6 Nina nibabantu abacwengileko kuSomnini uZimenu. USomnini uZimenu unikhethe kobana nibe sisizwe esingesakhe hlangana nabo boke abantu abasephasinapha.
Incekwakho nasi hlangana nabantu abanengi obakhethileko, banengi babulala inyoka.
Bazithathele amanye wamadodakazi wabantwabo bona abe bafazi babo nabamadodanabo. Nje-ke imbewu ecwengileko seyizihlanganise nabantu beenarha ezibazombileko. Begodu isandla seenkhulu nabaphathi siphambili endabeni yokungathembeki le.”
uJuda waba sisabelo esicwengileko sakaZimu, u-Israyeli waba mbuswakhe.
Mbala, uSomnini ukhethe uJakopo bona abe ngowakhe, iye, u-Israyeli abe lilifa elingelakhe.
athi: “Ngibuthelani abathembekileko bami, labo abenza isivumelwano nami ngomhlabelo.”
Ngizanenza isizwe sami, mina ngibe nguZimenu. Ngalokho nizakwazi bonyana nginguSomnini uZimenu owanikhupha emsebenzini okatelelako wamaGibhide.
“Kodwana wena Israyeli, ncekwami, wena Jakopo, engikukhethileko, sizukulwana somnganami u-Abrahamu,
ngakugugudlhela usemikhawulweni yephasi, ngakubiza usemajukujukwini. Ngathi kuwe, ‘Uyincekwami, ngikukhethile, akhange ngikulahle.’
Ngitjho nanyana enarheni kusele itjhumi ekhulwini, nalo lizakuqothulwa godu. Kodwana njengomuthi we-owuku namkha omunye nomunye omkhulu otjhiya isiphunzi nawugawuliweko, ngokunjalo kuzakusala isiphunzi okutjho isizukulwana esicwengileko.”
Bazakubizwa bona “bababantu abacwengileko” begodu “abahlengiweko bakaSomnini”. Wena Jerusalema uzakubizwa bona “ungufunwako”, begodu “ulidorobho elingasatjhiywako”.
U-Israyeli gade acwengile kuSomnini, asilumo sakhe seenthelo zesivuno. Boke abahlephula kiso baba nomlandu, behlelwa yihlekelele.’ ” Kutjho uSomnini.
Uthi kibo, ‘Nakhu okutjhiwo nguSomnini uSomandla: Mhlana ngikhetha u-Israyeli, ngafunga esizukulwaneni sendlu kaJakopo, iye, ngazazisa kibo enarheni yeGibhide ngathi nginguSomnini uZimenu.
Kodwana nina nganithembisa ngathi, ‘Nizakuzuza inarhabo. Ngimi oninikela yona bona ibe lilifa lenu. Kuyinarha egeleza ibisi neliju.’ NginguSomnini uZimenu owanihlukanisa nezinye izizwe.
Yibani ngabacwengileko kimi ngombana mina Somnini ngicwengile begodu nginahlukanisile nezinye izizwe bona nibe ngabami.”
“Ngini kwaphela enganikhetha phakathi kwemindeni yoke yephaseli; yeke ngizanihlunguphaza ngebanga lazo zoke izono zenu.”
USomnini uSomandla uthi: “Ngambala bazakuba ngebami mhlana ngenyula igugu lami. Ngizabarhawukela njengomuntu orhawukela indodanakhe emsebenzelako.
UZimu wabantu bakwa-Israyeli laba wakhetha abokhokho bethu, bewabenza isizwe esikhulu ngesikhathi basahlezi njengeenkhonzi eGibhide. Nje-ke wabakhupha enarheni leyo ngamandla amakhulu.
Bona bama-Israyeli, baphiwe ukwenziwa abantwana bakaZimu, iphazimulo, iimvumelwano, ukunikelwa umthetho, ukulotjha kanye neenthembiso.
Nina nisisizwe esicwengileko kuSomnini uZimenu begodu uSomnini unikhethe phakathi kwabo boke abantu abasebusweni bephasi kobana nibe ngebakhe.
Ningagomi ingcuba; inikeleni abatjhili abasemadorobhenenu kobana bazigomele yona. Nakungasinjalo niyithengisele imiqhamuka. Khumbulani bona nina nisisizwe esicwengileko kuSomnini uZimenu. Ningapheki imbuzana ngebisi lakanina.
USomnini naye umemezele namhlanje bona nisisizwe esingesakhe njengombana anithembisile. Ngalokho londani yoke imiyalwakhe.
USomnini uzaniphakamisa ngaphezu kwazo zoke izizwe azidalileko, ngokudunyiswa, ngokwaziwa nangokuhlonitjhwa. Nizakuba babantu abacwengileko kuSomnini uZimenu njengombana akhulumile.
USomnini uzanijamisa njengesizwe esicwengileko kuye njengombana afunga kini, iye, nanigcina imiyalo kaSomnini uZimenu benikhambe eendleleni zakhe.
Iye, Somnini, wena othanda izizwe, boke abacwengileko basesandleni sakho; bazithoba eenyaweni zakho, benza imiyalwakho.
kodwana nina uSomnini unithethe wanikhupha ekehleni yomlilo wesimbi eGibhide bonyana nibe lilifa lakhe njengombana kunjalo nanamhlanje.
Ngebanga lokobana wathanda aboyihlomkhulu, wakhetha iinzukulwana zabo ngemva kwabo, wanikhupha eGibhide ngokwakhe nangamandlakhe amakhulu,
owazinikela ngebanga lethu ukuze asihlenge ekukhohlakaleni koke, azihlambululele abantu bakhe abatjhisekela imisebenzi emihle.
Kodwana nina nisisizwe esikhethiweko, ubuphristi bobukhosi, isizwe esicwengileko, abantu ekungebakaZimu kobana nitjhumayele imisebenzi yamandla yaloyo owanibiza bona niphume ebumnyameni nize ekukhanyeni kwakhe okukarisako.
Godu azange arhawukele iphasi lekadeni, kodwana wamlonda uNowa umtjhumayeli wokulunga kanye nabanye abalikhomba, ngesikhathi aletha umthwalela ephasini labangamesabiko uZimu;
Ngalokho uSomnini uyakwazi ukusindisa labo abamesabako ekulingweni; kuthi abangakalungi ababekele ukuhlunguphazwa ngelanga lokugwetjwa,
Ngebanga lebizo lakhe elikhulu uSomnini akazukubalahla abantu bakhe ngombana wakuthabela ukunenza bona nibe ngebakhe.