UDUTERONOMI 7:8 - IsiNdebele 2012 Translation

⁸ kodwana kungebanga lokobana uSomnini uyanithanda nokobana ufeza isithembiso asifunga kiboyihlomkhulu. Ngebangelo uSomnini unikhuphe ngesandla esinamandla, wanihlenga ekumbeni yobukhoboka, esandleni sakaFaro ikosi yeGibhide.

UDUTERONOMI 7:8 Iomraidhean Croise

UGENESISI 19:16

Kodwana uLothi wadidizela. Nje-ke amadoda lawo amdzwebula ngomkhono kanye nomkakhe namadodakazakhe amabili abakhuphela ngaphandle kwedorobho, bajama lapho. Lokhu kwenzeka ngombana uSomnini waba nezwelo kuLothi.

UGENESISI 19:29

Lokha uZimu nakabhubhisa amadorobho womrhoba, lapha bekuhlala khona uLothi, wasindisa uLothi loyo ekubhujisweni. Ngokwenza njalo wakhumbula u-Abrahamu nakarhayila amadorobho lawo.

2 USAMYELA 22:20

Wangikhupha emkghothweni wangibeka etjhatjhalazini, wangisindisa ngombana angithanda.

1 AMAKHOSI 10:9

Akudunyiswe uSomnini uZimakho, okarekileko ngawe bewakubeka esihlalweni sobukhosi bakwa-Israyeli. Ngebanga lethando elingapheliko uSomnini athanda ngalo u-Israyeli, ukwenze waba yikosi bona ulethe ukulunga nobulungiswa.”

1 IINKRONIKE 16:16

isivumelwano asenza no-Abrahamu, nesifungo asenza no-Isaka.

2 IINKRONIKE 9:8

Akudunyiswe uSomnini uZimakho okarekileko ngawe, bewakwenza waba yikosi ngokukubeka esihlalweni sakhe sobukhosi kobana ubuse esikhundleni sakaSomnini uZimakho. UZimakho uthanda u-Israyeli begodu unetjisakalo yokobana abe sisizwe esinzinze isiphelani. Ngebangelo ukujamise waba yikosi phezu ko-Israyeli kobana ulethe ukulunga nobulungiswa.”

AMARHUBO 105:42

Mbala, wakhumbula isithembiso sakhe esicwengileko asinikela ku-Abrahamu incekwakhe.

AMARHUBO 44:3

Nguwe owaqotjha bezizwe ngesandla sakho, kodwana abokhokho wabatjala. Nguwe owahlunguphaza izizwe, kodwana abokhokho wabatjhaphulula.

AMARHUBO 44:4

Ngambala ngeenhlabano zabo, azange bathumbe inarha, namkha bahlule ngeenkhwepha zabo. Kwaba ngesidla sakho nangengalwakho nokukhanya kobukhona bakho ngombana bewubathanda.

U-EKSODUSI 13:14

“Nakube ngokuzako indodanakho iyakubuza ithi, ‘Baba, kutjho ukuthini lokhu?’ uzakuthi kiyo, ‘USomnini wasikhupha eGibhide ekumbeni yobukhoboka ngesandla sakhe esinamandla.

U-EKSODUSI 13:3

UMosi wathi ebantwini: “Khumbulani ilangeli eniphuma ngalo eGibhide, ekumbeni yobukhoboka ngombana uSomnini unikhupha endaweni le ngamandla wesandla sakhe. Ngalokho ningagomi isikwa esinengumelo ngelangeli.

U-EKSODUSI 20:2

“Mina Somnini nginguZimakho owakukhupha enarheni yeGibhide ekumbeni yobukhoboka.

U-EKSODUSI 32:13

USomnini akakhumbule u-Abrahamu, u-Isaka no-Israyeli iinceku zakhe afunga kizo ngebizo lakhe wathi, ‘Ngizakwandisa iinzukulwana zenu zibe njengeenkwekwezi zomkayi, nginikele iinzukulwana zenu yoke inarha enginithembise yona le kobana ibe lilifa lazo isiphelani.’ ”

U-EKSODUSI 6:6

“Ngalokho tjela ama-Israyeli uthi, ‘NginguSomnini begodu ngizonikhupha emsebenzini okatelelako wamaGibhide. Nginitjhaphulule ekubeni makhobokawo, nginihlenge ngomkhono olulekileko nangokugweba amaGibhide ngesigwebo esikhulu.

