPO 1:12

Ubusisiwe onyamezelako ekulingweni ngombana nasele aphumelele ekulingweni kwakhe, uzakwamukeliswa isihlohlo sokuphila iKosi eyasithembisa labo abayithandako.

1 UJWANISI 1:9

Kodwana nangabe siyazivuma izono zethu, yena uthembekile begodu ulungile kobana asithethelele izono zethu, asihlambulule kikho koke ukungalungi.

ABAKHOKHELI 2:1

Ingilozi kaSomnini yakhuphuka isuka eGiligali yaya eBhokimu, yathi kuma-Israyeli: “Nganikhupha eGibhide nganisa enarheni engafunga bonyana ngizayipha aboyihlo. Ngathembisa bonyana angeze ngephula isivumelwano sami nani.

ABAKHOKHELI 5:31

“Azibhubhe bunjalo zoke izitha zakho, Somnini! Kodwana abangani bakho bafane nelanga, lona eliphuma ngamandlalo.” Yeke inarha yaba nokuthula iminyaka ematjhumi amane.