U-ISAYA 43:4

Njengombana usese ligugu kimi begodu uhloniphekile emehlwenami, iye, njengombana mina ngikuthanda, ngizakwenana ngabantu godu nginikele ngezizwe esikhundleni sepilwakho.

U-ISAYA 63:9

Kiwo woke amatshwenyekwabo naye watshwenyeka, ngalokho, ingilozi yobukhona bakhe yabasindisa. Yena ngokwakhe wabahlenga ngethando nangezwelo, wabenyula bewabathwala yoke imihla yaphambilini.

UJOROMIYA 31:3

USomnini wazibonakalisa ku-Israyeli akude, wathi: Ngikuthande ngethando lanini nanini, ngalokho ngiragele phambili ngokwethembeka kwami kuwe.

UHEZEKIYELI 36:22

Ngalokho khuluma endlini yakwa-Israyeli uthi, ‘Nakhu okutjhiwo nguSomnini uSomandla: Akusingebanga lakho, wena ndlu yakwa-Israyeli, kobana ngithathe igadango, kodwana kungenca yebizo lami elicwengileko enalisilaphaza hlangana nezizwe enafika kizo.

UMIKHA 6:4

Iye, nganikhupha eGibhide; nganihlenga enarheni yobukhoboka. Nganithumela uMosi, u-Aroni noMeriyamu kobana banirhole.

UMIKHA 7:20

Uzakuba ngoqinisileko kuJakopo nothembekileko ku-Abrahamu, njengombana wafunga kibobaba ekadeni.

UZEFANIYA 3:17

USomnini uZimakho ungesirhodlweni sakho, unamandla wokusindisa. USomnini uzakukarekela ngethabo elikhulu; akuthande ngesirhawu, akuthakasele

UMALAKI 1:2

“Nginithandile”, kutjho uSomnini, “nokho niyabuza nithi, ‘Usithande ngani?’ “Lalelani-ke: U-Esewu akusimnakwabo kaJakopo na? Nokho ngamthanda uJakopo,

UMATEWU 11:26

Iye Baba, ngaleyondlela kube kuhle kuwe.

ULUKASI 1:55

njengombana athembisa ku-Abrahamu nakizo zoke iinzukulwana zakhe ngokungapheliko.”

KWEBEROMA 11:28

Mayelana nevangeli-ke amaJuda azizitha ngebanga lenu, kodwana ngokokukhethwa, athandiwe ngebanga labobamkhulwawo

UDUTERONOMI 1:8

Qalani, ngibeke inarha phambi kwenu. Ngenani nithumbe inarha mina Somnini engafunga kiboyihlomkhulu u-Abrahamu, u-Isaka noJakopo kobana ngizayinikela bona neenzukulwana zabo ngemva kwabo.”

UDUTERONOMI 10:15

khonapho uSomnini bekasoloko abeke ihliziywakhe kiboyihlomkhulu bewakhetha iinzukulwana zabo, okutjho nina, phakathi kwezizwe zoke njengombana kunjalo namhlanje.

UDUTERONOMI 23:6

Epilwenenu yoke ningasekeli ukuthula kwabo nepumelelwabo.

UDUTERONOMI 33:3

Iye, Somnini, wena othanda izizwe, boke abacwengileko basesandleni sakho; bazithoba eenyaweni zakho, benza imiyalwakho.

UDUTERONOMI 4:20

kodwana nina uSomnini unithethe wanikhupha ekehleni yomlilo wesimbi eGibhide bonyana nibe lilifa lakhe njengombana kunjalo nanamhlanje.

UDUTERONOMI 4:34

Kwakhe kwaba nozinyana owalinga ukukhamba ayozenyulela isizwe hlangana nezinye ngokuzibonakalisa ngamatshwenyeko, iimbonakaliso, imikarisomraro nezipi, ngamandla amakhulu nangesiphanga sakhe nangokwesabeka okukhulu njengombana kwenza uSomnini uZimenu eGibhide niqalile na?

UDUTERONOMI 4:37

Ngebanga lokobana wathanda aboyihlomkhulu, wakhetha iinzukulwana zabo ngemva kwabo, wanikhupha eGibhide ngokwakhe nangamandlakhe amakhulu,

UDUTERONOMI 5:6

“Mina Somnini nginguZimakho owakukhupha enarheni yeGibhide ekumbeni yobukhoboka.

1 UJWANISI 4:19

Thina siyathanda ngombana yena wasithanda qangi.

1 USAMYELA 12:22

Ngebanga lebizo lakhe elikhulu uSomnini akazukubalahla abantu bakhe ngombana wakuthabela ukunenza bona nibe ngebakhe.